Connect with us

تازه خبرونه

افغانستان د امریکا او ناټو د پوځي تجهیزاتو د ورسپارلو غوښتنه لري

خپور شوی

د

(Last Updated On: غویی ۳, ۱۴۰۰)

د افغانستان دفاع وزارت ويلي؛ د افغانستان اردو د امریکا او ناټو نظامي تجهیزاتو ته اړتیا لري او ټاکل شوې، چې د بهرنیو ځواکونو د وتلو پرمهال یې د پوځي تجهیزاتو د ورسپارلو رسمي غوښتنه وکړي.

د امریکا حکومت او ناټو له مهالوېش سره سم په افغانستان کې پرېکنده ملاتړ ماموریت د روان کال د سپټمبر پر ۱۱ مه پای ته ورسوي او ټول بهرني ځواکونه به له دې هېواده ووځي.

“دفاع وزارت ویاند فواد امان په دې اړه ویلي؛ له شک پرته مونږ دغو پوځي تجهیزاتو ته اړتیا لرو او غواړو، چې مونږ ته یې وسپاري.

په ۲۰۱۴ کال کې امریکا خپل ډېر پوځي تجهیزات یا ویجاړ کړل او یا یې له افغانستان څخه ووایستل.

 کارپوهان وايي، چې د بهرنیو ځواکونو پوځي وسلې، زغروال ټانکونه پر پټه ټکنالوژۍ سمبال شوي، چې بهرنيان نه غواړي هغه د افغانانو ته وسپاري او د کارولو له واکه یې برخمن کړي.

د پوځي چارو کارپوه اسدالله ندیم په دې اړه ویلي، بهرنيان افغانانو ته د ځان ساتنې لپاره خپل پوځي تجهیزات نه ورکوي او هغه بشپړ پرمختللي دي.

له دې مخکې د افغانستان مشرانو جرګې ویلي وه؛ کله، چې امریکایي سرتېري له افغانستان څخه وځي دوی خپلې پوځي اډې او تجهیزات ویجاړوي او یا یې پاکستان ته لیږدوي.

 دې جرګې په دې اړه د حکومتي پرېکړې غوښتنه وکړه؛ خو حکومت تر دې دمه څه ندی ویلی.

د پوځي چارو کارپوه، سرور نیازي څرګنده کړې؛ پاکستان ته د امریکا لخوا د تجهیزاتو سپارل په دې معنا دې، چې طالبان جګړه نوره هم توده کړي.

یوې پوځي سرچینې په ډاګه کړې، چې د افغانستان د ملي امنیت شورا سلاکار حمدالله محب په مشرۍ حکومت د پرېکنده ماموریت ځواکونو په ملاتړ د پوځي تجهیزاتو او اډو د لیږد لپاره یو ګډ کمیسیون جوړ کړی دی.

تازه خبرونه

څار: د افغانستان په اړه پاکستان او قطر ته د امریکایي ډیپلوماټ سفرونه

Published

on

(Last Updated On: غویی ۹, ۱۴۰۳)

Continue Reading

تازه خبرونه

د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر

Published

on

(Last Updated On: غویی ۹, ۱۴۰۳)

د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمه‌ییزو پروژو په پلي کولو کې ونډه واخلي.

د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.

نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشه‌يي توکي او فساد یې له منځه وړی او خپلواک ملي حاکمیت ټینګ شوی دی.

د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.

ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوس‌مهال په سيمه کې د يوه سوله‌ييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.

د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.

اسلامي امارت په تېرو درې کلونو کې پرله‌پسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.

Continue Reading

تازه خبرونه

له پاکستان څخه دې د افغان کډوالو د جبري ایستلو چټکتیا راکمه شي

Published

on

(Last Updated On: غویی ۹, ۱۴۰۳)

د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.

د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.

هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.

د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.

پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.

مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.

د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.

Continue Reading

Trending

Copyright © 2022 Ariana News. All rights reserved!