د سې شنبې پر ورځ په دوبۍ کې د ۲۰۲۴ کال دهند غوره لیګ د کلنۍ داوطلبۍ مراسمو ته د افغانستان د ۱۰ لوبغاړو په ګډون ۳۳۳ لوبغاړو نوملیکنه کړې ده.

د سږکال نوملړ د ځوانو او تجربه لرونکو استعدادونو ترکیب ښیي او د لوبډلو مالکینو ته بېلابېل غوراوي په واک کې ورکوي.

د سږ کال تر ټولو زوړ لوبغاړی د افغانستان کرکت وتلی لوبغاړی محمد نبي دی، چې په ۳۹ کلنۍ کې هرې لوبډلې ته د ډېرې تجربې زیری وړاندې کوي.

نور څلور کسان هر یو ډیویډ ویز (عمر: ۳۸) – نمیبیا، بین کیټینګ (عمر: ۳۷) – آسترالیا؛ جلجا سکسنا (عمر: ۳۷) – هند؛ او تنمي میشرا (عمر: ۳۷) – هند/کینیا.

د سویلي آفریقا له ۱۷ کلنې کووینا مافاکا څخه نیولې د افغانستان تر تجربه لرونکي ۳۹ کلن نبي پورې، دا رضاکار په هره شېبه کې د خوښۍ زیری وړاندې کوي.

د افغانستان پخوانی لوبډلمشر نبي په ۲۰۲۱ کال کې د هند غوره لیګ سیالیو کې یوازې درې لوبې کړې وې. دغه لوبغاړی، چې په دې وروستیو کې د ۲۰۲۳ پنځوس اوریز نړیوال جام کې د افغانستان په استازیتوب لیدل شوی و؛ خپله لومړنۍ بیه یو اعشاریه پېنځه میلیون هندي روپۍ ۱۸۰۰۰۰ ډالر) ټاکلي دی.

تېر کال د نبي بیه ۱ کروړه هندي روپۍ وه؛ خو له پلورلو پاتې شوه. په هرصورت په ورته داوطلبۍ کې، د انګلستان سام کورن د پنجاب کینګز لخوا په ۱۸ اعشاریه ۵۰ کروړه روپیو ( ۳ اعشاریه ۲۶ میلیون ډالرو) اخیستل شوی و.

یوازې ۱۸ کلن الله محمد غضنفر د کرکت یو بل افغان لوبغاړی دی، چې په دې داوطلبۍ کې یې نوملیکنه کړې ده. غضنفر له څه وخت راپدیخوا په دوبۍ کې د افغانستان د ۱۹ کلنو لوبډلې لپاره د پاکستان د ۱۹ کلنو خلاف لوبه وکړه. د دې پیل قیمت ۲۰ لکه هندي روپۍ دی.

نور افغان لوبغاړي او د هغوی لومړني قیمتونه په لاندې ډول دي:

عظمت الله عمرزی ۵۰ لکه هندي کلدارې

مجیب الرحمن ۲۰۰ میلیون هندي کلدارې

محمد وقار سلام خېل ۵۰ لکه هندي کلدارې

ابراهیم ځدراڼ ۵۰ لکه هندي کلدارې

نجیب الله ځدراڼ ۵۰ لکه هندي کلدارې

قیس احمد ۵۰ لکه هندي کلدارې

فرید احمد ۵۰ لکه هندي کلدارې

اظهار الحق نوید ۵۰ لکه هندي کلدارې