تازه خبرونه
اداري اصلاحات دې د ټاکنیزو شکایتونو د کمیسیون ولایتي کمیشنران وټاکي- اشرف غني
ولسمشر اداری اصلاحاتو او ملکي خدمتونو کمیسیون ته امر کړی، چې د ټاکنیزو شکایتونو د کمیسیون د یو سل و دوه ولایتي کمیشنرانو د ټاکلو چارې پیل کړي؛ خو یاد کمیسیون د ولسمشر دا فرمان له قانون سره په ټکر کې بولي.
ولسمشر محمد اشرف غني د یوه فرمان په ترڅ کې د اداري اصلاحاتو او ملکي خدمتونو کمیسیون ته ویلي، چې د ولایتي کمیشنرانو ګومارنه پیل کړي.
د ټاکنو د قانون په یو دېرشمه ماده کې راغلي، چې د نوماندانو له نوملیکنې یوه میاشت مخکې د ټاکنیزو شکایتونو کمیسیون باید ولایتي کمیشنران پر دندو وګوماري.
د ټاکنیزو شکایتونو کمیسیون د غويي پر اووه ویشتمه ولسمشر ته د ولایتي کمیشنرانو نوملړ استولی؛ خو ولسمشرۍ ماڼۍ دولس ورځې وروسته د اداري اصلاحاتو او ملکي خدمتونو کمیسیون ته امر کړی، چې د کمیشنرانو د ګومارنې چارې پیل کړي.
د کمیسیون اړوند د یو سل و دوه کمیشنرانو د ټاکلو موضوع د افغانستان د اسلامي جمهوریت د جمهور ریيس د هدایت پر اساس اداري اصلاحاتو او ملکي خدمتونو کمیسیون ته واستول شوه. وروسته د ټاکنیزو شکایتونو کمیسیون ولسمشرۍ ته مکتوب استوي، چې ګواکي د کمیشنرانو ټاکل د اداري اصلاحاتو د کمیسیون دنده نده او دا کار له قانون پورته دی.
د ټاکنیزو شکایتونو د دارالانشا رييس علي رضا روحاني وایي: د ولایتي کمیشنرانو وړاندیز د ټاکنیزو شکایتونو کمیسیون صلاحیت دی او د هغو د مقررۍ منظوري د ولسمشر صلاحیت دی؛ خو بلې ادارې پورې یې تړل قانوني اړخ نلري.
د ټاکنو په قانون کې د ولایتي کمیشنرانو په اړه په یودېرشمه ماده کې راغلي: کمیسیون درې غړي لري؛ دوه غړي یې د جنسیت له په پام کې نیولو سره یو نارینه او یوه ښځه د ټاکنیزو شکایتونو د مرکزي کمیسیون لخوا او یو غړی د دغه کمیسیون په وړاندیز د افغانستان د بشري حقونو د خپلواک کمیسیون لخوا د ولسمشر په منظورۍ ټاکل کیږي.
د ټاکنو قانون د کمیشنرانو په ټاکلو کې د اداري اصلاحاتو په اړه څه یادونه نه ده کړې.
د ټاکنو خپلواک کمیسیون پخوانی ريیس فضل احمد معنوي وایي: په خواشینۍ، چې حکومت پرلپسې د دواړو کمیسیونونو په چارو کې لاسونه کوي. دې کار د خلکو او سیاسي ګوندونو اندېښنې راپارولي دي. ښکاره ده، چې حکومت د دواړو کمیسیونونو پر خپلواکو کړنو پوهیږي. که داسې وشي، حکومت به لاسته راوړنه ونلري.
د ټاکنو خپلواک کمیسیون د دارالانشا پخوانی رييس امام محمد وریماچ په ډاګه کړې، چې: د ټاکنو ټول شریکان نه یوازې ګډې ګټې او هڅې لري، بلکې زیارګالي، چې د ټاکنو بهیر پر خپلو ګټو راوڅرخوي.
ولسمشرۍ په دې اړه ویلي، چې د ولایتي کمیشنرانو استخدام د ټاکنیزو شکایتونو کمیسیون صلاحیت دی؛ خو د اصلاحاتو کمیسیون ته د دندې سپارلو غرض یوازې د حاکم پلي کول دي.
خبریال: علی اصغري
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه13 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه13 hours ago
په عراق کې به همجنسبازان پر۱۵ کاله بند شي –پارلمان
-
لوبی11 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل