تازه خبرونه
پر ملکي سیمو دې پوځي عملیات ودریږي- د میدان وردګ اوسیدونکي
د میدان وردګو ولایت یو شمېر اوسیدونکي خبرداری ورکوي که په ملکي سیمو کې پوځي عملیات ونه دریږي، له حکومت سره به پرېکون وکړي.
د میدان وردګو ولایت اوسیدونکي وایي، په روانو جګړو کې ملکي تلفاتو ډېرې کورنۍ ځاني او مالي زیانمنې کړې دي. د دولتي ځواکونو شپني او هوایي عملیاتو ناورین رامنځته کړی، چې په اړه یې ولسمشرۍ ماڼۍ او ملي امنیت شورا ته یو لړ اسناد هم سپارل شوي؛ خو ملکي تلفات نه یوازې کم شوي ندي، بلکې ورځ تر بلې مخ پر زیاتیدو دي.
د دوي د څرګندونو له مخې؛ د افغان ځواکونو هوایي بریدونه او شپني عملیات هره ورځ له ملکیانو قرباني اخلي او که یې مخه ونه نیول شي؛ د ولسمشرۍ په ټاکنو کې به هم ګډون ونکړي.
د جګړو قربانیانو له طالبانو هم غوښتي، چې په کلیوالي سیمو کې جګړه ودروي.
دوی له طالبانو غواړي، چې د دوی له کلیو خپل سنګرونه وباسي؛ ځکه، چې په جګړه کې ملکیان قرباني نشي.
دوی خبرداری ورکوي، چې که د ملکیانو د تلفاتو مخنیوی ونشي، له حکومت سره پرېکون کوي او په راروانو ټاکنو کې به هم ګډون ونه کړي.
ملي دفاع وزارت وایي، د ملکي تلفاتو مخنیوی د دولت لومړیتوب دی او ملکیانو ته د زیان رسیدو د مخنیوي لپاره ځینې پوځي عملیات ودریږي.
د ملي دفاع وزارت د ویاند مرستیال فواد امان وایي، دولتي ځواکونه هڅه کوي، چې د ملکیانو تلفات یو مخ له منځه یووسي.
ډېرې داسې بېلګې شته، چې په هوایي او شپنیو بریدونو کې عام وګړي ځاني او مالي زیانمن شوي دي.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
تازه خبرونه
د پاکستان خاوره د افغانستان پر ضد کارول کیږي
د افغانستان ملي دفاع وزارت د پاکستان د پوځ د ویاند وروستۍ ادعا، چې په پاکستان کې پر چینايي اتباعو وروستی برید د افغانستان له خاورې پلان شوی و، له حقیقته لرې بولي او پر کلکه یې ردوي.
عنایت الله خوارزمي وایي، چې داعش له پاکستان څخه د افغانستان خاورې ته را اوښتي او موخې یې له هغه ځایه تنظیم شوې دي.
د دفاع وزارت ویاند دا هم په ډاګه کړې، چې پاکستان باید دغو کړنو ته پخپله ځواب ورکړي.
د ملي دفاع وزارت وياند عنايت الله خوارزمي ويلي، د خيبر پښتونخوا په يوه سيمه کې، چې د پاکستان د پوځ تر امنيتي پوښښ لاندې ده؛ د چينايي وګړو وژل کېدل د امنیتي بنسټونو خپله کمزوري ده او یا هم له بریدګرو د دوی د همکارۍ ښکارندویي کوي.
ویل کیږي، چې اسلامي امارت په دې اړه چین ته ډاډ ورکړی او دوی هم په دې خبره پوه شوي، چې افغانان په داسې مسایلو کې ښکېل ندي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه3 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ2 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ2 days ago
د غزې په جګړه کې مو د مصر او قطر د اوربند وړاندیز منلی – حماس