د سولې د خبرو په درشل کې، ولسمشر غني له وسلوالو مخالفانو وغوښتل، چې د سړک غاړې ماین ښخونه ودروي او د د سولې مشورتې جرګې غوښتنو ته دې غاړه کیدي.

ولسمشر محمد اشرف غني د پنجشنبې پر ورځ په کندهار کې د سړک غاړې ماین چاودنه وغندله او له وسلوالو طالبانو یې وغوښتلو چې له تاوتریخوالي لاس واخلي او د ماینونو ښخولو عمل پای ته ورسوي.

ارګ په ډاګه کړې، چې د کندهار ولایت د پنجوایي ولسوالۍ په زلخان سیمه کې نن د طالبانو لخوا  د ځای پر ځای شوي ماین په چاودنه کې د یوې ماشومې او څو ښځو په ګډون زمونږ یو شمېر هېوادوالو ته ځاني او ماي زیانونه ورسیدل.

اعلامیۀ مطبوعاتی در پیوند به تلفات ملکی ناشی از انفجار ماین طالبان در کندهار

ارگ، کابل: با تاسف فراوان امروز در منطقه زلخان ولسوالی پنجوایی ولایت کندهار در اثر انفجار ماین جاسازی شدۀ گروه طالبان، به شمول یک کودک، تعدادی از زنان و شمار دیگری از هموطنان ما شهید و زخمی گردیدند.

— ارگ (@ARG_AFG) August 13, 2020

 ولسمشرغني دغه پېښه تروریستي بولي او وایي، چې طالبان دې له حکومت سره د مخامخ مذاکراتو د پیلېدو او سولې په درشل کې له تاوتریخوالي په ځانګړي ډول په لویو لارو کې د ماینونو اېښودلو څخه، چې د ملکي تلفاتو عمده لامل کېږي، ډډه وکړي؛ تلپاتې او باعزته سولې ته د رسېدو لپاره دې د ولس، حکومت او سولې مشورتي لویې جرګې غږ ته لبیک ووایي.

دا په داسې حال کې ده، چې د یکشنبې پر ورځ هم د دې ولایت ۸ عام وګړي د سړک غاړې  ماین چاودنې وژلي دي.