تازه خبرونه
امریکا غواړي د افغان پوځ پخوانۍ الوتکې ازبکستان او تاجکستان ته وسپاري
پولیتیکو ورځپاڼې د باخبرو سرچینو د څرګندونو له مخې په ډاګه کړې؛ امریکا غواړي، چې د پخواني حکومت له نسکورېدو وروسته ازبکستان او تاجکستان ته تښتول شوې۵۰ پوځي الوتکې دغو دواړو هېوادونو ته وسپاري.
د یادې ورځپاڼې د څرګندونو له مخې؛ واشنګتن د دې کار په بدل کې له دغو هېوادونو څخه د ترهګرۍ ضد همکاري غواړي.
پولیتیکو په ډاګه کړې: امریکايي چارواکي له ازبک او تاجک چارواکو سره خبرې کوي، چې د مرکزي آسیا دغه دوه هېوادونه په افغانستان کې د ترهګرو د ځپلیو لپاره له امریکا سره مرسته وکړي.
دا خبرې اترې د منځنۍ آسیا په هېوادونو کې د امریکا د نفوذ په اړه د روسیې د حساسیت له کبله ښکاره شوې ندي.
د افغانستان اسلامي امارت، چې د پخواني حکومت له نسکورېدو وروسته یې د میلیونونو دالرو پر ارزښت امریکايي روغ او ویجاړ تجهیزات او وسلې خپلې کړي؛ له امریکايي، تاجکي او ازبکي حکومتونو یې د یادو الوتکو د ورسپارلو غوښتنه کړې؛ خو دا غوښتنه د واشنګنن په ګډون رد شوې ده.
په دغو پوځي الوتکو کې سپکې جنګي الوتکې او چورلکې هم شته، چې د افغان حکومت له نسکورېدو وروسته افغان پیلوتانو ازبکستان او تاجکستان ته وتښتولې.
له دغو دوه هېوادونو سره د امریکا احتمالي هوکړه د معلوماتو پر تبادلې سربېره په افغانستان کې د تروریستي ډلو د څارنې لپاره د پوځي یا هوايي اډې ترلاسه کول او په اوسني پړاو کې، امریکایي چارواکو ته د معلوماتو له تبادلې سره تړاو لري.
په همدې حال کې د افغانستان د اسلامي امارت دفاع وزارت په ځلونو تاجکستان او ازبکستان ته د تښتول شویو الوتکو د بېرته ورسپارلو غوښتنه کړې ده.
د یادونې ده، چې اسلامي امارت له دې مخکې د افغانستان په فضا کې د امریکایي څارګرو الوتکو د الوتنې او عملیاتو د بندېدوغوښتنه کړې او ویلي یې ول؛ ګاونډ هېوادونه دې امریکا ته د لاسوهنو او د آسانتیاوو له برابرولو ډډه وکړي، ځکه د افغان حکومت له لوري ګاونډ هېوادونو ته کوم ګواښ نه رامنځته شوی او نه به چاته د مداخلې اجازه ورکړي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
سیمه ییز خبرونه23 hours ago
په عراق کې به همجنسبازان پر۱۵ کاله بند شي –پارلمان
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه23 hours ago
ترکمنستان د ټاپي پروژې بشپړولو ته ژمن دی – امانوف
-
لوبی20 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل