تازه خبرونه
هلمند والي د سرتېرو جلب و جذب ته له هلمندیانو مرسته وغوښته
د هلمند والي د دې ولايت له اوسيدونکیوغواړي، چې د سرتېرو په جلب او جذب کې له دوی سره مرسته وکړي.
د هلمند والي حیات الله حیات په داسې حال کې د دې ولايت له اوسيدونیکو څخه د امنيتي ځواکونو ليکو ته د ځوانانو د جلب او جذب غوښتنه کوي، چې په هلمند کې له تېر يو کال راپه ديخوا د جګړې ډګرتود او د نارسمي شمېر له مخې سلګونه سرتېرو يې په لړ کې خپل ژوند له لاسه ورکړی دی.
حیات الله حیات د هلمند له اوسيدونکیو وغوښتل، چې د همدې سرتېرو هیلو او آرمانونو ته د رسیدو لپاره اړينه ده، چې خپل ځوانان د امنيتي ځواکونو لیکو ته ورکړي، چې وسلوال مخالفين له ماتې سره مخ او پرمختګ ته لار اواره شي.
هغه همدا راز د هلمند له اوسیدونکیو څخه د شته سرتېرو د کلک ملاتړ غوښتنه وکړه، چې وکولی شي په ډاډمنه توګه د وسلوالو مخالفينو پلانونه شنډ کړي.
د هلمند ولايتي شورا رییس محمد کریم اتل وايي، د سرتېرو په جلب او جذب کې پوره هڅې ترسره شوي؛ خو د جګړې په کرښو کې د امنيتي مسوولينو لخوا سرتېرو ته نه پاملرنه، د شهيدانو د کورنيو د حقونو تر پښو لاندې کول، د جګړې پروخت سرتېرو ته په وخت نه رسيدل او د دوی د نغدي حقونو خوړل هغه لاملونه دي، چې امنيتي ځواکونو او خلکو ترمنځ يې واټن ډېرکړی او ځوانان دغو ليکو ته نه ليږي.
هغه په ډاګه کړې، چې، په وار وار یې په غونډو او نورو پروګرامونو کې د هلمند له خلکوهم دا غوښتنه کړې؛ خو تر اوسه پورې يې دا غوښتنه د امنيتي ځواکونو په لیکو کې د پوره عدل د نشتوالي له کبله نه ده پوره شوې.
هلمند د هېواد په کچه ډېر ناامنه ولایت دی، چې خلک یې له دولتي خدماتو بشپړلیرې پاتې دي.
خبریال: نعمت الله زهير.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ