Connect with us

تازه خبرونه

د اروپا ډېري بې مشره کډوال ماشومان د افغانستان دي

خپور شوی

د

د اروپا د احصائې ادارې د چارشنبې پر ورځ (د غویی ۱۴ ) په ډاګه کړه، چې په ۲۰۲۱ کال کې د هغو بې مشره ماشومانو شمېر، چې اروپا ته راغلي؛ د تېر کال پرپرتله ۷۲ سلنه ډېروالی ښيي.

د دغه دفتر د معلووماتو له مخې؛ په ۲۰۲۰ کال کې د بې مشره ماشومانو شمېر ۱۳۵۵۰  کسان ول؛ خو په ۲۰۲۱ کال کې دا شمېر ۲۳۲۵۵ ته لوړ شو.

د تېر اګست په میاشت کې د اسلامي امارت له واکمنۍ وروسته، چې په اروپا کې یې د کډوالۍ غوښتنې کړې؛ ډېري یې ۱۶ او ۱۷ کلن افغان هلکان دي.

له افغانستان څخه د امریکايي ځواکونو له وتلو وروسته د افغانستان اقتصاد په ټپه ودرېده او زرګونه کسان وتښتېدل.

تېر کال اروپايي هېوادونو د بېلابېلو هېوادونو شاوخوا ۲۶۷ زره پناه غوښتونکیو ته پناه ورکړې وه، چې نیمایي ترې سیاسي پناه اخیستې او پاتې نورو ته بشري پناه ورکړ شوې ده.

په سلو کې ۲۵ پناه غوښتونکي د سوریې وګړي دي، ورپسې افغانان او وینزویلایان دي. د استوګنې او پناه غوښتنې درې اصلي هېوادونه جرمني، فرانسه او ایټالیا دي.

د اروپا د احصائې د ادارې معلوماتو له مخې، په ۲۰۲۱ کال کې اروپايي هېوادونو شاوخوا ۵۰۰۰ بې مشره ماشومانو ته پناه ورکړې او له دې شمېر څخه ۳۴ سلنې یې سیاسي پناه اخیستې ده.

تازه خبرونه

Qatar, UK discuss Afghanistan and diplomatic efforts to ease regional tensions

They also exchanged views on the latest developments in the Palestinian territories, Lebanon, Syria and Afghanistan.

Published

on

Qatar and the United Kingdom have discussed developments in Afghanistan and the wider region, with both sides emphasizing diplomatic efforts and coordination to reduce tensions and strengthen regional stability.

According to Qatar’s Ministry of Foreign Affairs, Minister of State Dr. Mohammed bin Abdulaziz bin Saleh Al Khulaifi met with UK Minister of State for the Middle East and North Africa Stephen Doughty in London on Tuesday, November 17.

During the meeting, the two officials discussed bilateral relations and ways to strengthen cooperation, including activating a memorandum of understanding signed between the two countries on mediation and working together to resolve conflicts peacefully.

They also exchanged views on the latest developments in the Palestinian territories, Lebanon, Syria and Afghanistan, focusing on diplomatic initiatives and joint coordination to de-escalate tensions and enhance regional security and stability.

Al Khulaifi reaffirmed Qatar’s support for diplomatic efforts aimed at ensuring freedom of maritime navigation and paving the way for a comprehensive agreement that would bring lasting peace to the region, the ministry said.

Continue Reading

تازه خبرونه

افغانستان او ایران د ګمرکي همکاریو پر پراختیا هوکړه وکړه

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

Published

on

 

د افغانستان او ایران چارواکو د دواړو هېوادونو د ګمرکي نظامونو پر نښلولو، د ګمرکي فعالیتونو پر ۲۴ ساعته کولو، په بندرونو کې د موټرو د تګ راتګ پر زیاتولو او د سوداګرۍ د پراختیا لپاره د آسانتیاوو پر رامنځته کولو هوکړه کړې ده.

دا هوکړې د افغانستان مالیې وزیر محمد ناصر آخوند او د ایران د اقتصاد او مالیې وزیر ډاکټر مدني‌زاده ترمنځ په تهران کې د لیدنې پر مهال شوې دي.

د مالیې وزارت د څرګندونو له مخې، د اسلام‌کلا بندر ګمرکي فعالیتونه به د راتلونکې شنبې له ورځې ۲۴ ساعته شي.

دواړو لوریو په بندرونو کې د موټرو د ځنډېدا او د د ګمرکي محصولاتو د ورکړې ستونزې(خاک‌پولي) پر اواري، د قاچاقي توکو پر مخنیوي او ایران ته د افغان صادراتو لپاره د آسانتیاوو پر برابرولو خبرې کړې دي.

په دې لیدنه کې د پانګونې، سوداګرۍ، ټرانزیټ، سرحدي او ګمرکي مسایلو او د دوه‌اړخیزو اقتصادي همکاریو د ګډ کمیسیون پر فعالیتونو هم خبرې شوې دي.

Continue Reading

تازه خبرونه

د افغانستان اقتصادي وده روانه ده؛ خو د کورنیو عواید او د اوبو کمښت د اندېښنې وړ دي– نړیوال بانک

د نړیوال بانک په تازه راپور کې راغلي، چې په روان کال کې د افغانستان سرانه اقتصادي تولید ۳.۳ سلنه کم شوی او دا پرله‌پسې درېیم کال دی، چې سرانه تولید په کې راټیټېږي.

Published

on

 

نړیوال بانک ويلي؛ د افغانستان اقتصاد به په ۲۰۲۶ز.کال کې د کرنیزو حاصلاتو د ښه‌والي له کبله درې سلنه وده وکړي؛ خو د سرانه عوایدو کمښت، د خوراکي توکو د بیو لوړوالی او د اوبو د کمښت زیاتېدا پر کورنیو فشارونه ډېر کړي دي.

د نړیوال بانک په تازه راپور کې راغلي، چې په روان کال کې د افغانستان سرانه اقتصادي تولید ۳.۳ سلنه کم شوی او دا پرله‌پسې درېیم کال دی، چې سرانه تولید په کې راټیټېږي.

راپور زیاته کړې، چې د کاري فرصتونو کمښت او د خوراکي توکو د بیو لوړوالي د کورنیو د پېر ځواک کم کړی او شاوخوا ۱۵.۹ میلیون افغانان د ۲۰۲۶ز.کال په سپټمبر او اوکټوبر کې د خوړو له سختې ناامنۍ سره مخ ول.

نړیوال بانک همداراز ویلي، چې افغانستان له ۲۰۰۳زږکال راپدېخوا هر کال په منځني ډول شاوخوا ۴.۹ میلیارډ مټرمکعبه د خوږو اوبو زېرمې له لاسه ورکوي او په کابل کې د ځمکې لاندې اوبو ایستل د دغو زېرمو د طبیعي بیارغېدا له کچې نږدې څلور برابره زیات دي.

د دې بنسټ د اټکل له مخې؛ د افغانستان اقتصادي وده به په ۲۰۲۷ز.کال کې ۳.۳ او په ۲۰۲۸ز.کال کې ۳.۵ سلنې ته ورسېږي؛ خو له دې سره- سره به په ۲۰۲۸ز.کال کې سرانه تولید د ۲۰۲۴ز.کال پر پرتله شاوخوا اووه سلنه ټیټ وي.

د دولتي عوایدو په برخه کې، نړیوال بانک ویلي، چې د افغانستان کورني عواید د ۲۰۲۶ز. کال په لومړۍ نیمایي کې ۱۰.۲ سلنه زیات شوي دي. د کورنیو مالیاتو او غیرمالیاتي عوایدو زیاتوالي د ګمرکي عوایدو کموالی جبران کړی؛ خو له دې سره- سره عامه پانګونه اوس هم ټیټه ده او اټکل کېږي، چې په روان مالي کال کې د دولت پراختیايي لګښتونه د ناخالص کورني تولید شاوخوا ۱.۳ سلنې ته ورسېږي.

دغه راز له پاکستان سره د لارې د تړل کېدا له کبله اوس د افغانستان شاوخوا ۹۷ سلنه واردات د منځنۍ آسیا او ایران له لارې هېواد ته راوړل کېږي. همداراز د ۲۰۲۶ز. کال له اپریل څخه تر سپټمبر پورې د افغانستان صادرات د تېر کال د همدې وخت پر پرتله ۱۵.۱ سلنه کم شوي دي.

د نړیوال بانک د څرګندونو له مخې، د اوبو کمښت د کلیوالو سیمو د اوسېدونکو معیشت هم له خطر سره مخ کړی دی. کرنه د هېواد ۴۶ سلنه کاري ځواک په ځان کې ځایوي او په افغانستان کې د اوبو د ټولو ایستلو ۹۵ سلنه برخه دې برخې ته ځانګړې شوې ده.

نړیوال بانک خبرداری ورکړی، چې د کرنیزو حاصلاتو کمښت، د سوداګریزو لارو د لا زیات ګډوډېدا، د افغان کډوالو د پراخې راستنېدنې او د نړیوالو مرستو د کمېدا له کبله رامنځته کېدونکي وضعیت کولی شي د افغانستان اقتصادي لیدلوری کمزوری کړي.

په دې راپور کې د سوداګریزو خوندي لارو جوړول، هغو ولایتونو کې د کاري فرصتونو پراخول، چې ډېر راستنېدونکي کډوال مني او ښځو او نجونو ته د زده‌کړو او کار د بیا لاسرسي زمینه برابرول، په افغانستان کې د ژوند د کچې د ښه کېدا له لومړیتوبونو بلل شوي دي.

نړیوال بانک د اوبو د سرچینو د مدیریت په برخه کې هم د اوبو رسولو او حفظ‌الصحې د بنسټیزو خدمتونو پر بیا رغولو، د اوبو لګولو د سیسټمونو پر رغونې او د اوبو د زیرمو او ځمکې لاندې اوبو د زېرمو پر ساتنې ټینګار کړی دی.

د« افغانستان پراختیايي وضعیت تازه‌کتنه» راپور د افغانستان د اقتصاد او ټولنې په اړه د نړیوال بانک د دوامداره څېړنیزو، څارنیزو او شننیزو فعالیتونو یوه برخه ده، چې موخه یې د شواهدو پر بنسټ د پالیسۍ جوړونې ملاتړ او نړیوالې ټولنې ته د افغانستان د اقتصادي بدلونونو په اړه معلومات ورکول دي.

Continue Reading
Advertisement

Trending

Copyright © 2026 Ariana News. All rights reserved!