تازه خبرونه
اسلامي امارت د نشهیي توکو د صنعتي تولید په اړه د ایراني چارواکو خبرې رد کړې
د ایران د نشهیي توکو پروړاندې د مبارزې عالي مرکز مسوولینو ويلي؛ په افغانستان کې د نشهیي توکو د صنعتي تولید زیاتوالي د ګاونډ هېوادونو په ګډون د نړۍ او ایران لپاره جدي ګواښ رامنځته کړی دی.
د ایران د نشهيي توکو پر وړاندې د مبارزې عالي مرکز مشر سکندر مومني وايي؛ په افغانستان کې اوس هم د نشهيي توکو صنعتي پروسس روان دی.
سکندر مومني په مشهد کې یوې غونډې ته ویلي، چې په افغانستان کې د کوکنارو د تولید او کښت د کمښت په اړه شواهد نهشته.
د ایران د نشهيي توکو پر وړاندې د مبارزې عالي مرکز رییس سکندر مومني وایي: مونږ د هرې هغې هڅې هرکلی کوو، چې په افغانستان کې د نشهیي توکو د کښت د کمیدو لامل کیږي؛ خو شواهد ښیي، چې په دې هېواد کې د نشه یي توکو د تولید کموالی نهشته. ان پروسس يي د صنعتي کیدو پر لوري روان دی؛ تولید یې ډېر شوی او دا د ټولو هېوادونو لپاره جدي خطر دی.
د اسلامي امارت مسوولین په هېواد کې د نشهيي توکو له کښت، قاچاق، پروسس او تولید سره له ټینګې مبارزې خبر ورکوي او د هېواد له ټولو ګاونډ هېوادونو څخه غوښتنه کوي، چې په دې برخه کې له افغانستان سره همکاري و کړي.
د اسلامي امارت ویاند ويلي، چې د نشهيي توکو کښت يي په هېواد کې صفر ته رسولی او هڅه کوي، چې د پروسس او قاچاق چاري هم صفر ته و روسوي.
د اسلامي امارت ویاند ذبیح الله مجاهد وایي: د افغانستان اسلامي امارت لهخوا د نشهيي توکو کښت تقریباً صفر ته رسیدلی او د قاچاق او تولید د مخنیوي په اړه يي هم جدي هڅې رواني دي او په دې برخه کې باید ګاونډ هېوادونه همکار شي.
د نظامي چارو کار پوهانو هم د ایراني چارواکو هغه څرګندوني له حقیقته لرې بولي، چې په افغانستان کې د صنعتي نشهيي توکو د پروسس په اړه یې کړې دي.
د نظامي چارو کارپوه زلمي افغانیار پوپل ویلي؛ ایران تل غواړي، چې په یو نه یو ډول خپل فشارونه وارد کړي. په داسې حال کې، چې اسلامي امارت يي له کښت سره جدي مبارزه پیل کړې.
په هېواد کې یو شمېر بزګر هم د نشهیي توکو د کښت پر بندېدو خوښ دي او وايي، چې د اسلامي امارت لهخوا د نشهيي توکو د کښتونو لړۍ بنده شوې او پر بدیل کښتونو پخپله بوخت دي.
افغان بزګر خلیل الرحمان وایي: مونږ په تېر کې د کوکنارو کښت کوه؛ خو اوس د اسلامي امارت له راتلوسره مو د کوکنارو کښت پرځای د رومیانو کښت پیل کړی دی.
افغان بزګر عبد الرازق نومي ویلي: مونږ اوس د بینډیو( لیړو) پر کښت بوخت یوو؛ قیمتونه يي هم ښه دي. پخوا به مو د کوکنارو کښت کاوه؛ خو اوس بند دي.
افغانستان پخپله یو له هغو هېوادونو دی، چې ډيري ځوانان يي پر نشهيي توکو روږدي دي.
له درملنې وروسته یو روږدي ځوان حبیب الله نومي ویلي؛ تېرو اتلس کلونو کې، چې پر نشهيي توکو روږدی وم، پر ژوند کولو نه پوهېدم. اوس ایله له ژوند خوند اخلم. دا په ټولنه کې یوه ډېره منفي پدیده ده. په هېواد کې د اسلامي امارت له بیا واکمنۍ سره سم د نشهيي توکو د کښت، قاچاق او پروسس د بندېدو ترڅنګ د هغو روږدو ځوانانو د ټولولو او درملنې لړۍ پیل شوه، چې پر سرکونو او پلونولاندې به يي نشې کولي. اوس يي ټول روغتیايي مرکزونوته انتقال کړي، چې منظم درملنه یې روانه ده او روغتیایي چارې هم ورته ساده کیږي.
تازه خبرونه
د اسلامي امارت مالیې وزیر د ایران د مازندران له کرنیزو او تولیدي مرکزونو لیدنه وکړه
د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بستهبندۍ مرکزونو لیدنه کړې ده.
د اسلامي امارت مالیې وزیر محمد ناصر آخوند ایران ته د خپل سفر په لړ کې مازندران ته تللی او د دې ولایت له سیمهییزو چارواکو سره یې د کرنې، سوداګرۍ او تخنیکي همکاریو په اړه خبرې کړې دي.
د مالیې وزارت په خبرپاڼه کې راغلي، محمد ناصر آخوند په مازندران کې له ځايي کارخونو، د کبانو له روزنتونونو او د تازه مېوو له بستهبندۍ مرکزونو لیدنه کړې ده.
د دغه وزارت د څرګندونو له مخې؛ د مازندران چارواکو د کرنې، سوداګرۍ او نورو اړوند برخو کې له افغانستان سره د مسلکي او تخنیکي همکاریو ډاډ ورکړی دی.
مازندران د ایران په شمال کې د کسپین بحیرې ترڅنګ موقعیت لري او د دغه هېواد له حاصلخیزو ولایتونو څخه دی.
د سیمهییزو چارواکو د معلوماتو له مخې، دغه ولایت پراخ لیمو او مالټې بڼونه او د کبانو ګڼ روزنتونونه لري، چې د ایران په اقتصاد کې مهم رول لري.
تازه خبرونه
د افغانستان ثبات د ټولې سیمې پر ګټه دی – سویس
دغه څرګندونې د افغانستان د بدلونونو او د هغو د سیمهییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.
په پاکستان کې د سویس سفارت ویلي، د افغانستان ثبات د ټولې سیمې پر ګټه دی او د دې موخې د ترلاسه کولو لپاره د نړیوالې ټولنې پرلهپسې تعامل، د شریکانو ترمنځ نږدې همغږي او له سیمهییزو هېوادونو سره د خبرو دوام اړین دی.
دغه څرګندونې د افغانستان د بدلونونو او د هغو د سیمهییزو اغېزو په اړه د یوې غونډې پر مهال د سویس د سفیر او د افغانستان لپاره د بریټانیا د ځانګړي استازي او په پاکستان کې د ناروې د سفیر له لیدنې وروسته مطرح شوې دي.
په دې کتنه کې د افغانستان پر وروستیو بدلونونو او پر سیمهییزو اغېزو خبرې شوې دي.
تازه خبرونه
د خپلې واکمنۍ د ساتلو لپاره به مسلمانانو ته د جګړې اجازه ورنهکړم – د اسلامي امارت رهبر
نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.
د اسلامي امارت رهبر شیخ هبةالله آخوندزاده په کابل پوهنتون کې د فرمانونو د اغېزو د څېړلو په اړه د علمي ـ څېړنیز کنفرانس ګډونوالو ته ویلي، د خپلې واکمنۍ د ساتلو لپاره به مسلمانانو ته د جګړې اجازه ورنهکړم.
نوموړي د مسلمانانو پر یووالي او پیوستون ټینګار کړی او څرګندوي، چې مؤمنان باید یو وجود وي او د یو بل ملاتړ وکړي.
آخوندزاده زیاته کړې؛ د فتنې د مخنیوي او د هغې د لارو د بندولو لپاره یې د اسلامي امارت مشري منلې او چمتو دی، چې د مسلمانانو د خوندي پاتې کېدا لپاره خپل ژوند قربان کړي.
نوموړي د دیني عالمانو پر رول هم ټینګار کړی او وایي؛ عالمان باید خلکو ته دین ورسوي، عامه افکار جوړ کړي او خلک د اسلامي امارت له تعریف او ماهیت سره بلد کړي.
هغه ویلي، د اسلامي امارت سیاست پر قرآن کریم او شریعت ولاړ دی او د امیر درناوی د رعیت درناوی دی.
همدارنګه آخوندزاده ویلي، د قصاص او شرعي حدودو فیصلې د ده له تنفیذي امر پرته نه تطبیقېږي او د اسلامي امارت له شتون پرته د شریعت پلي کول ناشوني دي.
په همدې کنفرانس کې د هېواد له بېلابېلو سیمو څخه راغلو یو شمېر جیدو دیني عالمانو هبتالله آخوندزاده ته د«شیخالاسلام» لقب ورکړ.
-
لوبی3 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه3 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی1 day agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی3 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی2 days agoارمان افسي استقلال کابل ته پنځه پر صفر ماتې ورکړه
-
تازه خبرونه3 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
تازه خبرونه3 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
لوبی2 days agoپه آی ال ټي ۲۰ سیالیو کې ۲۵ افغان لوبغاړو قراردادونه ترلاسه کړل
