تازه خبرونه
د امنیت د ښه کیدو هیلې راټوکیدلي- کارپوهان
د هېواد کارپوهانو ویلي، چې د کورنیو چارو او دفاع وزارتونو لپاره د سرپرستانو له ټاکل کیدو سره د امنیت د ښه والي لپاره هیلې را ټوکولي؛ خو دوی ته واکونه ورکړ شي، ښايي د هېواد په امنیت کې ښه والي راولي.
اسدالله خالد د دفاع وزارت او امراالله صالح د کورنیو چارو وزارت لپاره سرپرستان ټاکل شوي او دواړو د افغانستان د ملي امنیت ریاست چارې ترسره کړې دي.
دواړه سرپرستان د افغان ځواکونو په ګټه د جګړې د څرخولو ډاډ ورکوي.
اسدالله خالد له دې شعار سره چې: سر یې وهو سنګر یې نیسو؛ امنیتي ډګر ته راغلی او امرالله صالح بیا د جنایت کارانو پر ضد د بې رحمه وزیر صفت غوره کړی دی.
پوځي کارپوه عتیق الله امرخېل وایي: دواړه باید خپل شعارونه په عمل کې پلې کړي. دا کار کیدی شي په وضعیت کې ښه والی راولي؛ خو که په ژمنو کې لږ تېروتنه هم وشي، کومې پایلې ته رسیدلی نشو.
د ملي وحدت حکومت پر چارواکو داسې نیوکې هم شته، چې ګواکي واک یې انحصار کړی؛ خو پوځي کارپوهان بیا وايي، چې تازه ګومارل شوي کسان باید له بشپړ صلاحیت لرونکي وي.
د کورنیو چارو وزارت پخواني مرستیال میرزا محمد یارمند ویلي، چې: دواړه څېرې د پاکستان او طالبانو پر ضد دي او د مدیریت له ځواکه هم برخمن دي؛ خو اړینه ده، چې صلاحیتونه هم وروسپارل شي.
امرالله صالح په لومړیو ګامونو کې پولیس سفارتونو ته له تګ منع کړل او پولیس نشي کولی د سفارتونو په اړوند مراسمو کې له نظامي لباس سره ګډون وکړي. دا ګامونه د پولیسو د وقار لپاره اخیستل شوي دي.
د کورنیو چارو وزارت ویاند نجیب دانش وایي: دا پروګرام د پولیسو د وقار او درناوي د ساتنې لپاره دی او مونږ یې نه یوازې بشپړه څارنه کوو، بلکې پلی کوو یې هم او له سرغړوونکیو سره به یې قانوني چلند تر سره شي.
دوی د وزارت ټولو پولیسو او ملکي کارکوونکیو ته خبر داری ورکړی، چې د رهبرۍ او جاسوسۍ ضد ادارې له خبرتیا پرته هیڅ سفارت ته د ننونو اجازه نلري.
خبریال: علی اصغري
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ
-
سیمه ییز خبرونه3 days ago
د غزې په شمال کې د قحطۍ خطر ډېر دی