تازه خبرونه
واشنګتن دې افغانستان د ترهګرو پر ځاله له بدلیدو وژغوري-متقاعد جنرال پتریوس
له دوه میاشتو لږه موده پاتې ده، چې په افغانستان کې د جګړې موسم پیل شي او دا وېره هم شته، چې دا جګړه ځپلی هېواد بیا د ترهګرو خوندي ځاله شي.
د امریکا د پوځ یو متقاعد جنرال وایي، چې واشنګتن باید اوس هم پرینږدي، چې افغانستان د ترهګرو پر ځاله بدل شي.
په افغانستان کې د امریکایي او ائتلافي ځواکونو پخواني قومندان جنرال دیوید پتریوس ویلي؛ د دې موخې د تر لاسه کولو لپاره باید افغانان پیاوړي شي، چې څو د خپل هېواد د ادارې توان پیدا کړي.
نوموړي، چې یو مهال د CIA مشر هم پاتې شوی، امریکا ته د کډوالو د ورتګ د محدودولو په تړاو د دونالد ترمپ له تازه کړنو سره هم مخالفت ښودلی دی.
هغه، چې په ۲۰۱۰ تر ۲۰۱۱ کلونو پورې په افغانستان کې د امریکایي او ناتو ځواکونو قومانده په غاړه لرله، د امریکا د ولسي جرګې د وسلوالو خدمتونو کمیتې ته په خبرو کې ویلي؛ اړتیا ده، چې امریکا اوس هم پرینږدي، چې افغانستان د ترهګرو پر ځاله بدل شي.
د ماموریت د تر سره کولو یوازنۍ لار دا ده؛ باید پرینښودل شي، چې افغانستان د ترهګرو پر ځاله بدل شي او د دې موخې د تر لاسه کولو لپاره باید افغانان پیاوړې شي او د خپل هېواد امنیت ساتنې ته تیار شي.
دغه متقاعد جنرال، چې په افغانستان کې بل امریکایي جنرال ته د ناتو او امریکایي ځواکونو د قومندې تر سپارلو وروسته د سي آی آې مشري ور په غاړه شوه، وایي، چې افغانان په میړانه د طالبانو او داعش په وړ اندې جنګیږي.
نوموړي د ترهګرۍ په وړاندې مبارزه کې د امریکا د اسلامي متحدانو پر ارزښت د ټینګار تر څنګ د امریکا د ولسمشر پر کړنو نیوکې وکړې او خبرداری یې ورکړ، چې امریکا ته د مسلمانانو پر ورتګ محدودیت کولی شي توند لاري نور هم پیاوړې کړي.
ډیوید پتریوس وایي؛ په افغانستان کې د امریکایي او ناتو ځواکونو پخوانی قومندان له توند لارو سره په جګړه کې تر ټولو مهم متحدین د مسلمانانو اکثریت دی، چې د القاعده او داعش وحشیانه مفکورې رد کړي. مونږ باید په یاد ولرو، چې اسلامي توند لاري غواړي وښیي، چې دا جګړه د تمدنونو ټکر دی. دا ، چې امریکا له اسلام سره په جګړه کې ده؛ مونږ باید هغوي ته وسایل په لاس ورنکړو.
دا په داسې حال کې ده، چې نیویارک ټایمز ورځپاڼې په یوه مقاله کې په ډاګه کړې، چې امریکا کولی شي خپلې پوځي او دیپلوماتیکې تګلارې همغږې کړي او پرینږدي، چې افغانستان د ترهګرو پر ځال بدله شي.
خبریال: فهیم نوري
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه3 days ago
د بغلان ولایت د غوري سمنټو تولید زیات شوی
-
تازه خبرونه3 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه2 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
لوبی3 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه3 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی2 days ago
اټک انرژي او موج ساحل د دوشنبې د ورځې لوبې وګټلې