تازه خبرونه
له افغانستان څخه د امریکایي سرتېرو ایستل د ترمپ د ناکام سیاست پایله ده- مک ماستر
د امریکا د ملي امنیت پخواني سلاکار ایچ آر مک ماستر څرګنده کړې، چې له افغانستان څخه د امریکایي ځواکونو ایستل د ولسمشردونالد ترمپ د تګلارې ناکامه پایله ده.
له سي بي ایس نیوز سره په مرکه کې دغه متقاعد امریکایي جنرال ویلي، چې د ترمپ دغه نوې سیاسي تګلاره د افغان حکومت پر ضد له طالبانو سره همکاري ده.
مک ماستر ویلي: فکر کوم هغه څه، چې [ ولسمشر ترمپ] له خپلې نوې تګلارې سره تر سره کړل په حقیقت کې له طالبانو سره د افغان حکومت پر وړاندې همکاري کول دي؛ ځکه نو فکر کوم، چې دا یو احمقانه سیاست دی. زه په دې اند یم؛ هغه څه ته، چې مونږ په افغانستان کې اړتیا لرو؛ هغه له افغان حکومت سره د مرستې پرلپسې ژمنه ده. په داسې حال کې، چې امریکا او طالبانو د روان کال د فبرورۍ پر ۲۹ د اوږدې جګړې د پای ته رسولو او سولې رامنځته کولو لپاره د دوحې هوکړه لاسلیک کړې ده.
د غه تړون له مخې به امریکا ۱۴ میاشتو په بهیر کې باید له افغانستان څخه ووځي او طالبان به له القاعدې سره اړیکې پرې کوي او هیڅ ترهګرې ډلې ته به اجازه نه ورکوي، چې په افغانستان کې د امریکا او نورو متحدو هېوادونو ګټو ته ګواښ پېښ کړي.
د روان کال له فبرورۍ څخه تر دې دمه امریکا د خپلو ځواکونو شمېر له ۱۳۰۰۰ څخه ۸۶۰۰ ته رسولی او تمه ده، چې د نومبر تر پایه به دا شمېره ۴۵۰۰ ته او د راتلونکي کال تر پسرلي یې صفر ته ورسوي.
د ترمپ د ملي امنیت سلاکار مکذ ماستر اوس دغه وتل ستره تېروتنه او احمقانه سیاست بولي.
مک ماستر ویلي: هغه تروریستي سازمانونه، چې مونږ ته ګواښ رامنځته کوي؛ د ۲۰۰۱ د سپتمبر له ۱۰ راپدیخوا خورا پیاوړي شوي دي. هغه چا، چې د سپتمبر د یوولسمې خونړي بریدونه ترسره کړي وه، په افغانستان د شوروي نیواک پروړاندې مجاهدینو د پېر د مقاومت فارغ زدکړیالان ول.
هغه دا هم ویلي: نن ورځ، مونږ د القاعده او داعش له فارغانو سره مخ یو، چې د مجاهدینو له فارغانو څخه یې ځواک و نیت لوی دی او د ډېر څه د ویجاړولو وړتیا لري.
د یادونې ده، چې له سي بي ايس سره د مک ماستر مرکه د یکشنبې پر ورځ په ځايي وخت د ماښام پر ۷:۳۰ د (۶۰ دقیقه ) په پروګرام کې خپریږي.
تازه خبرونه
امیرخان متقي په کابل کې د ملګرو ملتونو له ۲۱ کسیز پلاوي سره وکتل
د بهرنیو چارو وزارت چارسمبالي امیرخان متقي د ملګرو ملتونو مالي او اداري مشورتي کمیټې له ۲۱ کسیز پلاوی سره، چې کابل ته د لومړیتوبونو د څېړلو لپاره راغلی؛ په کتنه کې ویلي: اسلامي امارت نهغواړي، چې افغانستان د ډېر وخت لپاره پر بشردوستانه مرستو تکیه وکړي او دا مرستې باید اوس پر کار، کورنیو تولیداتو او صنایعو ولګول شي.
د دغې کمیټې مشر بچار بونګ عبدالله له امیر خان متقي سره په خبرو کې ویلي، چې کابل ته د دوی د سفر موخه په افغانستان کې د یوناما د چارو ارزونه ده او دوی غواړي، چې د افغان لوري لومړیتوبونه وڅېړي او د ملګرو ملتونو عمومي ناستې ته یې وړاندې کړي.
امیرخان متقي د منځنۍ سوداګرۍ وده، پراختیایي پروژو ته پاملرنه، د کروندګرو لپاره د بدیل کښت برابرولو او په بشري مرستو پورې محدود نهپاتې کیدل مهم لومړیتوبونه وګڼل او څرګندوي، چې له څو کلنو جګړو او بې ثباتیو وروسته د ټاپي پروژې، کاسا -۱۰۰۰، افغان ټرانس اورګاډي پټلۍ سترو پرژو عملي کېدو ته زمینه برابره ده.
په دې اړه د بهرنیو چارو وزارت په خبرپاڼه کې رغلي: مرستې بايد په داسې ډول ولګول شي، چې خلکو ته کار پيدا شي، کورني توليدات او صنعت وده وکړي او افغانستان له خپلو بازارونو څخه خپلې اړتياوې پوره کړي او د افغانستان د خصوصي سکټور ملاتړ رامنځته شي. دغه راز د کروندګرو لپاره بدیل کښت برابر او د وړو کسبونو ملاتړ وشي.
د بهرنیو چارو وزارت چارسمبالي زیاته کړې؛ اسلامي امارت نه غواړي، چې په اوږدمهاله بشري مرستو تکیه وکړي، بلکې غواړي د افغانستان ملي اقتصاد پخپلو پښو ودریږي.
د دغې کمیټې غړیو په بېلا بېلو برخو کې د اسلامي امارت لاسته راوړنې وستایلې او څرګندوي، چې په پام کې لري د وضعیت د ارزونې لپاره د افغانستان یو شمېر ولایتونو ته هم سفر وکړي.
افغانستان ته د ملګرو ملتونو د دغه پلاوي سفر په داسې حال کې ترسره کېږي، چې په تېرو درې کلونو کې نړيوالو مرستندويه سازمانونو په افغانستان کې د بېوزلۍ د کچې د زياتوالي او پراخېدو او د مرستو لپاره د بودجې کموالي په اړه څو ځلې خبردارى ورکړى دی.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
نړۍ2 days ago
د غزې په جګړه کې مو د مصر او قطر د اوربند وړاندیز منلی – حماس
-
لوبی3 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه