تازه خبرونه
مولوي متقي او امریکایي استازيو د افغانستان پر روانو حالاتو خبرې وکړې
مولوي امير خان متقي او د افغانستان لپاره د امريکا ځانګړي استازي ټام ويسټ او د ښځو لپاره د دوی ځانګړې استازې رينا اميري ترمنځ په ټيليفوني خبرو کې دواړو لوريو پر اړوند موضوعاتو خبرې وکړې.
د بهرنیو چارو وزارت د څرګندونو له مخې؛ ټام ويسټ د افغانستان له مالي سکټور، په ځانګړي توګه بانکي او پولي نظام سره د خپل هېواد د خبرو د پرمختګونو او همدارنګ يو لړ نورو سیاسي او بشري موضوعواتو په اړه معلومات او اندونه شریک کړل .
د بهرنیو چارو وزارت سرپرست د افغانستان په مالي برخه کې پرمختګ یو مثبت ګام وباله او زیاته یې کړه، چې اسلامي امارت په ډېرو برخو کې ستر پرمختګونه کړي دي.
مولوي متقي ویلي، امنیت ټینګ شوی، داعش ځپل شوی او هیچا ته اجازه نه ورکول کېږي، چې د افغانستان خاوره د بل پر ضد وکاروي.
د بهرنیو چارو وزارت سرپرست څرګنده کړې؛ له ننګونو سره سره د افغانستان بانکي سیسټم فعال دی، افغانۍ خپل ارزښت ساتلی، حکومت توانېدلی، چې خپلو ۵۰۰ زره پخوانیو کارکوونکیو او لسګونه زره نویو کارکوونکیو ته له توپیر پرته معاشونه ورکړي، نوې بودجه له کورنیو عوایدو څخه جوړه او تصویب شوې ده.
دغه راز رینا امیري د ښځو د تعلیم، کار او بشري حقونو په اړه خپلې اندېښنې او اندونه شریک کړل او پر حکومت یې غږ وکړ، چې په دې برخه کې اصلاحات راولي.
مولوي متقي ویلي، چې افغان ښځې د پوهنې، روغتیا، پاسپورټ او نورو برخو کې کار کوي. هغه زیاته کړې: د حجاب په اړه یو فرمان صادر شوی، چې افغان میرمنې ورسره کومه ستونزه نلري او د نشه يي توکو د منع فرمان هم صادر شوی او عملي شوی دی.
په پاى کې دواړو لوریو هوکړه کړې؛ د مهمو مسايلو د حل لپاره به متقابل عمل او زغم ته دوام ورکړي، چې ټول مسايل په ګډه حل شي.
تازه خبرونه
قطر د افغانستان او نړیوالې ټولنې ترمنځ د اړیکو په پراختیا کې رغنده رول لوبولی – امیرخان متقي
د بهرنیو چارو وزارت د خبرپاڼې له مخې؛ امیر خان متقي دغه څرګندونې نن( سېشنبه د چنګاښ نهمه ) په کابل کې د قطر دولت له سفیر مردف القاشوطي سره په لیدنه کې کړې دي.
د افغانستان اسلامي امارت بهرنیو چارو وزیر امیرخان متقي ویلي؛ قطر د افغانستان او نړیوالې ټولنې ترمنځ د اړیکو د پراختیا په برخه کې رغنده رول لوبولی او خپلې هڅې یې پرلهپسې روانې ساتلې دي.
د بهرنیو چارو وزارت د خبرپاڼې له مخې؛ امیر خان متقي دغه څرګندونې نن( سېشنبه د چنګاښ نهمه ) په کابل کې د قطر دولت له سفیر مردف القاشوطي سره په لیدنه کې کړې دي.
د بهرنیو چارو وزیر د افغانستان او قطر اړیکې مثبتې او مخ پر ودې وبللې او د دواړو هېوادونو ترمنځ یې د همکاریو پر پراختیا ټینګار څرګند کړ.
دغه راز د افغانستان او قطر ترمنځ د دوهاړخیزو اړیکو د پراختیا ترڅنګ د ګډو ګټو اړوند پر یو شمېر سیمهییزو موضوعاتو هم د نظر تبادله شوې ده.
په دې خبرپاڼه کې راغلي؛ د قطر سفیر د خپل هېواد او افغانستان اړیکې تاریخي او ژورې وبللې او څرګندوي، چې قطر د خپل منځګړي بهرني سیاست په چوکاټ کې د افغانستان او نړیوالې ټولنې ترمنځ د رغنده تعامل او اړیکو له پراختیا ملاتړ ته ژمن پاتې دی.
تازه خبرونه
هند د پاکستان وروستي بریدونه وغندل او د افغانستان د حاکمیت پر ملاتړ یې ټینګار وکړ
د یاد وزارت د دوشنبې د ورځې په خبرپاڼه کې راغلي، چې دا اقدام د افغانستان له حاکمیت ښکاره سرغړونه ده او د سیمې د سولې او ثبات پر وړاندې مستقیم ګواښ ګڼل دی.
د هند بهرنیو چارو وزارت پر افغان خاوره د پاکستاني پوځي رژیم هوايي بریدونه غندلي او څرګندوي، چې دغو بریدونو د ښځو او ماشومانو په ګډون یو شمېر ملکي وګړو ته مرګ او ژوبله اړولې ده.
د یاد وزارت د دوشنبې د ورځې په خبرپاڼه کې راغلي، چې دا اقدام د افغانستان له حاکمیت ښکاره سرغړونه ده او د سیمې د سولې او ثبات پر وړاندې مستقیم ګواښ ګڼل دی.
د خبرپاڼې له مخي؛ دغه بریدونه د پاکستان د «بېپروا چلند» دوام ښيي او دا ښیي، چې اسلامآباد هڅه کوي خپلې کورنۍ ناکامۍ په افغانستان کې د تاوتریخوالي له لارې پټې کړي.
د هند بهرنیو چارو وزارت د قربانیانو له کورنیو سره خواخوږي څرګنده کړې؛ ټپیانو ته یې د بېړنۍ روغتیا هیله کړې او یو ځل بیا یې د افغانستان له حاکمیت، خپلواکۍ او ځمکني بشپړتیا څخه پخپل کلک ملاتړ ټینګار څرګند کړی دی.
د یادونې ده، چې د اسلامي امارت د څرګندونو له مخې؛ اوړمه شپه د پاکستاني پوځي رژیم په هوايي بریدونو کې یې د پکتیا، پکتیکا او کونړ ولایتونه ۳۶ ملکي وګړي «شهیدان» او ۱۶۳ نور ټپیان کړي دي.
تازه خبرونه
پاکستان دې د ملګرو ملتونو غوښتنې ته غوږ ونیسي او ډیپلوماسۍ دې غوره کړي
خلیلزاد په ایکسپاڼه کې لیکلي، چې د ملګرو ملتونو سرمنشي له افغانستان او پاکستان غوښتي، چې تاوتریخوالي ته د پای ټکی کېدي او خپل اختلافات د ډیپلوماسۍ له لارې حل کړي.
د افغانستان د سولې لپاره د امریکا پخواني ځانګړي استازي، زلمي خلیلزاد د ملګرو ملتونو د سرمنشي، انټونیو ګوټرش له هغې غوښتنې وروسته، چې د افغانستان او پاکستان ترمنځ یې د تاوتریخوالي د پای ته رسېدا غوښتنه کړې؛ له اسلامآباد وغوښتل، چې ډیپلوماټیکو حللارو ته مخه کړي.
خلیلزاد په ایکسپاڼه کې لیکلي، چې د ملګرو ملتونو سرمنشي له افغانستان او پاکستان غوښتي، چې تاوتریخوالي ته د پای ټکی کېدي او خپل اختلافات د ډیپلوماسۍ له لارې حل کړي.
هغه زیاته کړې؛ افغانستان څو ځله ویلي، چې ډیپلوماټیکه حللاره غوره بولي او د کړکېچ د کمولو لپاره یې څو وړاندیزونه هم کړي دي.
د امریکا پخواني ځانګړي استازي پوښتنه کړې:« آیا په پاکستان کې واکمن جوړښت به د ملګرو ملتونو د سرمنشي غوښتنې ته غوږ ونیسي؟»
خلیلزاد د خپلې څرګندونې په پای کې لیکلي: «هیله لرم همداسې وشي، خو په دې اړه ډېر خوشبین نه یم.»
د خلیلزاد دغه څرګندونې په داسې وخت کې راپورته کیږي، چې د پاکستاني پوځي رژیم له وروستیو بریدونو وروسته ملګرو ملتونو هم د تاوتریخوالي د سمدستي درېدا او د ملکي وګړو د خوندیتوب غوښتنه کړې ده.
-
International Sports2 days agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه3 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
تازه خبرونه2 days agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
تازه خبرونه3 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
څار3 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
سیمه ییز خبرونه2 days agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
-
تازه خبرونه1 day agoپه افغانستان کې د پاکستان د وروستيو هوايي بریدونو له کبله ملکي وګړو ته مرګ او ژوبله اوښتې
-
تازه خبرونه10 hours agoپناه غوښتونکي ښايي تر ۱۰ زره پونډو پورې لګښتونه بېرته ورکړي
