تازه خبرونه
طالبان د جګړې له لارې د امتیاز غوښتنې هڅې کوي- لوی درستیز
د افغانستان د وسلوال پوځ لوی درستیز ویلي، طالبان د جګړې له لارې غواړي د سولې په بهیر کې ډېر امتیاز تر لاسه کړي؛ خو د دغې کړنې په وړاندې به امنیتي ځواکونه ودریږي او دا ډله به وځپل شي.
که د سولې په اړه له یوې خوا هڅې روانې دي؛ نو له بلې خوا د هېواد بېلابېلې سیمې هم د طالبانو او امنیتي ځواکونو د جګړو ډګرونه دي. هغه جګړې، چې د لوی درستیز په خبره د سولې په خبرو کې د نورو امتیازونو د تر لاسه کولو لپاره طالبانو پیل کړې دي.
د وسلوال پوځ لوی درستیز بسم الله وزیری وایي؛ دښمن د دې لپاره، چې د سولې په خبرو کې امتیاز تر لاسه کړي؛ چاودنې او بریدونه تر سره کوي. امنیتي ځواکونه د ساتنې او ژغورنې لپاره همغږي لري او هره دله، چې د امنیت خرابولو هڅه وکړي له غاښ ماتوونکي غبرګون سره به مخ شي.
په هېواد کې د جګړو له پراختیا سره هممهاله ۳۵۸ پوځي افسران د جنګي زدکړو له تر لاسه کولو وروسته د جګړو ډګرونو ته د وردننه کیدو چمتووالی نیسي.
د مارشال محمد قیسم فهیم د پوځي پوهنتون قومندان احسان الله عظیم وایي؛ تاسې د خپلو تجربو له مخې کولی شئ، چې له خپل ځمکني بشپړتیا، ملي ارزښتونو، بسیاینې، د خلکو له سرو مال، سولې، امنیت او ثبات ساتنه وکړئ.
د پوځي افسرانو د روزنې اکادمۍ جګپوړی سلاکار جنرال آدمس وایي، چې اوس افغانستان تر هر څه زیات یوه پیاوړي او مسلکي پوځ ته اړتیا لري؛ تمرینات به تاسې جوګه کړي، چې د افغانستان د راتلوونکي امنیت په اړه ګټورې هڅې تر سره کړئ.
د پوځ څلیریشت کلنه افسره شیلا یوه له هغو افسرانو ده، چې د دې اکادمۍ د فراغت په څوارلسم پړاو کې یې د فراغت سند تر لاسه کړ.
هغې څرګنده کړې، چې په افغان ټولنه کې له شته ننګونو سره– سره پوځي مینې وهڅوله، چې څرنګه د ترهګرو په وړاندې ودریږي.
هغه وایي؛ د هېواد دښمنان دې هڅه نه کوي، چې زمونږ خلک بدبخته کړي. مونږ یې مخه نیسو او پر وړاندې یې دریږو.
دا پوځیان په داسې حال کې د جګړې ډګرونو ته ځي، چې د سولې خبرې روانې دي؛ خو دوی چمتو دي، چې څرنګه د ترهګرو د بریدونو په وړاندې ودریږي.
خبربال: خالد نیکزاد
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه22 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه23 hours ago
په عراق کې به همجنسبازان پر۱۵ کاله بند شي –پارلمان
-
لوبی20 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل