تازه خبرونه
د ایراني اتومي ساینس پوه د وژلو غچ به اخلو – خامنه یي
د ایران ستر مذهبي مشر ایت الله علي خامنه ای د شنبې پر ورځ( د لیندۍ ۸) څرګنده کړې؛ تهران بهپه مناسب وخت کې د خپل اتومي ساینس پوه د وژلو غچ واخلي.
دغه ایراني اتومي ساینس، چې لویدیځ هېوادونه یې د اتومي وسلو د پټو پروګرامونو مشربولي؛ تېره تېره ورځ تهران ته نږدې ترور شو.
خامنه يي زیاته کړې، چې ساینس پوه محسن فخریزاده د “وحشي اجیرانو لخوا” وژل شوی دی.
هغه ویلي؛ دوه مهمې مسلې باید د اړوند بنسټونو په اجندا کې مطرح شي؛ لومړی، د دې جرم څارنه او د عاملینو او قومندانانو مجازات، دوه یم، د ټولو هغو برخو څارنه، چې شهید (فخریزاده) په کې علمي او تخنیکي هڅې تر سره کړي دي.
خامنه ای ویلي؛ تهران هیڅکله اتومي وسلې نه غوښتي او په خپله اعلامیه کې یې ژمنه کړې، چې د محسن فخریزاده کار به روان وي.
د رویترز د څرګندونو له مخې؛ دغه وژنه، چې د ایران ولسمشر یې پړه پر اسرائیلو وراچولې، د امریکا د ولسمشر دونالد ترمپ د کاري دورې په وروستيو اوونیو کې د منځني ختیځ د نوې لانجې د رامنځته کیدو ګواښ کوي.
دا کولی شي د غوره شوي ولسمشر جو بایدن لخوا له تهران سره د اختلافاتو د راپورته کولو د هغې هوکړې هڅې دي، چې د بارک اوباما په اداره کې هغه وخت رامنځته شوې وې. ترمپ واشنګتن د تهران له نړیوال اتومي تړون څخه، چې په ۲۰۱۵ کې پرې هوکړه شوې وه؛ ایستلی دی.
د اسرائیلو ان-۱۲ خبري چینل څرګنده کړې، چې د ایران لخوا د غچ اخیستنې له ګواښونو سره سم په ټوله نړۍ کې د اسرائیل سفارتونو د چمتووالی حالت نیولی دی.
د ایران ولسمشر حسن روحاني د کابینې یوې تلویزیوني غونډې ته ویلي، چې ایران به “په مناسب وخت” کې خپل ځواب ووایي.
هغه د اسرائیلو د کړنو په اړه په ډاګه کړې: نړیوالو صهیونیست اجیرانو یو ځل بیا خپل ناوړه لاسونو د یوه ایراني بچي پر وینو ولړل.
اسرائیلو د دې وژنې په اړه له څه ویلو ډډه کړې.
د رویترز د څرګندونو له مخې؛ سپینې ماڼۍ، پنتاګون، د امریکا بهرنیو چارو وزارت او سي آی ای هم په دې اړه له څه ویلو ډډه کړې ده.
تازه خبرونه
اسلامي امارت آلمان ته خپل څلور نوي ډیپلوماټان لېږي
د سرچینو د څرګندونو له مخې، هدایتالله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوسمهال د آلمان د ویزې ترلاسه کولو لپاره د قطر په پلازمېنه دوحه کې دي.
د بهرنیو چارو وزارت باخبره سرچینې ويلي، دا وزارت غواړي د آلمان په برلین کې د افغانستان سفارت او د بن ښار قونسلګرۍ ته د فعالیت لپاره خپل څلور نوي ډیپلوماټان ولېږي.
د سرچینو د څرګندونو له مخې، هدایتالله پکتین، محمدحکیم حکیمي، بشیر احمد افغان او سعید اکبر رستاد هغه څلور ډیپلوماټان دي، چې اوسمهال د آلمان د ویزې ترلاسه کولو لپاره د قطر په پلازمېنه دوحه کې دي.
سرچینو زیاته کړې؛ بشیر احمد افغان په برلین کې د افغانستان د سفارت لومړي منشي او سعید اکبر رستاد دوهیم منشي ټاکل شوي دي. په داسې حال کې چې هدایتالله پکتین او محمدحکیم حکیمي به په بن کې د افغانستان د قونسلګرۍ د دوهیمو منشیانو دندې ترسره کړي.
سرچینې زیاته کړې، د آلمان حکومت دغو څلور استازو ته د ویزو له ورکړې سره موافقه کړې؛ خو د کابل او د آلمان د بهرنیو چارو وزارت چارواکو تر اوسه په دې اړه رسمي څه نهدي ویلي.
د راپور له مخې، دا پرمختګونه د برلین او کابل ترمنځ د قونسلي چارو د تنظیم او د هغو افغان پناهغوښتونکو د بېرته ستنولو د بهیر د آسانتیا لپاره د تخنیکي هوکړو په لړ کې رامنځته کېږي، چې د قانوني اوسېدنې حق نهلري.
د آلمان د حکومت د رسمي څرګندونو له مخې، شاوخوا ۴۵۰ زره افغان وګړي په دې هېواد کې مېشت دي او برلین د هویتي اسنادو د صادرولو او د کډوالۍ د دوسیو د سمبالولو لپاره د افغانستان د ډیپلوماټیکو او قونسلي استازولیو فعال پاتې کېدل اړین بولي.
آلمان نورو اروپايي هېوادونو ته ورته د ۲۰۲۱ز.کال له سیاسي بدلونونو وروسته اسلامي امارت پر رسمیت نهدی پېژندلی؛ خو د پناهغوښتونکو د ستونزې د مدیریت او د مجرمو کسانو د ایستلو پر موخه یې له کابل سره تخنیکي تعاملات پراخ کړي دي. د آلمان چارواکو ټینګار کړی، چې دا اداري او قونسلي همکاري د اسلامي امارت د رسمي سیاسي پېژندنې معنا نهلري.
تازه خبرونه
افغانستان په ملګرو ملتونو کې د غړیتوب اتیایمه کلیزه نمانځي
په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځهویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.
په ملګرو ملتونو کې د افغانستان دایمي استازولۍ په دې ټولنه کې د دې هېواد د غړیتوب د اتیایمې کلیزې په مناسبت د یوې غونډې له جوړولو خبر ورکړی. په دې غونډه کې به له ملګرو ملتونو سره د افغانستان د اړیکو پر تاریخ، د دې هېواد د ډیپلوماټیک رول او د راتلونکو همکاریو پر امکاناتو خبرې وشي.
په ملګرو ملتونو کې د افغانستان د دایمي استازولۍ چارسمبالي نصیر احمد فایق د دوشنبې پر ورځ(د لړم پنځهویشتمه) ویلي، دا غونډه د افغانستان د استازولیو پر همکارۍ په نیویارک، ژنیو او ویانا کې جوړېږي.
د نوموړي د څرګندونو له مخې:« افغانستان او ملګري ملتونه؛ اته لسیزې تعامل، مشارکت او د راتلونکي لپاره زدهکړې» تر سرلیک لاندې دغه غونډه د نومبر پر اتهلسمه د انلاین او ژوندۍ بڼې له لارې ترسره کېږي.
فایق زیاته کړې؛ دغه غونډه به د افغانستان د خلکو د نظرونو او غوښتنو د څرګندولو او د سولې، انساني کرامت، برابرۍ او ښه راتلونکي لپاره د هغوی پر هیلو د ټینګار زمینه برابره کړي.
په ژنیو کې د افغانستان استازولۍ هم ویلي، چې په دې غونډه کې به په ملګرو ملتونو کې د افغانستان د حضور تاریخ، د هېواد ډیپلوماټیک رول او د راتلونکو همکاریو په اړه بحث وشي.
افغانستان د ۱۹۴۶ز.کال د نومبر پر نولسمه د ملګرو ملتونو غړیتوب ترلاسه کړ او سږ کال په دې نړیوالې ټولنې کې د خپل غړیتوب اتیایمه کلیزه نمانځي.
محمدکبیر لودین په ۱۹۵۲ز.کال کې د ملګرو ملتونو لپاره د افغانستان د لومړي دایمي استازي دنده پیل کړې.
دا په داسې حال کې ده، چې د ۲۰۲۱زږکال د اګست له سیاسي بدلونونو وروسته د ملګرو ملتونو د اعتبارلیکونو کمیټې تر اوسه د اسلامي امارت لهخوا د معرفي شوي استازي د منلو په اړه وروستۍ پرېکړه نهده کړې او د افغانستان استازولي اوس هم د پخواني نظام د ډیپلوماټانو لهخوا اداره کېږي.
تازه خبرونه
د اسلامي امارت استخباراتو پر شرعي چوکاټ ټینګار وکړ
عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر لهخوا ورته ځانګړي قوانین وضع شول.
د اسلامي امارت د استخباراتو عمومي رییس عبدالحق وثیق او د دې ریاست مرستیال تاجمیر جواد؛ د اسلامي امارت د رهبر د فرمانونو د اغېزو په اړه په یوه علمي او څېړنیز کنفرانس کې د دې ادارې د فعالیتونو او د شرعي نظام د ارزښتونو په اړه خبرې وکړې.
عبدالحق وثیق ویلي، د اسلامي امارت له بیا واکمنېدا وروسته د استخباراتو عمومي ریاست لومړنۍ اداره وه، چې د اسلامي امارت د رهبر لهخوا ورته ځانګړي قوانین وضع شول.
نوموړي زیاته کړې، دا اداره د ټاکل شویو قوانینو له مخې او د شریعت په چوکاټ کې فعالیت کوي، له ظالمانه شکنجو مخنیوی کوي، له جرمونو سره مبارزه کوي او د انساني کرامت ساتنه هم د خپلو ژمنو یوه برخه بولي.
دغه راز تاجمیر جواد ویلي: کله، چې امت د شرعي نظام د امامت له نعمت څخه بېبرخې شو؛ نو خپل معنوي ځواک یې په پراخه کچه له لاسه ورکړ او پردي افکار پرې اغېزمن شول.
هغه د اسلامي فکر او ارزښتونو د پیاوړتیا او د نظام د ثبات د ساتنې پر هڅو ټینګار وکړ او څرګندوي، چې شرعي امارت او امامت الهي امر او شرعي وجیبه ده او د اسلام او هېواد پرمختګ په همدې کې نغښتی دی.
-
تازه خبرونه2 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی2 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه5 days agoد ریاستالوزراء اقتصادي مرستیالۍ د سوالګرۍ د مدیریت طرحه نړیوالو بنسټونو ته وړاندې کړه
-
لوبی18 hours agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی3 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
تازه خبرونه5 days agoروسي شرکتونه دې د کانونو، صنعت او بېخبناوو په برخو کې پانګونه وکړي – ملا برادر
-
لوبی2 days agoارمان افسي استقلال کابل ته پنځه پر صفر ماتې ورکړه
-
تازه خبرونه3 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
