تازه خبرونه
خلیلزاد او نړیواېه ټولنې د بشري حقونو خپلواک کمیسیون پر کارمندانو برید غندلی
د افغانستان د سولې په چارو کې د امریکا ځانګړي استازي زلمي خلیلزاد د بشري حقونو خپلواک کمیسیون پر کارکوونکیو پرونی برید بشري ضد عمل بولي او وايي، چې د سولې مخالفان د ځان په ګټه د جګړې اور ته لمن وهي؛ بریدونه روان ساتي او هیله من دي، چې څه ترې تر لاسه کړي.
نوموړي زیاته کړې؛ مونږ او نړیواله ټولنه د فاطمې خلیل او جاوید فولاد هدفي وژنه غندو؛ ځکه، چې دا نه یوازې یو ترورستي برید و، بلکې یو بشري ضد عمل هم دی.
زلمي خلیلزاد پخپل یوه ټویټ کې په ډاګه کړې؛ مونږ د افغانانو له دې غوښتنې ملاتړ کوو، چې د دغو ستونزو مخه ونیول شي؛ تلپاتی اوربند رامنځته او له درناوي ډکې سولې ته لار اواره او داسې افغانستان ولرو، چې په کې د هر چا حقونه خوندي وي.
— U.S. Special Representative Zalmay Khalilzad (@US4AfghanPeace) June 28, 2020
خلیلزاد په ډاګه کړې، چې یو هم زه شخصاً نه پېژنم؛ خو زه پوهیږم، چې فاطمه یوه زړوره میرمن وه او د ټولو افغانانو نړیوالو بشري حقونو ته یې پام رااړولی و او جاوید د اوږدې مودې راپدیخوا د دې کمیسیون کارمند و، چې د ژوندانه ټوله ارزښتناکه برخه یې همدلته تېره کړې وه.
تر دې دمه هیچا د دې برید پړه نده منلې او طالبانو په دې پېښه کې لاس لرل رد کړي دي.
فاطمه خلیل د بشري حقونو خپلواک کمیسیون غړې او جاوید فولاد د همدې کمیسیون ډریور پرون هغه مهال ووژل شول، چې د دوی موټر د بختک چوک په اړوند سیمه کې د سړک غاړې له ماین سره مخ او دواړه په کې ووژل شول.
دغه برید سیمه ییزو او نړیوالو ټولنو په پراخه کچه غندلی دی.
ولسمشر اشرف غني دغه “تروریستي برید” بولي؛ غندنه یې کوي او اړوند چارواکو ته یې سپارښتنه کړې، چې دا برید هر اړخیز وڅېړي.
د ملي پخلاینې عالي شورا مشر عبدالله عبدالله د دې برید په اړه خپله خواشیني څرګنده کړې او وایي؛ هیله من یم، چې چارواکي دغه تکراري بریدونه جدي ونیسي او د ملکي وګړیو ساتنه او د تروریزم پروړاندې په مبارزه کې ډیرې هڅې وکړي.
د افغانستان د بشري حقونو خپلواک کمیسون له حکومت څخه وغوښتل، چې مجرمین عدالت ته راکاږي.
دغه کمیسیون ویلي: مونږ پخپلو کارمندانو دا ډول وحشي برید غندو. تر دې دمه کومې ډلې د برید مسوولیت ندی منلی او عاملین یې پېژندل ندي شوي. هغه کسان، چې په دې برید کې ښکېل دي باید له نیولو وروسته پرې عدالت پلی شي.
— Chargé d’Affaires Ross Wilson (@USAmbKabul) June 27, 2020
په کابل کې د امریکا سفارت چارسمبالي راس ولسن دغه برید د زغم وړ نه بولي او وایي: مونږ پر ټولو هغو کسانو غږ کوو، چې له افغانستان سره مینه لري؛ د تاوتریخوالي او مرګونو دا پړاو ودروي، پر خلکو ورته بریدونه شنډ او مخه یې ونیسي او د سولې لپاره کار وکړي.
یوناما هم ویلي، چې د بشر حقونو د ملاتړیو د وژنې هیڅ راز توجیه نشته؛ د تورنو کسانو په اړه له ځنډ پرته د داسې څېړنو پیل اړین دی، چې ځواب ویونکې وي.
— UNAMA News (@UNAMAnews) June 27, 2020
دغه راز انګلستان، ایټالیا، پاکستان جرمنی سویډن او یو شمېر نورو هېوادونو دغه “وحشیانه برید” په کلکه غندلی او ټینګار یې کړی، چې د بشري حقونو د مدافعینو پر وړاندې بې احساسه تاوتریخوالی باید ودرول شي.
دا په داسې حال کې ده، چې د ولسمشرد لومړي مرستیال امرالله صالح د دفتر مسوولینو په لویو ښارونو کې پر امنیت ټينګولو او له اداري فساد سره د مبارزې پر تګلاره له کار پیلولو خبر ورکړی او څرګندوي، چې د ولسمشرۍ د نويو واکونو له مخې به پر امینتي سمونونو او اصلاحاتو ډېر تمرکز رامنځته شي.
تازه خبرونه
قطر او بریټانیا د افغانستان، فلسطین، لبنان او سوریې پر وروستیو تحولاتو خبرې وکړې
الخلیفي دغه څرګندونې تېره ورځ په لندن کې د منځني ختیځ او شمالي افریقا په چارو کې د بریټانیا له وزیر سټیفن ډاوټي سره په کتنه کې کړې دي.
د قطر بهرنیو چارو په وزارت کې د دولت وزیر محمد بن عبدالعزیز الخلیفي ویلي؛ هېواد یې د هغو ډیپلوماټیکو هڅو ملاتړ کوي، چې د سمندري تګراتګ آزادي تضمین او په سیمه کې تلپاتې سولې ته زمینه برابره کړي.
الخلیفي دغه څرګندونې تېره ورځ په لندن کې د منځني ختیځ او شمالي افریقا په چارو کې د بریټانیا له وزیر سټیفن ډاوټي سره په کتنه کې کړې دي.
د قطر بهرنیو چارو وزارت د څرګندونو له مخې؛ دواړو لوریو په دې کتنه کې د افغانستان، فلسطین، لبنان او سوریې وروستي تحولات وڅېړل او د سیمهییزو کړکېچونو د کمولو، امنیت او ثبات د ټینګښت لپاره یې پر ګډو ډیپلوماټیکو هڅو ټینګار وکړ.
دواړو لوریو د دوه اړخیزو اړیکو د پیاوړتیا، د شخړو د سولهییز حل او د منځګړیتوب په برخه کې د همکاریو د پراختیا په اړه خبرې کړې دي.
د قطر د بهرنیو چارو وزارت په خپره شوې خبرپاڼې کې د افغانستان په تړاو د شویو خبرو جزئیات ورکړ شوي نهدي.
تازه خبرونه
افغانستان او ایران د ګمرکي همکاریو پر پراختیا هوکړه وکړه
دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدنيزاده ترمنځ په تهران کې د لیدنې پر مهال شوې دي.
د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.
دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدنيزاده ترمنځ په تهران کې د لیدنې پر مهال شوې دي.
د مالیې وزارت د څرګندونو له مخې، د اسلامکلا بندر ګمرکي فعالیتونه به د راتلونکې شنبې له ورځې ۲۴ ساعته شي.
دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاکپولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.
په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوهاړخیزو اقتصادي همکاریو د ګډ کمیسیون پر فعالیتونو هم خبرې شوې دي.
تازه خبرونه
د افغانستان اقتصادي وده روانه ده؛ خو د کورنیو عواید او د اوبو کمښت د اندېښنې وړ دي– نړیوال بانک
د نړیوال بانک په تازه راپور کې راغلي، چې په روان کال کې د افغانستان سرانه اقتصادي تولید ۳.۳ سلنه کم شوی او دا پرلهپسې درېیم کال دی، چې سرانه تولید په کې راټیټېږي.
نړیوال بانک ويلي؛ د افغانستان اقتصاد به په ۲۰۲۶ز.کال کې د کرنیزو حاصلاتو د ښهوالي له کبله درې سلنه وده وکړي؛ خو د سرانه عوایدو کمښت، د خوراکي توکو د بیو لوړوالی او د اوبو د کمښت زیاتېدا پر کورنیو فشارونه ډېر کړي دي.
د نړیوال بانک په تازه راپور کې راغلي، چې په روان کال کې د افغانستان سرانه اقتصادي تولید ۳.۳ سلنه کم شوی او دا پرلهپسې درېیم کال دی، چې سرانه تولید په کې راټیټېږي.
راپور زیاته کړې، چې د کاري فرصتونو کمښت او د خوراکي توکو د بیو لوړوالي د کورنیو د پېر ځواک کم کړی او شاوخوا ۱۵.۹ میلیون افغانان د ۲۰۲۶ز.کال په سپټمبر او اوکټوبر کې د خوړو له سختې ناامنۍ سره مخ ول.
نړیوال بانک همداراز ویلي، چې افغانستان له ۲۰۰۳زږکال راپدېخوا هر کال په منځني ډول شاوخوا ۴.۹ میلیارډ مټرمکعبه د خوږو اوبو زېرمې له لاسه ورکوي او په کابل کې د ځمکې لاندې اوبو ایستل د دغو زېرمو د طبیعي بیارغېدا له کچې نږدې څلور برابره زیات دي.
د دې بنسټ د اټکل له مخې؛ د افغانستان اقتصادي وده به په ۲۰۲۷ز.کال کې ۳.۳ او په ۲۰۲۸ز.کال کې ۳.۵ سلنې ته ورسېږي؛ خو له دې سره- سره به په ۲۰۲۸ز.کال کې سرانه تولید د ۲۰۲۴ز.کال پر پرتله شاوخوا اووه سلنه ټیټ وي.
د دولتي عوایدو په برخه کې، نړیوال بانک ویلي، چې د افغانستان کورني عواید د ۲۰۲۶ز. کال په لومړۍ نیمایي کې ۱۰.۲ سلنه زیات شوي دي. د کورنیو مالیاتو او غیرمالیاتي عوایدو زیاتوالي د ګمرکي عوایدو کموالی جبران کړی؛ خو له دې سره- سره عامه پانګونه اوس هم ټیټه ده او اټکل کېږي، چې په روان مالي کال کې د دولت پراختیايي لګښتونه د ناخالص کورني تولید شاوخوا ۱.۳ سلنې ته ورسېږي.
دغه راز له پاکستان سره د لارې د تړل کېدا له کبله اوس د افغانستان شاوخوا ۹۷ سلنه واردات د منځنۍ آسیا او ایران له لارې هېواد ته راوړل کېږي. همداراز د ۲۰۲۶ز. کال له اپریل څخه تر سپټمبر پورې د افغانستان صادرات د تېر کال د همدې وخت پر پرتله ۱۵.۱ سلنه کم شوي دي.
د نړیوال بانک د څرګندونو له مخې، د اوبو کمښت د کلیوالو سیمو د اوسېدونکو معیشت هم له خطر سره مخ کړی دی. کرنه د هېواد ۴۶ سلنه کاري ځواک په ځان کې ځایوي او په افغانستان کې د اوبو د ټولو ایستلو ۹۵ سلنه برخه دې برخې ته ځانګړې شوې ده.
نړیوال بانک خبرداری ورکړی، چې د کرنیزو حاصلاتو کمښت، د سوداګریزو لارو د لا زیات ګډوډېدا، د افغان کډوالو د پراخې راستنېدنې او د نړیوالو مرستو د کمېدا له کبله رامنځته کېدونکي وضعیت کولی شي د افغانستان اقتصادي لیدلوری کمزوری کړي.
په دې راپور کې د سوداګریزو خوندي لارو جوړول، هغو ولایتونو کې د کاري فرصتونو پراخول، چې ډېر راستنېدونکي کډوال مني او ښځو او نجونو ته د زدهکړو او کار د بیا لاسرسي زمینه برابرول، په افغانستان کې د ژوند د کچې د ښه کېدا له لومړیتوبونو بلل شوي دي.
نړیوال بانک د اوبو د سرچینو د مدیریت په برخه کې هم د اوبو رسولو او حفظالصحې د بنسټیزو خدمتونو پر بیا رغولو، د اوبو لګولو د سیسټمونو پر رغونې او د اوبو د زیرمو او ځمکې لاندې اوبو د زېرمو پر ساتنې ټینګار کړی دی.
د« افغانستان پراختیايي وضعیت تازهکتنه» راپور د افغانستان د اقتصاد او ټولنې په اړه د نړیوال بانک د دوامداره څېړنیزو، څارنیزو او شننیزو فعالیتونو یوه برخه ده، چې موخه یې د شواهدو پر بنسټ د پالیسۍ جوړونې ملاتړ او نړیوالې ټولنې ته د افغانستان د اقتصادي بدلونونو په اړه معلومات ورکول دي.
-
لوبی3 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه3 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی2 days agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی4 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی3 days agoارمان افسي استقلال کابل ته پنځه پر صفر ماتې ورکړه
-
تازه خبرونه3 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
تازه خبرونه4 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
لوبی2 days agoپه آی ال ټي ۲۰ سیالیو کې ۲۵ افغان لوبغاړو قراردادونه ترلاسه کړل
