تازه خبرونه
په کابل کې د کارګر نړیواله ورځ ونمانځل شوه
د کار او ټولنیزو چارو وزیره په هېواد کې بېکاري لویه ستونزه بولي او وايي چې د کار په شرایطو برابر څلوېښت په سلو کې وګړي بې کارهدي چې په هېواد کې فقر هم ورسره ډېر شوی دی.
همداراز پانګوال بیا له حکومت څخه د خوندیتوب او امنیت غوښتنه کوي دوی وايي چې یوازېپه یوه اوونۍ کې د هېواد په کچه ۴۹سوداګر اختطاف شوي دي.
د کارګر نړیواله ورځ په داسي حال کې ونمانځل شوه چې له یوې خوا کاري فرصتونه مخ په کمېدو دي او له بلې خوا د پانګوالود اختطاف پېښې زیاتې شوېدي. خصوصي سکتور چې په کار موندنه کې مهمه ونډه لوبولی شي اوس له افغانستان څخه خپلې پانګې ټولوي او د خپل ژوند د خوندیتوب په لټه کې دی.
د افغانستان د سوداګرۍ خونې مرستیال وویل چې یوازې په یوه اونۍ کې په هېواد کې ۴۹سوداګر اختطاف شوي چې یوازې۳۰يېپه ننګرهار کې دي.
د سوداګرۍ د خونې مرستیال خانجان الکوزی وايي: “ډېر بېتفاوت چلند کېږی موږته داعش او طالب تهدید نه دي موږ اخطاف ګران تهدید کوي دا لوی تهدید دی فابریکې بندېږي، د کارګر په ستوني پښه ږدي، د افغانستان نظام له منځه وړي.”
د کار او ټولنیزو چارو وزیره په هېواد کې بېکارۍ لویه ستونزه بولي خو وايي چې د بېکارۍ د ستونزو د حل له پاره په ستراتیژۍ کار کوي چې په راتلونکو دریو میاشتو کې به یې چارې وروستۍ شي.
د کار او ټولنیزو چارو وزیره نسرین اوریا خیل وايي: “په رښتیا سره هم چې بېکارۍ تر څلوېښت فیصده هم لوړه ده او له دې بېکارۍ وینو چې د فقر کچه لوړه شوې ده. د خلکو اقتصادي ستونزې زیاتې دي.”
همدازار د کارګرانو د ټولنې رییس له حکومت غواړي چې له هېواده د ځوانانو د تېښېد مخنیوي له پاره پراختیایي پروژې عملي کړي.
د کارګرانو د ټولنې رییس معروف قادري وايي:”اقتصادي زیربنا او پراختیایي پروژې بايد پرته له کوم ځنډ څخه عملي شي، بهرته د ځوانانو د تېښتې مخنیوی وشي ځکه دا خپله د دولت پر وړاندې لوی چالش دی.”
په دې وروستیو څو میاشتو کې د نا امنۍ او بېکارۍ له امله له دوو سوو زرو زیات ځوانان په ناقانونه توګه بهر ته ګډوال شوي دي.
خبریال: عبدالعزیز کریمي
تازه خبرونه
په سمنګان ولايت کې د يوې ترافيکي پېښې له کبله ۲۹ کسانو ته مرګ او ژوبله اوښتې
د سمنګان ولایت د امنيه قومندانۍ مطبوعاتي دفتر ويلي؛ د دغه ولايت په دره صوف ولسوالۍ کې د يوې ترافيکي پېښې له کبله ۵ کسان مړه شوي او ٢٤ نور ټپيان دي.
د سمنګان امنيه قومندانۍ زياته کړې؛ دا پېښه نن – پنجشنبه د غویی دیارلسمه) له غرمې مخکې يوولس بجې هغه مهال رامنځته شوه، چې یو اینو ډوله موټر د بلخ او دره صوف ولسوالۍ ترمنځ له سرک واوښت.
د دغې سرچنې د څرګندونو له مخې؛ ټپيان د دره صوف ولسوالۍ روغتون ته لېږدول شوي.
دغه راز څرګندوي؛ د درې ټپیانو روغتيايي حالت د اندېښنې وړ دى، چې د بلخ حوزوي روغتون ته لېږدول شوي دي.
د دغې پېښې لامل د موټر تخنیکي ستونزې یادې شوې دي.
تازه خبرونه
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
په افغانستان کې د ملګرو ملتونو مرستندویه پلاوي دفتر د “افغانستان د بشري حقونو وضعیت” تر سرلیک لاندې په خپل درې میاشتني راپور کې د ښځو او نجونو، د رسنیو د ازادۍ، خپلسري نیولو، د جسمي مجازاتو او اعدام په اړه اندېښنه څرګنده کړې ده.
یوناما د پنجشنبې پر ورځ – د غویی دیارلسمه – په افغانستان کې د بشري حقونو د وضعیت په اړه د ملګرو ملتونو د امنیت شورا پر سپارښتنه یو راپور خپور کړ، چې په د دغو بریدونو له کبله تر ډېره شیعه افغانان له مرګ او ژوبلې سره مخ شوي دي.
د یوناما په راپور کې راغلي، چې د روان کال له جنورۍ څخه تر مارچ پورې په افغانستان کې د داعش د بریدونو له کبله لږ تر لږه ۳۶ کسان وژل شوي او ۱۱۸ نور ټپیان دي.
د دغه راپور له مخې؛ د جنورۍ له شپږمې څخه تر یوولسمې پورې په کابل ښار کې د لاسي بمونو درې چاودنو لږ تر لږه ۷۹ ملکي وګړو ته مر او ژوبله اړولې ده.
د یوناما د څرګدونو له مخې؛ د جنورۍ پر شپږمه د کابل د دشتبرچي سیمې په یوه مسافر وړونکي بس کې د ماین د چاودنې له کبله پېنځه ملکي وګړي ووژل شول او شل نور ټپیان دي.
دغه راز د جنورۍ پر نهمه د کابل په الوخېل سیمه کې د افغانستان د محبسونو ریاست د کارکوونکیو پر موټر د ځای پر ځای شوي ماین د چاودنې له کبله ۳ تنه وژل شوي او ۱۳ نور پیان شول.
په دې راپور کې راغلي؛ د جنورۍ پر یوولسمه هم د کابل د دشتبرچي اړوند په یوه سوداګریز مارکیټ کې د چاودنې له کبله، چې بڼه یې تر اوسه معلومه نده درې کسان وژل شوي او ۳۵ نور ټپیان دي.
راپور د هم څرګندوي، چې د دغو بریدونو په قربانیانو کې د نرینهوو په ګډون ښځې او ماشومان هم شته.
د یوناما د موندنو له مخې؛ په کندهار کې د کابل بانک د دفتر مخې ته په برید کې ۲۵ کسان ووژل شول او ۵۰ نور ټپیان دي. دا برید د مارچ پر یوویشتمه رامنځته شوی، چې د دې برید پړه هم داعش منلې ده.
باید وویل شي، چې له مارچ راوروسته کابل او هرات د داعش د بریدونو شاهدان ول.
دغه راز په یوه تازه پېښه کې د دوشنبې پر ورځ – د غویی لسمه د داعش وسلهوالو د هرات ګذرې ولسوالۍ د شیعهګانو د جومات پر لمونځ کوونکیو برید وکړ، چې د ښځو او ماشومانو په ګډون یې شپږ کسن ووژل او یو بل ټپي شو.
په دغه راپور کې یوناما د ښځو او نجونو، د رسنیو د ازادۍ د وضعیت او په خپل سر نیول او توقیف، د جسمي مجازاتو او اعدام په اړه اندېښنه ښودلې او ویلي یې دي، چې د بښنې له اعلان سره – سره؛ د افغان حکومت د پخوانیو کارکوونکیو پر وړاندې ګواښونه روان دي. د یوناما د دغه راپور په یوه بله برخه کې راغلي چې د مارچ په اتلسمه په خوست ولایت کې د پاکستان په هوايي بریدونو کې یو کس وژل شوی او دوه نور ټپیان دي او دغه راز په پکتیکا ولایت کې اووه ملکي وګړي وژل شوي دي.
اسلامي امارت دغه راپور بې بنسټه بولي او څرګندوي، چې د یوناما راپورونه تکراري، له پروپاګند څخه ډک او له اسنادو پرته دي؛ځکه، چې په هېواد کې د ښځو او نرینهوو حقونه خوندي دي.
د اسلامي امارت ویاند ذبیح الله مجاهد زیاته کړې، چې رسنۍ د هېواد د قوانینو او ملي ارزښتونو په نظر کې نیولو سره فعالیت کوي او د پخوانیو دولتي کارکوونکیو پر وړاندې هیڅ ډول ګواښ نشته.
د ملګرو ملتونو د بشري حقونو شورا په افغانستان کې د بشري حقونو وضعیت کړکېچن بللی او په هېواد کې یې د بشري حقونو په ځانګړي توګه د ښځو د حقونو د خوندیتوب غوښتنه کړې، چې اسلامي امارت یې بې بنسټه بولي.
د داعش د بریدونو د قربانیانو دغه شمېر په داسې حال کې وړاندې کیږي، چې اسلامي امارت په افغانستان کې د داعش ډلې فزیکي شتون رد کړی او څرګندوي، چې دغه ډله ځپل شوې ده.
تازه خبرونه
د دفاع وزارت چارسمبالي د آذربایجان له سفیر سره وکتل
د ملي دفاع وزارت چارسمبالي محمد یعقوب مجاهد د چارشنبې پر ورځ د غویی پر دولسمه په کابل کې د آذربایجان سفارت له چارسمبالي سره د کتنې پرمهال ویلي؛ د سفارت بیا پرانستل د دواړو هېوادونو ترمنځ د اړیکو د ټینګښت لپاره یو مثبت ګام دی.
د ملي دفاع وزارت په خبرپاڼه کې راغلي، چې محمد یعقوب مجاهد ویلي: د دوه مسلمانو هېوادونو ترمنځ دوستي او مشترکات ډېر د ویاړ خبره ده.
محمد یعقوب مجاهد په کابل کې د آذربایجان د سفارت بیا پرانستل یو مثبت ګام یاد کړ او څرګندوي: د دې اوږدمهاله اړیکو د ټینګښت لپاره مونږ غواړو، چې په اقتصادي، سوداګریزو او نورو برخو کې همکارۍ ژر تر ژره پیل کړو.
د آذربایجان سفیر الهام محمدوف هم ویلي؛ مونږ چمتو یو، چې د اسلامي امارت او د دغه هېواد له خلکو سره د اړیکو د ټینګښت په برخه کې همکارۍ پراخې کړو.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه1 day ago
په هر حال پر رفح برید شونی دی – نتانیاهو
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
لوبی1 day ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي