تازه خبرونه
په افغانستان کې د القاعده او داعش په اړه د م.م موندنې بې بنسټه دي – ا.ا
د افغانستان اسلامي امارت د دوشنبې پر ورځ د م.م د امنیت شورا د څارنې ډلې هغه راپور رد کړ، چې ګواکې په دې هېواد کې د ا.ا له بیا واکمنېدو وروسته وسلوالې ډلې له ډېرې آزادۍ برخمنې دي.
د دغه راپور له مخې، چې تېره اوونۍ خپور شوی؛ ملګرو ملتونو ویلي، چې واک ته د طالبانو( اسلامي امارت) له بیا راستنیدو وروسته په نړیواله کچه داسې اندېښنې راپورته شوي، چې افغانستان د القاعده او د هغې د ملګرو لپاره خوندي ځای ګرزېدلی او له نورو سیمو څخه ترهګر دې هېواد ته سفر کوي.
د زمري پر ۲۴ او د اګست پر ۱۵ په افغانستان کې امنیتي وضعیت پر ډراماټیک بڼه بدل او بېلابېل بدلونونه او پرمختګونه رامنځته شول.
د افغانستان اسلامي امارت د دوشنبې پر ورځ په ډاګه کړه، چې دوی په دې راپور کې څرګندې شوې ادعاوې ردوي او څرګندوي، چې هغه راپورونه بې بنسټه بولي، چې د افغانستان، سیمې او نړۍ په ګټه نه وي.
د اسلامي امارت چارواکو ویلي، چې په افغانستان کې تر ټولو ښه امنیتي زمینه د تېر کال د اګست په میاشت کې د اسلامي امارت د بشپړ حاکمیت له رامنځته کېدو وروسته برابره شوې ده.
په دې اړه د اسلامي امارت په خبرپاڼه کې راغلي: اسلامي امارت د دوحې د تړون له مخې خپل مسوولیتونه ادا کړي او هیچا ته اجازه نه ورکوي، چې له افغانستان څخه نورو هېوادونو ته ګواښ متوجه کړي او له نورو څخه هم همدا تمه لري.
دغه راز څرګنده شوې، چې اسلامي امارت به د یوه مسوول سیسټم په توګه د شته امکاناتو او فرصتونو پر کارولو د افغانستان، سیمې او نړۍ په امنیت او ثبات کې مثبت رول ولوبوي او هیله لري، چې د ملګرو ملتونو د اړوند بنسټونو په ګډون نورې خواوې او امنیت شورا دا حقایق درک او مسوولانه څرګندونې وکړي.
د ملګرو ملتونو امنیت شورا په یوه نوي راپور کې افغانستان ته د القاعده او نورو سخت دریځو ډلو د نفوذ په اړه خپله اندېښنه تکرار کړې او خبرداری ورکوي، چې اوس هم امکان لري افغانستان د القاعده او منځنۍ آسیا د سخت دریځو ډلو پر خوندي ځاله بدل شي. د دغه سازمان د بندیزونو د څارنې ډلې په ۳۹ تحلیلي راپور کې دا هم راغلي، چې د القاعدې د پخواني مشر اسامه بن لادن زوی د تېر کال په اکتوبر میاشت کې افغانستان ته سفر کړی و او د اسلامي امارت له چارواکو سره یې لیدلي وه.
د ملګرو ملتونو د بندیزونو څارونکې ډله په کال کې دوه ځله دا ډول راپورونه چمتو کوي، چې د اسلامي دولت او القاعدې پر وړاندې لګول شوي بندیزونه پلي کړي.
په دې راپور کې دا هم ویل شوي، چې په منځنۍ آسیا کې د افراطي ډلو وسلوال او د ختیځ ترکستان د غورځنګ غړي، چې د چین په سینکیانګ ولایت کې فعال دي؛ د نوي افغان حکومت د نړیوالو لخوا په رسمیت پېژندلو ته په تمه دي.
د بهرنیو چارو وزارت د ویاند مرستیال حافظ ضیا احمد تکل د ملګرو ملتونو د امنیت شورا راپور رد کړ او وایي، چې اسلامي امارت د هرې هغې ډلې مخنیوي ته ژمن دی، چې له افغانستان څخه نورو هېوادونو ته ګواښ پېښوي.
د ملګرو ملتونو د امنیت شورا د راپور له مخې، د هند په نیمه وچه کې د القاعده څانګې د اسامه محمود په مشرۍ په غزني، هلمند، کندهار، نیمروز، پکتیکا او زابل ولایتونو کې د افغان حکومت پر ضد د طالبانو تر څنګ جګړې کړي دي.
په افغانستان کې د اسلامي امارت له واکمنۍ شپږ میاشتې تېرېږي؛ خو د سیمې او نړۍ هېڅ یو هېواد تر اوسه اسلامي امارت پر رسمیت ندی پېژندلی. نړیوالې ټولنې تل ټینګار کړی، چې نوی افغان حکومت باید د نړیوال مشروعیت د ترلاسه کولو لپاره له افغانستان څخه د تروریستي ګواښونو په اړه اندېښنې لرې کړي او دا هغه څه د ي، چې اسلامي امارت ځان ورته ژمن بولي.
تازه خبرونه
له افغانستان سره د روغتیا نړیوالې ټولنې همکاري اړینه ده – عبدالسلام حنفی
د ریاست الوزراء اداري مرستیال په کابل کې د روغتیا نړیوالې ټولنې له یوه لوړپوړي چارواکي سره په کتنه کې د لریو پرتو سیمو د کلینیکونو د جوړولو او د څانګوالو یا متخصصینو د روزنې په ګډون په بېلابېلو برخو کې د دې ټولنې د همکاریو غوښتنه وکړه.
د ریاست الوزراء د رسنیو له دفتره په خپره شوې خبرپاڼه کې راغلي، چې په دې کتنه کې عبدالسلام حنفي د اسلامي امارت له واکمنۍ سره د مخدره توکو له توليد او قاچاق سره د مبارزې په ګډون په ټول هېواد کې پر نشهیی توکو د روږدو کسانو د راټولولو او درملنې، د اداری فساد د له منځه وړلو او د امنیت د خوندي کولو پرمختګونو ته په نغوته کې له دې ټولنې وغوښتل، چې د افغانستان څوکۍ دې د اسلامي امارت استازي ته وسپاري او د مدیترانې سیمې د اجرائیوي بورډ او رهبرۍ په غونډو کې د افغانستان غړیتوب بېرته خوندي کړي.
عبدالسلام حنفي دغه راز د کوکنارو د کښت د بدیل برابرولو او له سیلاب ځپلیو سره د مرستې په برخه کې د نړیوالو بنسټونو د همکارۍ غوښتنه وکړه.
دغه راز نوموړي د پولیو پر له منځه وړلو د ټینګار تر څنګ د روغتیا له نړیوالې ټولنې وغوښتل، چې د پولیو د تشخیص لابراتوارونه فعال او واکسین ورکړي، د سرطان د درملنې مرکز جوړ کړي، په ماشومانو کې د خوارځواکۍ مخه ونیسي او د پاکو اوبو د زمینې په برابرولو کې همکاري وکړي.
د اسلامي امارت د اداري مرستيالۍ د خبرپاڼې له مخې، د روغتيا نړيوالې ټولنې د ختيځې مديترانې سيمې مشرې حنان حسن بلخي په دې غونډه کې ويلي، چې د دې ټولنې لپاره روغتيايي موضوع غير سیاسي او د دې ټولنې یو له لومړیتوبونو څخه ده.
نوموړې په بېلابېلو برخو کې د اسلامي امارت لاسته راوړنو ته نغوته وکړه او هیله څرګندوي، چې د روغتیا او پوهنې په برخه کې به د افغانانو لپاره ښه شرایط برابر شي.
میرمن بلخي وایي؛ د روغتيا نړيوالې ټولنې له نورو نړيوالو ټولنو او اروپايي ټولنې سره په ګډه درې کلنه پروژه لري، چې د افغانستان په بېلابېلو ولايتونو کې د روغتيايي مرکزونو جوړول هم په کې شته.
نوموړې دغه راز د پوليو پر وړاندې د مبارزې په برخه کې د اسلامي امارت له هلو ځلو قدردانی وکړ او زياتوي، چې د افغان بزګرانو لپاره د بديل معيشت د برابرولو په اړه به له نړيوالې روغتيايي ټولنې او نورو اړوندو ادارو سره خبرې وکړي.
دا په داسې حال کې ده، چې دې پلاوي په تېرو دوه کلونو کې د عامې روغتیا وزارت د لاسته راوړنو، د افغان روغتیايي پرسونل د ظرفیت لوړولو، د ولسوالۍ کچې روغتونونو د جوړېدو، د روغتیایي سیسټم د پیاوړتیا، دوامداره همکارۍ، د ساري ناروغیو د کنټرول او غوره همغږۍ په اړه د عامې روغتیا له چارسمبالي سره هم بحث او خبرې کړې دي.
تازه خبرونه
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
په ګمبیا کې د یکشنبې پر ورځ د اسلامي همکاریو ټولنې د پېنځلسمې سرمشریزې ګډونوالو د افغانستان له اسلامي امارت وغوښتل، چې د افغان نجونو او ښځو د زدهکړو او کار کولو حق ته درناوی وکړي.
د دې غونډې په پای کې دوی د زدهکړو او کار حق د افغان نجونو او ښځو له اساسي حقونو څخه وباله او په دې اړه یې د اسلامي امارت له چارواکو سره د نورو ډېرو بحثونو غوښتنه وکړه.
دغه راز د غونډې ګډونوالو په افغانستان کې د هر اړخیزې حکومتولۍ او تلپاتې سولې او ثبات د خوندي کولو لپاره د قومي ډلو، نشهیي توکو، تروریزم او ټولنیزو ستونزو مخنیوي ته د هڅو پر اړتیا ټینګار څرګند کړ.
د اسلامي همکاریو ټولنې د ۵۷ غړیو هېوادونو استازو په دغه کنفرانس کې، چې د تلپاتې پراختیا لپاره د خبرو له لارې د یووالي او پیوستون پیاوړتیا تر سرلیک لاندې جوړه شوې وه، ګډون کړی و.
د یادونې ده، چې په دې غونډه کې د اسلامي امارت یوه پلاوي ګډون درلود.
تازه خبرونه
د ملګرو ملتونو د بشري حقونو شورا د افغانستان د بشري حقونو ملي راپور تصویب کړ
په ژنیو کې د افغانستان دایمي استازي نصیر احمد اندیشه ويلي، چې د ۷۰ هېوادونو ۲۴۳ سپارښتنو له هر اړخیزو کتنو وروسته د ملګرو ملتونو د بشري حقونو شورا د افغانستان د بشري حقونو ملي راپور تصویب کړ.
نوموړي زیاته کړې؛ دغو هېوادونو په افغانستان کې د بشري حقونو پر وضعیت اندېښنه ښودلې او وړاندیز یې کړی، چې په افغانستان کې دې د بشري حقونو د سرغړونو په اړه بې پرې او خپلواکه څېړنه وشي.
نصیراحمد اندیشه وایي: د افغانستان د بشري حقونو ملي راپور په افغانستان کې د بشري حقونو د خرابېدو د بحران په اړه د اساسي حقایقو د هر اړخیز او بشپړ راپور د وړاندې کولو په هدف چمتو شوی دی. دا راپور د بشري حقونو د مخ پر خرابېدونکي وضعیت د ټینګار ترڅنګ د بشري حقونو د بحران په اړه د خلکو عاجلو اړتیاوو او اندېښنو ته هم نغوته کوي.
اسلامي امارت تل بشري حقونه د هېواد داخلي مسله بولي او ټینګار کوي، چې بشري حقونه په ځانګړي توګه د ښځو حقوق تر بل هر وخت ډېر خوندي دي.
د اسلامي امارت د ویاند مرستیال حمدالله فطرت وایي: د ټولو افغانانو اسلامي او شرعي حقوق تضمین شوي او اسلامي امارت د خپلو اتباعو د حقوقو خوندي کولو ته ژمن دی.
په افغانستان کې د بشري حقونو د وضعیت په اړه دا اندېښنې په داسې حال کې راپورته کېږي، چې د تېرې دوشنبې پر ورځ د ملګرو ملتونو د بشري حقونو شورا په یوه غونډه کې د بشري حقونو وضعیت د اندېښنې وړ وباله؛ خو اسلامي امارت یې په غبرګون کې څرګنده کړې، چې نړیواله ټولنه د بشري حقونو له موضوع څخه د یوې سیاسي وسیلې په توګه توګه کار اخلي.
-
تازه خبرونه1 day ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه23 hours ago
په غور کې د سېلابونو له کبله سلګونه خلک بې ځایه شول
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه1 day ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
سوداگري1 day ago
د ترکمنستان د سوداګرو او صنایعو اتحادیې مشر هرات ته سفر وګړ
-
نړۍ8 hours ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه5 days ago
ولس دې د اسلامي نظام د شرعي احکامو د پلي کولو لپاره همکاري وکړي – محمد خالد حنفي