تازه خبرونه
طالبان دې اوربند وکړي، چې داعش په آسانۍ له منځه یوسو- جنرال نیکلسون
ناتو وايي، که طالبان له حکومت سره اوربند وغزوي د ناتو، طالبانو او افغان حکومت یو ګډ دښمن داعش به په آسانۍ له منځه یوړل شي.
په افغانستان کې د ناتو ماموریت هیله څرګنده کړې، چې پاکستان به دا ځل له افغان حکومت سره پر کړې ژمنه وفا وکړي او هغوی ته یې ډاډ ورکړی، چې د افغانستان له خاورې څخه به پر پاکستان برید ونشي. په داسې حال کې، چې طالبانو د اختر له درې ورځني اوربند وروسته بیا اوربند ته زړه نه دی ښه کړی.
د غوڅ ملاتړ ماموریت قومندان جان نیکلسون وایي؛ مونږ، افغان ځواکونه او طالبان یو ګډ دښمن لرو، چې هغه داعش دی. که اوربند وغزیږي مونږ کولی شو د اوربند پر مهال د داعش پر وړاندې اغېزناک عملیات تر سره کړو.
نیکلسون وايي د افغان ځواکونو ځوان رهبریت، د کوماندو زیاتوالی او د هوايي ځواک غښتلتیا به افغان ځواکونه د جګړې په ډګر کې څو برابره غښتلي کړي.
د نوموړي په وینا؛ څلور زره کوماندو یا ځانګړي ځواکونه سږ کال د جګړې په ډګر کې زیات شوي او دا شمېر به راتلونکي کال ته دوه برابره شي. یعني پېنځه زره نور کوماندو به په راتلونکي کال کې د جګړې ډګر کې ښکېل شي او ډېرې الوتکې به هم ولري. دا هغه څه دي، چې کولی شي افغان ځواکونه ډېر غښتلي او بریالي کړي.
نیکلسون زیاته کړې؛ د پاکستان رول د افغانستان په سوله کې اړین دی او غوښتنه یې وکړه، چې پاکستان دې له افغانستان سره په وروستیو اړیکو او تړونونو کې رښتینی واوسي، چې په سیمه کې ثبات رامنځته شي. هغه پاکستان ته ډاډ ورکړ، چې د افغانستان خاوره به یې پر وړاندې ونه کارول شي.
د هغه د څرګندونو له مخې؛ له افغانستان سره د نړۍ د کلکې ژمنې په درلودلو مونږ باور نه کوو، چې د افغانستان خاوره دې د پاکستان پر وړاندې وکارول شي او له افغانستان څخه دې برید ورباندې وشي. او نړیوال ټولنه ژمنه ده، چې په دې برخه کې به کار کوي.
په همدې حال کې د پرېکنده ملاتړ مرستیال قومندان وايي، د طالبانو له لوري د اوربند نه غزېدو خواشیني کړي؛ خو زیاتوي، چې د افغان حکومت تر څنګ ولاړ دي.
د غوڅ ملاتړ ماموریت مرستیال قومندان ریچارد جي کریپ ویل وایي: مونږ د طالبانو له خوا د اوربند نه غزېدو او د جګړې دوام ناهیلي کړي یو؛ خو مونږ په بشپړه توګه د افغان حکومت تر شا ولاړ یو او اوربند ته به تر هغه دوام ورکړو، چې حکومت دوام ورکړی.
له طالبانو څخه عامو خلکو او د سولې کاروان هم په کلکه غوښتنه کړې، چې جګړه بس، اوربند اعلان او سوله وکړي.
خبریال: خلیل الرحمن امید
تازه خبرونه
د دفاع وزارت چارسمبالي د آذربایجان له سفیر سره وکتل
د ملي دفاع وزارت چارسمبالي محمد یعقوب مجاهد د چارشنبې پر ورځ د غویی پر دولسمه په کابل کې د آذربایجان سفارت له چارسمبالي سره د کتنې پرمهال ویلي؛ د سفارت بیا پرانستل د دواړو هېوادونو ترمنځ د اړیکو د ټینګښت لپاره یو مثبت ګام دی.
د ملي دفاع وزارت په خبرپاڼه کې راغلي، چې محمد یعقوب مجاهد ویلي: د دوه مسلمانو هېوادونو ترمنځ دوستي او مشترکات ډېر د ویاړ خبره ده.
محمد یعقوب مجاهد په کابل کې د آذربایجان د سفارت بیا پرانستل یو مثبت ګام یاد کړ او څرګندوي: د دې اوږدمهاله اړیکو د ټینګښت لپاره مونږ غواړو، چې په اقتصادي، سوداګریزو او نورو برخو کې همکارۍ ژر تر ژره پیل کړو.
د آذربایجان سفیر الهام محمدوف هم ویلي؛ مونږ چمتو یو، چې د اسلامي امارت او د دغه هېواد له خلکو سره د اړیکو د ټینګښت په برخه کې همکارۍ پراخې کړو.
تازه خبرونه
ولس دې د اسلامي نظام د شرعي احکامو د پلي کولو لپاره همکاري وکړي – محمد خالد حنفي
د امربالمعروف، نهې عن المنکر او شکایتونو اورېدلو وزارت چارسمبالي نن چارشنبه په کابل کې د اسلامي نظام د ټینګښت لپاره د ملت د یووالي تر سرلیک لاندې غونډې ته په وینا کې ویلي: اوس د دې وخت رارسېدلی، چې د خلکو د ستونزو د حل او د اسلامي نظام د شرعي احکامو د پلي کولو لپاره خدمت او همکاري وکړو.
د یاد وزارت په خپره شوې خبرپاڼه کې راغلي؛ دغه غونډه د اسلامي امارت د یو شمېر مسوولینو په حضور کې ترسره شوې ده.
محمد خالد حنفي په دې ناسته کې زیاته کړې: د جهاد موخه د اشغال خاتمه، خپلواکي ترلاسه کول او په هېواد کې د اسلامي نظام ټینګول ول.
نوموړی وایي: دا د ډېرې خوښۍ ځای دی، چې مونږ افغان ولس د پخوا په څېر خپلمنځي اختلافات نلرو، د یو رهبر تر امر او د اسلامي نظام د بیرغ ترسیوري لاندې ژوند کوو.
هغه ویلي: دا اسلامي نظام د خلکو نظام دی. خلک له دې نظام څخه جلا نه ګڼل کیږي او د نظام او خلکو ترمنځ هیڅ واټن نشته؛ نو له اسلامي نظام سره همکاري د ټولو خلکو شرعي دنده ده.
ویل کیږي، چې د ښځو د شرعي حقونو د خوندیتوب او ساتنې تر څنګ زرګونه شکایتونه دې وزارت حل کړي دي.
تازه خبرونه
له اسلامي امارت سره په تعامل کې مو ملي ګټې رانغښتي- امریکا
د امریکا بهرنیو چارو وزارت مرستیال ويلي؛ هېوادنۍ ګټې واشنګټن اړ کوي، چې له اسلامي امارت سره له خبرو او تعامل ډډه ونکړي.
د امریکا بهرنیو چارو وزارت ویاند د سې شنبې پر ورځ ( د غویی یوولسمه) یوه خبري کنفرانس ته ویلي، چې له اسلامي امارت سره تعامل مستقیمو خبرو ته زمینه برابروي.
ویډانټ پټل څرګنده کړې، چې له اسلامي امارت سره تعامل نه یوازې د امریکا د ګټو د خوندیتوب لپاره ښه دی، بلکې د افغانستان له خلکو څخه د ملاتړ لپاره هم غوره لار ده.
د پټل د څرګندونو له مخې؛ دا تعامل پر اسلامي امارت د هغو امریکايي وګړو په ځانګړي توګه، چې په ناحقه نیول شوي له شرط پرته د خوشې کولو لپاره یو فشار هم دی.
هغه زیاته کړې، چې امریکا به د دغو فرصتونو پر کارولو له اسلامي امارت څخه د ترهګرۍ پر وړاندې د مبارزې په اړه د دوی له ژمنو هم ګټه پورته کړي.
هغه ټینګار کړی، چې د بشري حقونو مسله هم د اجنډا په سر کې ده.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
سیمه ییز خبرونه1 day ago
په هر حال پر رفح برید شونی دی – نتانیاهو
-
لوبی1 day ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي