تازه خبرونه
ولسي جرګه: د امنيتي وضعيت د ښه والي له پاره د يوې نوې لارې اړتيا ده
د ولسي جرګې ځینې غړي وایي، په هېواد کې امنیتي وضعیت ډېر د اندیښنې وړ دی او حکومت باید د ناامنیو د کابو کولو له پاره تازه جنګي تګلاره و ارزوي.
دوی وایي، د ناامنیو د زیاتوالي او ملکي وګړو د تلفاتو اصلي علت امنیتي بنسټونو کې د غیر مسلکي کسانو ګمارنه ده چې دې چارې افغان ځواکونه له زیاتو ننګونو سره مخامخ کړي دي. په همدې حال کې د ولسي جرګې د کورني امنیت د کمیسیون رییس ټینګار کوي چې د ناامنیو د لاملونو د څېړلو له پاره باید یوه فوق العاده غونډه جوړه شي.
د وسله والو مخالفینو فعالیتونه په وروستیو میاشتو کې زیات شوي او ځینو ولایتونو کې د افغان ځواکونو او وسله والو تر منځ درنې جګړې شوې دي. د ولسي جرګې غړي پر دې حالت اندېښمن دي او وایي، د دې حالت دوام او د ملکي وګړو تلفات ورته د منلو نه دي او حکومت مکلف دی چې د دغو ناامنیو په کابو کولو کې اغېزمن ګامونه واخلي.
د ولسي جرګې غړې شکېبا هاشمي وايي: “ولې د دښمن د مخکې تګ مخه نه نيول کېږي او په يو شمېر ولايتونو کې ورځ په ورځ ناامني ډېرېږي، هغه کسان بايد وپېژندل شي چې د امنيتي ځواکونو د کمزورۍ لامل کېږي او جدي چلند ورسره وشي.”
د ولسي جرګې وکيله فاطمه عزیز وايي: “د حکومت رهبران د هېوادوالو د امنيت د برابرولو په برخه کې بې مسوليته دي او د دولت د وسله والو ځواکونو د له منځه وړلو له پاره نه لاس په کار کېږي، همدا اوس هم طالبان د کندوز ښار د دروازو تر شا دي، ولې له منځه نه وړل کېږي.”
د ولسي جرګې غړې نظیفه ذکي وايي: “دولت ولې د ترهګرو په وړاندې عمليات نه کړي ولې يې ځالې نه ور ورانوی.”
په همدې حال کې د ولسي جرګې د کورني امنیت د کمیسیون رییس ټینګار کوي چې د ناامنیو د پراختیا او افغان ځواکونو د تلفاتو د زیاتوالي یو لامل په امنیتي بنسټونو کې سلیقه یي چلند دی او دا موضوع باید له ولسمشر سره په یوه فوقالعاده غونډه کې شریکه شي څو د ناامنیو د کابو کولو له پاره یو ګټور پروګرام په پام کې ونیول شي.
د ولسي جرګې د کورني امنیت د کمیسیون رییس میرداد نجرابي وايي: “د تلفاتو د مخنيوي او د جګړې د کنټرول له پاره بايد له ولسمشر سره ځانګړې غونډه ونيول شي او مهم امنيتي موضوعات په کې وړاندې کړل شي، د خلکو غوښتنه ورته ورسول شي، ترڅو د بنسټيز حل له پاره په لاره پيداکولو فکر وشي. د تلفاتو د ډېرېدو او سيمو د سقوط يو لوی لامل په دولتي ارګانونو کې سليقوي چلند دی چې بايد دا ستونزې اوارې کړل شي.”
په ولسي جرګه کې د خلکو استازي ټینګار کوي چې د ناامنیو د کمولو یواځینۍ لار په امنیتي بنسټونو کې د ننګونو په ګوته کول دي او باید د ترهګرو د له منځه وړلو له پاره تازه تګلاره جوړه شي او دا کار کولای شي هېواد کې پرتلیز ثبات راولي.
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه2 days ago
د بغلان ولایت د غوري سمنټو تولید زیات شوی
-
سیمه ییز خبرونه2 days ago
په عراق کې به همجنسبازان پر۱۵ کاله بند شي –پارلمان
-
تازه خبرونه2 days ago
ترکمنستان د ټاپي پروژې بشپړولو ته ژمن دی – امانوف
-
لوبی2 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
تازه خبرونه2 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه1 day ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی23 hours ago
اټک انرژي او موج ساحل د دوشنبې د ورځې لوبې وګټلې