تازه خبرونه
د ارزانه او باکیفیته خدمتونو د وړاندې کولو په موخه نوره پانګونه کیږي
د مخابراتو او معلوماتي تکنالوژۍ وزارت وايي، ډېر ژر به مخابراتي او انترنتي خدمتونو د ښه والي لپاره نوي اقدامات تر سره شي.
د مخابراتو او معلو ماتي تکنالوژۍ وزارت مسوولین وايي، افغان دولت د مخابراتي او انترنتي خدمتونو د وړاندې کولو په برخه کې شاوخوا ۲۱ میلیارد افغانۍ پانګونه کړې او غواړي، چې په دې برخه کې ۲۲۸ میلیون دالر نوره پانګونه هم وکړي، چې نورو خصوصي شرکتونو ته په ارزانه انترنیت وړاندې او دوی خلکو ته ارزانه او باکیفیته خدمتونه وړاندي کړي.
د مخابراتو وزارت د افغان د تلکام رییس اجمل عیان وایي؛ مونږ به تر یوې نیمې میاشتي خصوصي مخابراتي شرکتونو ته ازرانه انترنت وړاندې کړو، چې هغوی هم خلکو ته ښه خدمتونه وړاندې کړي.
د نوموړي د څرکندونو له مخې؛ انترنت به تر ۵۰ سلنې ارزانه شي.
د مخابراتو او معلو ماتي تکنالوژۍ وزارت ویاند وايي، تر اوسه پورې په هېواد کې دوه نیم میلیارد دالر په مخابراتي سکتور کې پانګونه شوې او دا لړۍ روانه ساتل شوې ده .
د مخابراتي او معلوماتي تکنالوژۍ وزارت ویاند سایر ځلاند زیاتوي: د ټول هېواد په کچه ۹۸ سلنه هېواد وال مخابراتي خدمتونو ته لاسرسی لری؛ خو په دې برخه کې نوره پانګونه هم کیدونکې ده او هڅي ورته روانې دي.
هغه دا هم ویلي؛ د الکوزي شرکت دغه وزارت ته ډاډ بښلی او غواړي، چې په دې وزارت کې له ۳۰۰ میلیون څخه تر ۵۰۰ میلیون دالرو پانګونه وکړي او مونږ هیله من یو، چې نور شرکتونه به هم ورته ګامونه پورته کړي.
د اقتصادي چارو کارپوهان وايي، د مخابراتو وزارت ندی توانیدلی، چي په مخابراتي خدمتونو کې سهولیتونه ډېر کړي.
د اقتصادي چاروکارپوه حکیم الله صدیقي وایي: مخابراتو وزارت باید خصوصي سکتور ته د نوري فایبر ارزانه خدمتونه وړاندې کړي، چې هغوی یې هم خلکو ته ارزانه کړي.
د مخابراتو وزارت مسوولینو خصوصي سکتور ته سپارښتنه کړې که خپل انترنتي خدمتونه ارزانه نکړي؛ نو دغه وزارت به په راتلونکي کال کې د انترنیتي خدمتونو د ښه والي لپاره په سلګونه میلیون دالر پانګونه جذب او انترنتي بیې به راټیټې کړي.
خبریال: اسلم حجاب
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی22 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل