تازه خبرونه
په کابل کې د اسلامي امارت د بنسټوال ملا محمد عمر مجاهد د مړینې لسم تلین مراسم ترسره شول
په کابل کې د افغانستان اسلامي امارت د بنسټوال او پخواني مشر ملا محمد عمر مجاهد د مړینې لسمه کلیزه ونمانځل شوه.
په دې مراسمو کې د ریاست الوزراء مرستیالانو، د کورنیو چارو، ملي دفاع وزیرانو او د اسلامي امارت د کابینې ګڼ شمېر غړیو او چارواکو ګډون کړی و.
د ریاست الوزرا اداري مرستیال مولوي عبدالسلام حنفي د اسلامي امارت د پخواني مشر پر اهدافو او لاسته راوړنو ټینګار څرګند کړ او وایي؛ اوسنی اسلامي نظام هوډ لري، چې د خلکو د ژوند د ښه والي او د هېواد د پرمختګ لپاره هیڅ راز هڅې ونهسپموي.
عبدالسلام حنفي له هېوادونو وغوښتل، چې په افغانستان کې د جګړې اور ته د لمن وهلو پر ځای په لویو اقتصادي پروژو او د کانونو پر استخراج او کېندنه پانګونه وکړي.
نوموړي په دې مراسمو کې دا هم څرګنده کړه: اسلامي امارت هوډ لري، چې د افغانستان د خلکو د ژوند د ښه والي او پرمختګ لپاره خپل ټول وس وکاروي او هیڅ راز هڅې ترې ونهسپموي او زمونږ پالیسي د سیمې له نړۍ او ټولو هېوادونو سره د ښو اړیکو او متقابلو اړیکو لرل دي.
هغه زیاته کړې: مونږ د هیچا په کورنیو چارو کې لاسوهنه نهکوو او نور باید هم همداسې وکړي. هغوی، چې پخوا یې په جګړه کې پانګونه کوله؛ اوس باید د اقتصاد او کانونو په برخه کې پانګونې ته ځانونه چمتو کړي؛ ځکه، چې ورته د پانګونې زمینه برابره شوې ده.
د ملي دفاع وزیر محمد یعقوب مجاهد هم په دې مراسمو کې ویلي؛ د افغانستان دښمنان هڅه کوي، چې اسلامي نظام ګډوډ کړي.
محمد یعقوب مجاهد له خلکو وغوښتل، چې د افغانستان د دښمنانو پر تبلیغاتو او دسیسو ونهغولېږي او په هېواد کې د خپلواک اسلامي نظام ملاتړ وکړي.
محمد یعقوب مجاهد دا هم ویلي؛ ملت باید ویښ شي او د دښمنانو پر تبلیغاتو دوکه نهشي. دوی په هېواد کې د اسلامي نظام بقا نهغواړي او پر بېلابېلو نومونو دسیسې روانې دي؛ ولس باید د اوسني خپلواک نظام ملاتړ وکړي.
له بلې خوا د کورنیو چارو وزیر په هېواد کې د اسلامي نظام رامنځته کول د اسلامي امارت د پخواني مشر له ارمانونو څخه وبلل او ټینګار یې وکړ، چې اسلامي نظام باید ځانګړی نهوي او ټول ملت باید خپل ځان په اسلامي امارت کې وګوري.
سراج الدین حقاني په دې اړه وایي: مونږ باید نظام کوچنی او ځانګړی نهکړو، بلکې دا نظام په ټولو قومونو پورې اړه لري، مونږ باید د ملا محمد عمر مجاهد ټول اخلاق او اهداف پلي کړو.
د اطلاعاتو او فرهنګ وزیر خیرالله خیرخواه هم څرګنده کړې، چې : که زر کاله هم تېر شي؛ د ملا محمد عمر یادونه به پاتې وي، ځکه هغه په زړونو کې ځای لري. مونږ باید پر خلکو رحم وکړو.
د یادولو ده، چې د اسلامي امارت مشر او بنسټوال ملا محمد عمر مجاهد په ۱۳۹۲ لمریز لېږدیز کال کې وفات او په زابل ولایت کې خاورو ته سپارل شوی دی.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
تازه خبرونه
د حج او اوقافو وزارت چارسمبالي د ترکیې له ولسمشر سره وکتل
د اسلامي امارت ویاند ذبیح الله مجاهد ويلي، د افغانستان د ارشاد، حج او اوقافو وزارت چارسمبالي د اسلامي نړۍ د عالمانو د مشورتي ناستې په څنډه کې د ترکیې له ولسمشر سره وکتل او خبرې یې ورسره وکړې.
ذبیح الله مجاهد په ایکس پاڼه کې لیکلي، چې د ارشاد، حج او اوقافو وزارت چارسمبالي نور محمد ثاقب د اسلامي نړۍ د عالمانو په مشورتي دوه ورځنۍ غونډې په څنډه د ترکیې له ولسمشر رجب طیب اردوغان سره وکتل.
مجاهد زیاته کړې، چې په دې کتنه کې د ترکیې ولسمشر د امنیت خوندي کېدا او په افغانستان کې د روان وضعیت په اړه خوښي څرګنده کړه.
د نوموړي د څرګندونو له مخې؛ په دې کتنه کې د ارشاد، حج او اوقافو وزارت چارسمبالي له ولسمشر اردوغان څخه د دغې غونډې له جوړولو د مننې تر څنګ ویلي، افغانستان له ورور هېواد ترکیې سره د ښو او پرمختللیو اړیکو غوښتونکی دی.
د ارشاد، حج او اوقافو وزارت ویلي؛ اسلامي نړۍ او په ځانګړي توګه افغانستان د ترکیې له ولسمشر څخه هیله لري، چې د اسلامي امت د ستونزو په حل کې مهم رول ولوبوي.
ارشاد، حج او اوقافو وزارت د څرګندونو له خې؛ د اسلامي نړۍ د عالمانو دوه ورځنۍ مشورتي غونډه پرون (یکشنبه د غویی درویشتمه) د ترکیې په استانبول ښار کې د دغه هېواد د ولسمشر رجب طیب اردوغان پر وینا پیل شوې او د افغانستان د ارشاد حج او اوقافو وزارت چارسمبالی یې هم ګډونوال دی.
-
تازه خبرونه2 days ago
الله ګل مجاهد د قتل پر تور ونیول شو
-
سوداگري5 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی5 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه23 hours ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه5 days ago
سعودي عربستان ته د افغان حاجیانو د لېږد بهیر پیل شو