تازه خبرونه
امنيتي چارواکي: د سيمې هېوادونو ترهګرې ډلې په افغانستان کې د اډو جوړولو په هڅه کې دي
امنيتي مسولین وايي چې د سیمې هېوادونو ټولې ترهګرې ډلې په دېهڅه کې دي چې په افغانستان کې د اډو د جوړېدو له پاره پانګونه وکړي او خپل تحرکات زیات کړي.
دوی وايي چې طالب وسله والو هم د سیمې له يو شمېر هېوادونو سره اړیکه نیولې چې د پیاوړي کېدو یوازينۍ موخه يې د افغانستان د خلکو وژل دي. امنیتي مسولینو دا څرګندونې د ولسي جرګې په استجوابیه غونډه کې وکړې او ويې ویل چې د ملي امنیت شورا د ټولو امنیتي ګواښونو د چمتووالي له پاره کړنلاره تصویب کړي ترڅو ټول ځواکونه په همغږۍ سره د ټولو ترهګرو ډلو پر وړاندې ودرېږې،خو د ولسي جرګې د امنیتي ځواکونو څرګندونې د قناعت وړ ونه بلل شوې .
ولسي جرګې په هېواد کې د امنيتي ګواښونو او ستونزو په اړه د ملي دفاع، کورنیو چارو او د ملي امنیت مسولین استجواب کړل. د ولسي جرګې غړي په هېواد کې د طالب، داعش او نورو ډلو د فعالیتونو او ګواښونو له امله د اندېښنې په څرګندونو سره د امنيتي کړنلارې د جوړېدو او د ځواکونو په پیاوړتیا ټینګار وکړ.
د ولسي جرګې غړېفوزیه کوفي وايي: “موږ باید چې د برید یوه ستراتیژي ولرو هغه سیمې چې د جګړي جغرافیا نه ده اوس نا امنه شوې تېره ورځ بدخشان ته پاکستانیان هم راغلي ټول ځایونه نا امن دي او په ډېرو ولسوالي ګانو کې طالبان هم حاکم دي.”
د ولسي جرګې غړی عبدالحی اخندزاده وايي: “سنګین د طالب په لاس کې دی مارجه او خانشین ټول له بد حالت سره مخ دي تاسو درې کیلومتره پرمختګ هم نه دی کړی.”
د ملي دفاع وزارت وویل چې د ملي امنیت د شورا له خوا امنيتي کړنلاره جوړه شوې او د هغه په اساس به امنيتي ځواکونه د ټولو ګواښونو په اړه په لنډمهال او اوږدمهال کې لازم چمتوالی ولري. هغه وویل چې هوایي ځواکونه د تجهیز په حال کې دي، د جي۵۳۰ الوتکو تر څنګ د هند درې اېم۲۴ الوتکې رسېدلې او داې۲۹او ۲۸نورې الوتکې هم افغانستان ته ورکول کېږي.
د ملي دفاع وزارت سرپرست محمد معصوم ستانکزی وايي: “د هوايي ځواک په برخه کې موږ پانګونې ته اړتیا لرو چې یوازې په دوو کلونو کې۲ اعشاریه ۵ میلیارد ډالرو پانګونه کوو چې ژمني يې هم وروستۍ شوې دي.”
د کورنیو چارو وزیر وویل چې ترهګرې ډلې په پام کې لري چې د افغاستان ښارونه، لويې لارې او په سرحدونو بريد وکړي او زيان ورته ورسوي.
د کورنیو چارو وزیرنورالحق علومي وايي: “زموږ د سیمې هېوادونو ټولې ترهګرې ډلې د پانګونې په هڅه کې دي ترڅو دلته ځان ته اډه جوړه کړي او د هېواد په جنوب او شمال کې هڅې روانې دي.”
د ملي امنیت سرپرست مسعود اندرابي وايي: “د سيمه ييزو اړيکو له پاره طالبان په دې هڅه کې دي او کوښښ کوي امکانات پیدا کړي څو د خلکو د وژنو له پاره زمینه برابر ه کړي او اړيکې يې هم نیولې دي چې دا د سیمې د هېوادونو په ګټه نه دي.”
خو د امنيتي مسولینو څرګندونو د ولسي جرګې قناعت ترلاسه نه کړ.
د ولسي جرګې رييس عبدالروف ابراهیمي وايي: “د دوی پلانونه د منلو وړ نه دي باید چې امنيتي ارګانونه امنيتي ستراتیژي جوړه او د ولسي جرګې کورني او دفاعي کمیسیون ته يې وړاندې کړي.”
دا په داسي حال کې دي چې د روسيې چارواکو وړاندې ویلي وو چې دوی به د داعش د ځپلو له پاره له طالبانو سره اړیکه ونيسي.
خبريال: عبدالعزیز کریمي
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
چین په افغانستان کې له سیلاب ځپلیو سره سل زره ډالر مرسته کوي
په کابل کې د چین سفیر په افغانستان کې د وروستیو سېلابونو له قربانیانو سره د دغه هېواد د سره صلیب له لارې د سل زره ډالرو مرستې اعلان وکړ.
ژاو شينګ د دوشنبې پر ورځ (د غویي لسمه) د ریاست الوزراء له اداري مرستيال عبدالسلام حنفي سره په کتنه کې ويلي، چې دغه مرستې به ډېر ژر اړوند چارواکو ته وسپارل شي.
د ریاست الوزراء د اداري مرستیالۍ د خبرپاڼې له مخې؛ د چين سفير ويلي، چې د دواړو هېوادونو د اړيکو د پياوړتيا لپاره چين په بېلابېلو برخو کې افغان زدهکړیالانو ته د تحصيلي بورسونو زمينه برابره کړې ده. همدارنګه د افغانانو د ظرفیت لوړولو لپاره د طب په ګډون په بېلابېلو څانګو کې لنډ مهاله روزنیز کورسونه تنظیموي.
نوموړي په بېلابېلو برخو کې د پانګونې لپاره د چينايي سوداګرو او شرکتونو لیوالتيا هم ياده کړې او څرګندوي؛ د دواړو هېوادونو اقتصادي او سوداګريزې اړيکې په ښه حالت کې دي او چينايي سوداګر او پانګوال لیواله دي، چې په افغانستان کې پانګونه وکړي.
-
تازه خبرونه2 days ago
د بغلان ولایت د غوري سمنټو تولید زیات شوی
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه23 hours ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی19 hours ago
اټک انرژي او موج ساحل د دوشنبې د ورځې لوبې وګټلې