تازه خبرونه
پاکستان دې ژر تر ژره د افغانانو شړل ودروي – د ملګرو ملتونو کارپوهان
د ملګرو ملتونو کارپوهانو د سې شنبې پر ورځ له پاکستان وغوښتل، چې سمدستي دې د یو اعشاریه څلور میلیون افغان وکړیو د ایستلو او شړلو پلان لغو کړي.
د افغانستان د بشري حقونو په برخه کې د ملګرو ملتونو ځانګړي استازي ریچارد بینیت په ګډون دغو کارپوهانو د پاکستان د لنډمهالي حکومت لهخوا له افغان کډوالو سره د ناوړه چلند او نیولو په اړه اندېښنه ښودلې او څرګندوي، چې پاکستان باید د بشري حقونو خوندیتوب په پام کې ونیسي او د نړیوالو معیارونو پر بنسټ د مهاجرینو حقونه خوندي او افغانانو ته اسانتیاوې برابرې کړي.
له هغې وروسته، چې پاکستان له یو میلیون څخه د ډېر افغان کډوال د ایستلو غږ پورته کړ، د دې مسلې په اړه اندېښنې نورې هم ډېرې شوې.
اوس د ملګرو ملتونو کارپوهانو په یوه ګډه اعلامیه کې له پاکستان څخه د دې پلان د لغو کولو غوښتنه کړې ده.
د ملګرو ملتونو د کارپوهانو په اعلامیه راغلي: مونږ له پاکستان څخه غواړو، چې د کډوالو د نه ستنولو بشپړو اصولو ته درناوی وکړي او د ډلهییزې شړنې او جبري ستنولو مخه ونیسي. په کور د ننه د کډوالو په اړه د قوانینو نهشتوالی هېوادونه له نړیوالو قوانینو څخه نهشي بېلولی.
دغو کارپوهانو ويلي، چې د کډوالو پر زور شړل د شکنجې د مخنیوي په کنوانیسیون کې ښکاره راغلي دي او پاکستان دا کنوانسیون لاسلیک کړی دی. دا کنوانسیون هر ډول شکنجه، ظالمانه او ناانساني چلند منع کوي.
دوی ویلي؛ د هغو راپورونو په اړه اندېښمن دي، چې په پاکستان کې میشت افغانان د پاکستان لهخوا پر شړلو سربېره له نيولو او ناوړه چلند سره مخ دي.
د ملګرو ملتونو د کارپوهانو د اعلامیې له مخې؛ پاکستان باید د اجباري شړلو مخه ونیسي او د هغو افغان وګړیو کوربهتوب روان وساتي، چې د خوندي ژوند په لټه کې دي.
ملګري ملتونه دا هم وايي، چې لومړیتوب باید هغو کسانو ته ورکړ شي، چې د خوندیتوب په لټه کې دي؛ ښځې، نجونې او زاړه د ځانګړې پاملرنې حق لري.
پاکستانيو چارواکو پر وار وار ویلي، چې له پاکستانه د ناقانونه کډوالو د ایستلو پلان به عملي کوي او په دې برخه کې به له ټولو سره یو شان چلند کېږي؛ خو اندېښنه دا ده، چې شړل شوي افغانان به څنګه له اسانتیاوو پرته په افغانستان کې ژوند وکړي.
د کډوالو او راستنېدونکیو چارو وزارت د څرګندونو له مخې، د تېرې شنبې پر ورځ له ایران او پاکستان څخه شپږزره افغان کډوال پر زور را شړل شوي دي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
تازه خبرونه
جاپان د لویدیځو هېوادونو پر مستقیمو اړیکو خپل ټینګار څرګند کړ
په افغانستان کې د جاپان سفیر تاکایوشي کورما د اسلامي امارت د ریاست الوزراء له سیاسي مرستیال مولوي عبدالکبیر سره په لیدنه کې ویلي، چې په افغانستان کې د لویدیځو هېوادونو د ډیپلوماټیک حضور نشتوالی د دې لامل شوی، چې دوی په افغانستان کې له مثبتو پرمختګونو بې خبره پاتې شي او پر وینا یې دا مناسبه ده، چې نړیواله ټولنه مستقیماً له اسلامي امارت سره اړیکې ولري.
تاکایوشي کورما زیاته کړې، چې جاپان له افغانانو سره د طبیعي پېښو د مخنیوي، پر نشهیي توکو د روږدو کسانو د درملنې او د افغان کروندګرو لپاره د بدیل کښت په برخو کې همکارۍ ته ژمن دی.
دغه راز مولوي عبدالکبیر په دې لیدنه کې ویلي؛ د ولسونو د ملاتړ له کبله اسلامي امارت بریالی شوی، چې ملي سوله رامنځته، سترې پروژې پیل او ګڼ نور اصلاحات رامنځته کړي.
ویل کیږي، چې اسلامي امارت د خلکو د اقتصادي ستونزو د اواري هڅه کوي او له نړۍ سره مثبت تعامل او پراخې اړیکې غواړي.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري3 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د یوناما استازې د ایران له بهرنیو چارو وزیر سره وکتل
-
لوبی1 day ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه1 day ago
په ننګرهار کې د ناکامورا کانال پروژه بشپړه شوه