تازه خبرونه
پر جنرال رازق برید کوونکي له پولې بهر اړیکې لرلي- معصوم ستانکزی
د ملي امنیت عمومي رییس په ډاګه کړې؛ هغه کس، چې پر جنرال رازق برید کړی په جعلي تذکره، جعلي نوم او شخصي تضمین د والي د ساتونکي په توګه ګومارل شوی و.
د ملي امنیت عمومي رییس معصوم ستانکزي د دوشنبې پر ورځ( د تلې ۳۰) په کندهار کې یوې ناستې ته د وینا پر مهال ویلي، چې برید کوونکي له برید ۵ دقیقې مخکې له پولې بهر تیلیفوني خبرې کړې دي.
دا له تېرو درې ورځو راپدیخوا لومړنۍ تازه څرګندونې دي، چې ښاغلي ستانکزي د جنرال حسین خېل او جنرال رازق له وژل کیدو وروسته په ډاګه کړي او وایي، چې د دغه برید په تور ۱۵ کسان نیول شوي او ترې څېړنې روانې دي.
د ملي امنیت عمومي رییس زیاته کړې، چې د کندهار والي، جنرال رازق، د پرېکنده ملاتړ ماموریت د قومندان جنرال میلر او د دغه ولایت د نورو امنیتي چارواکو تر منځ په امنیتي ناسته کې د دیورند کرښې او سولې په اړه بحث او خبرې ندي شوي.
له تېرو درې ورځو راپدیخوا په ټولنیزو رسنیو کې داسې آوازې خپرې شوې، چې ګویا د پرېکنده ملاتړ ماموریت ځواکونه د قومندان او جنرال رازق تر منځ پر دیورند کرښې خبرې تودې شوي او د دغه قومندان د ځواکونو لخوا په وسلوال برید کې ووژل شو.
د ملي وحدت حکومت اجرائیه رییس د کندهار ولایت د پخواني امنیه قومندان جنرال عبدالرازق په وژلو کې د پرېکنده ملاتړ ماموریت ځواکونو لاس لرل رد کړل.
ښاغلي عبدالله عبدالله د وزیرانو په ناسته کې دا ادعا، چې( جنرال رازق پرېکنده ملاتړ ځواکونو ترور کړی) رد کړې او دا یوه آوازه ګڼي، چې د (جنرال عبدالرازق قاتلانو) د خلکو له احساساتو سره د لوبې کولو لپاره خپره کړې ده.
دا په داسې حال کې ده، چې طالبانو د دغه برید مسوولیت منلی دی.
د کورنیو چارو وزارت مرستیال لوی پاسوال جانان د جنرال عبدالرازق ورور تادین خان ته د تورن جنرال رتبی په ورکولو سره د کندهار د امنیه قومندان په توګه معرفي کړ.
نوموړي زیاته کړې، چې دا د کندهار د خلکو غوښتنه وه او ولسمشر منلې ده.
جنرال رازق د هېواد په جنوب کې یو ځواکمن قومندان و؛ له دې مخکې هم پرې څو ځانمرګي بریدونه تر سره شوي وه، چې دی ترې روغ رمټ وتلی و.
ویل کیږي، چې مل پاسوال عبدالرازق په کندهار ولایت کې د پنجشنبې پر ورځ د پرېکنده ملاتړ ماموریت ځواکونو له قومندان جنرال میلر سره له یوې امنیتي ناستې وروسته په هغه برید کې ووژل شو، چې د دغه ولایت د والي زلمي ویسا د یوه ساتونکي لخوا پرې تر سره شوی دی.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه10 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه11 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه