تازه خبرونه
د افغانستان د بهرني سیاست بدلون یوه اړتیا ده- رنګین دادفر سپنتا
نن په کابل کې د افغانستان د ستراتیژیکو مطالعاتو د انستیتوت لخوا د بهرني سیاست په اړه یوه ناسته جوړه شوه.
د بهرني سیاست په اړه ملي بحث، د دې غونډې سرلیک دی، چې په کې د پخواني حکومت لوپوړي غړي او اوسني چاوراکي د افغانستان پر بهرني سیاست خبرې کوي.
د ملي امنیت شورا پخوانی سلاکار د هېواد په بهرني سیاست کې بدلون یوه جدي اړتیا بولي؛ هغه هم د کثیرالمحور سیاست له لارې.
د ملي امنیت شورا پخوانی سلاکار رنګین داد فرسپنتا وایي؛ افغانستان د سترو ځواکونو د سیالیو پر ډګر اوښتی او اړتیا ده، چې د هېواد بهرنی سیاست بدل شي.
د نوموړي په وینا؛ په آسیا او منځنښي ختیځ کې د امریکا کمزوري شتون سیالیو ته زمینه برابره کړې ده. ایران او عربستان به له نورو ډېر په سیمه کې د ځواکمنو هېوادونو په توګه د سیالۍ ډګر ته راودانګي.
دغه سیالۍ نه یوازې په یمن، سوریې او عراق کې ښکاره روانې دي، بلکې افغانستان یې هم تر ګواښ لاندې راغلی دی. په دغه اخ و ډب کې مونږ باید سیاسي واقعیت له لاسه ورنه کړو.
د ملي امنیت پخوانی رییس امرالله صالح د بهرني سیاست پر ژبه نیوکه کوي او ټینګار کوي، چې د دیپلوماتانو په ټاکلو کې باید ډېر دقت وشي.
د نوموړي په وینا؛ هغه څه، چې ډېر اړین دي؛ هغه د بهرني سیاست د ژبې څارنه ده. هلته ، چې باید پر لوړ غږ خبرې ونشي؛ لوړ غږ پورته کیږي او چېرته، چې باید لوړ غږ پورته کړو، چپتیا غوره ګڼو. اړینه ده، چې د دیپلوماتانو ژبه باید وڅارل شي.
د ملي امنیت شورا د بهرنیو اړیکو رییس تمیم عاصي وایي، افغانستان د خپل بهرني سیاست لپاره ځواکومن بنسټونه نه دي جوړکړي؛ همدا لامل دی، چې ښه بهرنی سیاست مو نه دی لرلی.
د بهرنیو چارو وزارت مرستیال نصیر احمد اندیشه بیا وایي، چې د بهرني سیاست د ترسیم لپاره ملي هوکړې ته اړتیا ده.
نوموړی افغانستان ته بې طرفه سیاست ښه او مطلوب بولي.
د افغانستان د ستراتیژیکو مطالعاتو انستیوت دغه غونډه د لومړي ځل لپاره په داسې حال کې تر سره کړه، چې بهرنۍ پالیسي د ملي شورا د غړیو او سیاستوالو تر نیوکو لاندې ده او وایي، چې د افغانستان په بهرني سیاست کې د دوست او دښمن تعریف نه دی شوی.
خبریال: نوید بهار
تازه خبرونه
مونږ له نړۍ سره د سیاسي، اقتصادي او فرهنګي اړیکو پر بنسټ تعامل غواړو
د اسلامي امارت د ریاست الوزراء سیاسي مرستیال ویلي؛ د لوړ پوړیو چارواکو سفرونه د دې څرګندويي کوي ، چې اسلامي امارت د ګاونډ او سیمې هېوادونو په ګډون له نړۍ سره د سیاسي، اقتصادي او فرهنګي اړیکو پر بنسټ تعامل غواړي.
د ارګ په خبرپاڼه کې راغلي: د شنبې پر ورځ د غبرګولي پېنځمه د ریاست الوزراء سیاسي مرستیال مولوي عبدالکبیر په سپیدار ماڼۍ کې د صنعت او سوداګرۍ له سرپرست وزیر نورالدین عزیزي سره وکتل.
د ارګ د خبرپاڼې له مخې؛ په دې کتنه کې، چې تېره ورځ په ارګ کې ترسره شوې؛ نورالدین عزیزي د روسیې او اسلامي نړۍ په پېنځلسمه نړیواله اقتصادي غونډه کې د ګډون لپاره تاتارستان ته د خپل سفر راپور د ریاست الوزراء سیاسي مرستیال ته وړاندې کړ.
د صنعت او سوداګرۍ سرپرست وزیر یاد سفر د افغانستان د صادراتو او سوداګرۍ په برخه کې له ډېرو لاسته راوړنو ډک وباله او څرګندوي، چې روسي شرکتونو او بنسټونو په افغانستان کې د پانګونې لېوالتیا وښوده.
نوموړي زیاته کړې، په یاد سفر کې یې د اسلامي امارت ښه استازولي کړې او د غونډې ګډونوالو ته یې ډاډ ورکړ، چې افغانستان کې د پانګونې لپاره ښه زمینه برابره شوې ده.
ویل کیږي، چې د ریاست الوزراء سیاسي مرستیال مولوي عبدالکبیر له نورالدین عزیزي څخه مننه وکړه او د نوموړي دغه سفر یې مثبت وباله.
د روسيې او اسلامي نړۍ پېنځلسمه نړيواله اقتصادي غونډه د ۸۰ هېوادونو د استازو په ګډون په تاتارستان کې تر سره شوې ده.
تازه خبرونه
د کابل- کندهار پر لويه لار د يوې ترافيکي پېښې له کبله ۳۹ کسانو ته مرګ او ژوبله اوښتې
د زابل عامې روغتیا ریاست چارواکو ويلي؛ د کابل – کندهار پر لویه لار د یوه بس د چپه کېدو له کبله د یوې میرمنې په ګډون دوه کسان مړه شوي او ۳۷ نور ټپیان دي.
د زابل ولايت د عامي روغتيا ریيس ميرويس افغان وايي، چې دا پېښه تېره شپه (د غبرګولي پېنځمه) د دې ولايت د شهر صفا ولسوالۍ د کاريزګي په اړوند سيمه کې رامنځته سوې ده.
په ټپيانو کې ٢٦ نرينه او ١١ ښځې دي، چې د درملنې لپاره د شهر صفا ولسوالۍ روغتون ته وړل شوي دي.
تازه خبرونه
له ناقانونه مهاجرینو سره به جګړې ته ورته چلند وشي- د تهران والي مرستیال
د تهران مرستیال والي مهدي باب الحوئجي ګواښ کړی، چې له غیر قانوني مهاجرینو سره به جګړې ته ورته مبارزه وشي.
باب الحوئجي د تهران د ري ښار چارواکو ته په وینا کې ویلي: ” نن په ري ښار کې له ناقانونه وګړو سره مبارزه جنګ ته ورته ده. داسې ده لکه: کله، چې زمونږ اولادونو وسله پورته کړه او لاړل او شهیدان شول.”
نوموړي زیاته کړې: ” زمونږ د کورنيو شاوخوا ماینونه کرل شوي؛ اخلاقي، ټولنيز او اقتصادي ماینونه کرل شوي دي.”
باب الحوئجي ویلي، چې په ري ښار کې ناقانونه وګړي شته او د هغوی شتون یو ګواښ دی.
هغه ويلي؛ يوازې جریمه کافي نده او چارواکي باید له خپلو نورو واکونو کار واخلي.
دې چارواکي د املاکو مشاورینو او د معاملاتو رهنماوو ته هم ګواښ وکړ، چې “غیر مجاز وګړو” ته د کورونو چمتو کولو په صورت کې به محاکمه شي.
دا په داسې حال کې ده، چې د ایران حکومت هره ورځ سلګونه افغانان له قانوني اسنادو پرته خپل هېواد ته جبري راستنوي.
-
لوبی3 days ago
آریانا ټلویزیون د ۲۰ اوریز کرکټ نړیوال جام د خپراوي حق ترلاسه کړ
-
تازه خبرونه3 days ago
فلسطیني دولت باید د خبرو له لارې راجوړ شي – امریکا
-
تازه خبرونه5 days ago
د شانګهای همکاریو ټولنې د بهرنیو چارو وزیرانو په افغانستان کې د ثبات پر ټینګښت خبرې وکړې
-
تازه خبرونه5 days ago
د تېرو لس ورځو په سېلابونو کې ۵۶۰ کسانو ته مرګ او ژوبله اوښتې
-
تازه خبرونه3 days ago
په بامیان ولایت کې د سمڅو اوسېدونکیو ته د استوګنې کورونه جوړیږي
-
تازه خبرونه4 days ago
آریانا او آریانا نیوز ټلویزیوني شبکې د آسیاویژن میاشتنۍ جایزه وګټله
-
تازه خبرونه4 days ago
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
-
لوبی4 days ago
اټک انرژي د افغانستان فوټبال اتلانو لیګ د درېیم پړاو اتلولي خپله کړه