تازه خبرونه
لویدیځ باید په افغانستان کې له سترې لوبې ډډه وکړي – د م.م پخوانی چارواکی
د ملګرو ملتونو یوه پخواني لوړپوړي چارواکي ویلي، چې لویدیځ باید په افغانستان کې د سترې لوبې له سیاسته لاس واخلي او د دې هېواد خلکو ته لومړیتوب ورکړي.
د ملګرو ملتونو د عمومي منشي پخواني مرستیال مارک مالوک براون په یوه لیکنه کې، چې د سې شنبې پر ورځ بریتانوي ورځپاڼې فایننشال تایمز خپره کړې؛ څرګندوي، چې شاوخوا ۲۸.۸ میلیون افغانان بېړنیو مرستو ته اړتیا لري. په داسې حال کې، چې د ۲۰۲۱ ز. کال په اګست کې دا شمېر۱۸.۴ میلیون خلک ول.
هغه زیاته کړې، چې ښځې او نجونې د کار او تعلیم د محدودیتونو په ګډون د بېوزلۍ او لوږې له پراخو بحرانونو څخه، چې دوی ته تر ټولو ډېر زیان رسوي؛ زیانمنې شوې دي.
د نوموړي د ټینګار له مخې: افغانستان یو ځل بیا منزوي شوی؛ له دیپلوماتیکې پېژندنې بې برخې دی، مرستو کمې شوي، له بندیزونو سره مخ او شتمنۍ یې کنګل دي. په امریکا او برتانیا کې ډېري غواړي، چې په دې هېواد (افغانستان) کې د خپلو سیاستونو پر ناکامیو خولې وګنډي.
هغه په ډاګه کړې؛ د افغانستان انزوا د جیو پولیتیک او سیمهییزو سیالیو د اوږدې دورې یوه برخه ده، چې پر پرلهپسې توګه د افغانانو په لومړیتوب کې پاتې راغلي دي.
د براون د څرګندونو له مخې: که دا د نیابتي جګړې پالیسي وي یا غفلت، یرغل یا ملاتړ، د حضور زیاتېدل یا کمول وي؛ خو بهرنیانو پر پرله پسې بڼه د افغانستان خلکو ته داسې زیان او تاوان رسولی، چې د دې تراژیدۍ راتلونکي پړاو ته پر لار اوارولو پای ته رسېدلی.
هغه ښیي، چې د افغانستان عامو خلکو ته لومړیتوب ورکول؛ له واکمن رژیم سره اړیکو ته اړتیا لري، ان که دا د امتیازاتو د بښلو پر معنا هم وي.
هغه زیاته کړې، چې له غربي قدرتونو، ګاونډیانو، اسلامي امارت او مدني ټولنې څخه جوړې شوې یوې ډلې ته اړتیا ده، چې هغه له مخدره توکو سره د مبارزې لپاره یوه انساني ستراتیژي جوړه او په ځانګړي توګه ښځو او نجونو ته د مرستو د بهیر پر ښه والی، رڼښت او د اوبو لګولو په برخو کې پانګونه وهڅوي.
هغه څرګندوي؛ د اړیکو دا ډله کولی شي د ټولشموله حکومتدارۍ د رامنځته کولو لپاره د اسلامي امارت له ساحې بهر لوبغاړیو سره خبرې وکړي.
براون دا ټینګار هم کړی، چې ټولې خواوې د افغانستان د سقوط په مخنیوي کې خپلې اړینې ګټې لري. هغه زیاته کړې: قحطي، د حکومت ناکامي او ان په افغانستان کې نوې شخړې به په پاکستان او سیمه کې د بې ثباتۍ او له هېواده د زیاتو کډوالو د تېښتې لامل شي.
دغه راز په ډاګه شوې، چې: دا کار لویدیځ او نور مشران له یوه ساده غوراوي سره مخ کوي؛ د سترې لوبې پالیسي ترسره کړي او یا که یو ځل د افغانستان خلکو ته لومړیتوب ورکړي. د سترې لوبې سیاست مونږ له تېرو ۳۰ کلونو راپدیخوا هغه ځای ته رسولي یوو، چې په کې یوو؛ ځکه، نو یوه نوې کړنلاره له ډېره وخته ځنډول شوې ده.
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه