تازه خبرونه
د افغانستان په اړه دې امریکا سیمه ییزو هڅو ته ډېر پام وکړي
اجرائيه ريیس عبدالله عبدالله د امریکا له ولسمشره غواړي، چې د افغانستان په اړه دې په نوې تګلاره کې سیمه ییزو هڅو ته ډېر پام وکړي.
د افغانستان جګړه، چې تر ټولو پیچلي پړاو ته ننوتې؛ په کور د ننه یې هم چارواکي د امریکا د نوې ستراتیژۍ اعلان ته سترګې په لاره کړي. په امریکا کې د افغانستان د جګړې په اړه د چارواکو نظرونه وېشل شوي دي؛ نو، ځکه یې نوې ستراتیژي هم ځنډیدلي ده. د افغانستان اجرائيه رییس وايي، چې امریکا باید د افغانستان لپاره په خپله ستراتیژۍ کې د سیمې د هیوادونو ورانوونکیو هڅو ته ډېر پام ورواړي.
اجرائيه ريیس عبدالله عبدالله ټينګار کوي، چې افغانان له خپل هېواد څخه دفاع ته تیار دي؛ خو له افغان ځواکونو سره د نړیوالو ملاتړ یوه جدي اړتیا ده.
عبدالله عبدالله زیاته کړې، چې نننی ګواښ یو نړیوال ګواښ دی؛ تروریزم نه یوازې افغانستان ګواښي، بلکې پر بېلابېلو بڼو او نومونو نړۍ هم ګواښي دی.
د هغه په وینا؛ همدې ترورستي ډلو د سیمې او نړۍ امنیت هم زیانمن کړی دی.
د امریکا ولسمشر دونالد ترمپ اوس د بلک واتر پوځي خصوصي کمپنۍ د بنسټګر ایریک پرنس پر هغه طرحه فکر کوي، چې له مخې یې ښايي د افغانستان جګړه پوځي خصوصي کمپنیو ته وسپارل شي.
د ایریک پرنس د طرحې له مخې به په افغانستان کې د امریکا پوځي لګښتونه سم نیم شي؛ په کال کې به ۳۰ میلیارد دالرامریکا ته سپما شي، افغانستان ته به پېنځه زره قراردادیان را ولیږي، د بلک واتر قراردادیان به د افغان پوځ جامې اغوندي او ۹۰ الوتکې به یې ملاتړ کوي.
د امریکايي رسنیو لخوا د دغه رپوت له خپریدو سره همهاله په افغانستان کې د مخالفت غږونه اوچت شول.
امریکا غواړي، چې افغانستان او سیمې ته خپله ستراتیژي نوې کړي. له دې مخکې د امریکا دفاع وزیر هم ویلي وه، چې د افغانستان د کړکیچ د حل لپاره د سیمې په کچه پر ستراتیژۍ کار روان دی، چې دا د افغان چارواکو هیله هم ده
تازه خبرونه
څار: د ملګرو ملتونو لهخوا د افغانستان د بشري حقونو د ملي راپور منل
تازه خبرونه
مولوي عبدالکبیر د کازان نړیوالې ناستې ته وبلل شو
په کابل کې د روسیې سفیر د ریاست الوزراء سیاسي مرستیال مولوي عبدالکبیر ته په هغه نړیواله غونډه کې د ګډون بلنه ورکړه، چې د دغه هېواد د تاتارستان په کازان ښار کې جوړېږي.
د ارګ د څرګندونو له مخې نن یکشنبه په کابل کې د ریاست الوزراء سیاسي مرستیال مولوي عبدالکبیر د روسیې سفارت له چارسمبالي سره په لیدنه کې پر همکاریو، تعامل او اقتصادي پیاوړتیا ټینګار څرګند کړ.
مولوي عبدالکبیر نوموړي ته د ښه راغلاست تر څنګ له بلنې مننه کړې او څرګندوي، چې له مسکو سره د کابل اړیکې د دواړو خواوو په ګټه دي او کولی شي په سیمه کې د ثبات او پرمختګ سبب شي.
ارګ د روسیې سفارت د چارسمبالي دیمتري ژیرنوف د څرګندونو له مخې ویلي، چې د اسلامي امارت او روسیې د دوه اړخیزو همکاريو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
په دې ناسته کې دیمیتري ژیرنوف زیاته کړې، چې روسیه په بېلابېلو برخو کې له افغانستان سره همکارۍ ته چمتو ده او غواړي د دواړو لورو تر منځ اړیکې نورې هم وغوړېږي.
نوموړي د افغانستان په اړه په نړیوالو ناستو کې د روسیې پر مثبت نظر د ټینګار ترڅنګ زیاته کړې، چې مسکو په مهمو ناستو کې د اسلامي امارت نظر ته ارزښت ورکوي.
ویل کیږي، چې، مولوي عبدالکبیر د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل، چې په افغانستان کې پانګونه وکړي.
تازه خبرونه
په غور کې د سېلابونو له کبله سلګونه خلک بې ځایه شول
د غور ولايت د مهاجرينو چارو رياست ويلي؛ په دې ولايت کې د سې شنبې پر ورځ (د غویي پېنځلسمه) د سېلابونو له کبله يو تن مړ، دوه ټپيان او له ۵۰۰ ډېرې کورنۍ بې ځايه شوې دي.
دغه رياست زياته کړې، چې د غور په مرغاب او چارصده ولسواليو کې د سېلابونو له کبله د مرغاب ولسوالۍ له لس ډېر کلي او د چارصدې ولسوالۍ شپږ کلي زيانمن شوي دي.
د دغه ریاست د څرګندونو له مخې؛ ۵۵ دوکانونه، ۱۰ د استوګنې کورونه ویجاړ شوي او د دواړو ولسوالیو ترمنځ لارې هم تړل شوې دي.
د غور ولايت د مهاجرينو چارو رييس ميراحمد مصمیم ويلي، چې له خپلو اصلي ځايونو څخه کورنۍ د غرونو د لمنو په آزاده فضا کې ژوند کوي او بېړنیو او لومړنيو مرستو ته اړتيا لري.
د میر احمد مصمیم د څرګندونو له مخې؛ شونې ده، چې ځاني او مالي زیانونه نور هم ډېر شي.
-
سیمه ییز خبرونه5 days ago
په هر حال پر رفح برید شونی دی – نتانیاهو
-
تازه خبرونه5 days ago
نړیوال بانک له افغانستان سره ۸۴ میلیون ډالر مرسته ومنله
-
نړۍ5 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه24 hours ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه16 hours ago
په غور کې د سېلابونو له کبله سلګونه خلک بې ځایه شول
-
تازه خبرونه20 hours ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک