لوبی
په ۲۰۲۸ المپیک سیالیو کې د افغان کرکت لوبغاړیو ګډون به مشروط وي
د المپیک نړیوالې کمیتې رییس توماس باخ د دې پوښتنې په ځواب کې، چې ایا کمیته به له ښځینه لوبډلې پرته په ۲۰۲۸ المپیک سیالیو کې د افغانستان نرینه کرکت لوبډلې ته اجازه ورکړي؛ ویلي د دې ادارې څارنه له نږدې روانه ده او ګوري، چې د لوبې لپاره به میرمنې څومره ملاتړ ومومي.
د افغانستان موضوع د دوشنبې پر ورځ د هند د ممبئي ښار په یوه خبري کنفرانس کې له هغې وروسته راپورته شوه، چې د المپیک نړیوالې کمیتې د غړیو له مثبتې رایې وروسته د ۲۰۲۸ ز. کال د لاس انجلس په المپیک سیالیو کې د شل اوریزو لوبو د شاملولو غوښتنه وشوه.
افغانستان د کرکت د نړیوالې شورا یوازنی بشپړ غړی هېواد دی، چې د ښځو کرکت لوبډله نهلري. افغانستان په ۲۰۱۷ کې د دې شورا بشپړ غړیتوب په دې هیله ترلاسه کړ، چې دا هېواد به د ښځو لوبې کولو ته لار اواره کړي.
د دې شورا د مرستیال عمران خواجه پر مشرۍ د کرکت د نړیوالې شورا یوې کاري ډلې د اسلامي امارت له چارواکو سره کتلي او د وضعیت په اړه یې خبرې وکړې او دې شورا ته سپارښتنه وه، چې د افغانستان کرکټ بورد د مجازاتو پر ځای د حل موندلو لپاره باید خبرې روانې وساتل شي.
د المپیک نړیوالې کمیتې تر اوسه د پاریس د ۲۰۲۴ ز. کال په المپیک سیالیو کې د افغان لوبغاړیو ګډون نهدی تائید کړی او د هېواد د المپیک ملي کمیتې ته یې خبرداری ورکړی، چې که لوبو او سپورت ته د ښځو لاسرسي محدود وساتل شي؛ هغه به وځنډول شي.
د کرکت نړیوالې شورا یوه چارواکي جیمز مکلیود ویلي؛ د رژیم له بدلون راپدیخوا مونږ د افغان حکومت له چارواکو سره پرله پسې خبرې اترې کړې دي. مونږ له حکومت څخه د شته خنډونو پر لرې کولو ټینګار کړی، چې په هېواد کې د سپورت فرصتونو ته د ښځو او ځوانو نجونو د لاسرسي مخه نیسي.
هغه زياته کړې، چې په دې وروستيو کې يې د چين د هانګجو ښار په اسيايي لوبو کې د افغان ښځينه ورزشکارانو له ګډون سره يو کوچنی بدلون ليدل شوی دی.
نوموړي ویلي؛ پرمختګونه شوي دي، خو مونږ دهانګجو په اسیایي سیالیو جې ډېر کوچنی پرمختګ وليد، چې د ٨٣ لوبغاړیو په ګډون ١٧ ښځو په درې بېلابېلو لوبو کې برخه واخیسته. همدا رنګه، بیرغ د نرینه او ښځو لخوا په ګډه پورته شوی و.
لوبی
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
د افغانستان فوټبال اتلانو لیګ اووهدېرشمه لوبه د چارشنبې پر ورځ ( د غویی نولسمه ) د ابو مسلم فراه او عدالت فراه لوبډلو ترمنځ مساوي پای ته ورسېده.
په دې لوبه کې یوه لوبډله پر ګول وهنه بریالۍ نشوه.
له بلې خوا د نن ورځې په دوهیمه یا اتهدېرشمه لوبه کې میوند فوټبال لوبډلې د جوانان واحدي ته ۲ د صفر پر توپیر ماتې ورکړه.
د دغو لوبو په لړ کې به د پنجشنبې پر ورځ ( د غویی شلمه) موج ساحل او خدیم سرپل به د کابل پر وخت یوه بجه او اټک انرژي به له استقلال کابل له لوبډلې سره ۳:۳۰ بجې ولبیږي.
دا سیالۍ له آریانا ټلویزیون څخه پر ژوندۍ بڼه خپرې شي.
لوبی
اټک انرژی جوانان واحدي لوبډله او عینو مېنې خدیم ماټ کړل
د دوشنبې پر ورځ د افغانستان اتلانو لیګ په درېدېرشمه لوبه کې اټک انرژي جوانان واحدي ته ۷- ۰ او په څلوردېشمه لوبه کې عینو مېنې خدیم افسي ۳ پر ۱ مات کړل.
د جوانان پر وړاندې د اټک عبدالصبور رحیمي (۲)، یارمحمد ذاکرخېل (۲)، اکپو افنجا ګوډون (۱) او جواد الکوزي (۱) ګولونه ووهل. د دوی لومړی ګول عصمت الله غیاشي پخپله هڅه وواهه.
دغه راز د عینو مېنې لپاره احمد نبي مقصود (۲) او خلیل احمد بادشاه (۱) ګولونه ووهل او خدیم ته یې ۳- ۱ ماتې ورکړه.
د خادیم لوبډلې لخوا یوازنی ګول مجیب الله کریمي وواهه.
د سې شنبې په سیالیو کې خراسان فاریاب له استقلال کابل سره او سرسبز یاشلر له سورخ پوشان خوافي سره لوبه کوي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
د یکشنبې پر ورځ په کابل کې د افغانستان اتلانولیګ په درېیم پړه کې د ابو مسلم فراه لوبډلې میوند ته ۹ پر ۱ ماتې ورکړه او محمد سهراب افغان پېنځه ګولونه ورکړل.
د ابو مسلم څلور نور ګولونه معین کمالي، عبیدالله عمري، رؤف عظیمي او نجیب الله هاشمي ووهل.
دا د دې سیالیو په لړ کې تر اوسه د یوې لوبډلې لخوا تر ټولو ډېر ګولونه دي.
میوند لوبډلې خپل یوازنی ګول د لوبې له پای ته رسېدو لږ مخکې د سید جاوید حسني پر مټ وواهه.
د همدې ورځې په بله لوبه کې عدالت فراه ۳ د صفر پر توپیر موجل ساحل ته ماتې ورکړه. عبدالعلي واحدي دوه او فرهاد کریمي یو ګول ترسره کړ.
د افغانستان تلانو لیګ د دوشنبې ورځې په سیالیو کې به اټک انرژی لوبډله د جوانان واحدي له لوبډلې سره د غرمې پر ۱:۰۰ او عینو مېنه به ۳:۳۰ له خدیم لوبډلې سره ولوبیږي.
دا سیالۍ له آریانا تلویزیون څخه پر ژوندۍ بڼه خپریږي.
-
تازه خبرونه4 days ago
په غور کې د سېلابونو له کبله سلګونه خلک بې ځایه شول
-
نړۍ2 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه1 day ago
د پاکستان خاوره د افغانستان پر ضد کارول کیږي
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه1 day ago
د سې شنبې پر ورځ خراسان او سرخ پوشان لوبډلو لوبه وګټله
-
نړۍ4 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ