سوداگري
افغانستان ته د ایراني بار وړونکیو موټرو د ننوتلو بندیز لرې شو
د افغان او ایراني چارواکو په دوه اړخیزه ناسته کې هوکړه شوې، چې سمدستي دې هرات ته د ایراني بار وړونکيو موټرو پر ننوتلو ۲۰ ورځنی بندیز لرې شي.
ایراني رسنیو د خراسان ولایت د ټرانسپورټ د مدیر رضوي له قوله لیکلي، چې د دغه بندیز په اړه د افغانستان او ایران په پوله کې د افغانستان او ایران د استازو ترمنځ په ګډه غونډه کې هوکړه شوې ده.
په راپور کې راغلي، چې دواړو لوریو دا هوکړه هم کړې، چې د دوغارون ـ اسلامکلا پوله به د سهار له اووه بجو څخه د شپې تر ۱۱ بجو خلاصه وي.
د افغانستان د بهرنیو چارو وزارت چارسمبالي له دې مخکې ویلي وه، چې د دواړو هېوادونو ترمنځ د سوداګریزو اړیکو د پراختیا لپاره زمینه برابره شوې او ایراني پانګوال کولی شي په افغانستان کې پانګونه وکړي.
د اقتصادي چاروکارپوه عبدالنصیر رشتیا ويلي؛ د افغانستان او ایران تر منځ د ترانزیتي او سوداګریزو محدودیتونو لرې کول کولی شي د سوداګرۍ د پراختیا او د کار د لازیاتې اسانتیا لامل شي.
دا په داسې حال کې ده، چې په دې وروستیو کې د کابل او تهران ترمنځ د سیاسي او سوداګریزو اړیکو د پراخولو هڅې روانې دي او ایران په سیمه کې د افغانستان تر ټولو لوی اقتصادي شریک یادیږي.
سوداگري
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره
د احصائې او معلوماتو ملي ادارې د چارشنبې پر ورځ ( د غویي شپږویشتمه ) ویلي، چې تېر کال د صادراتو ارزښت ۱ میلیارډ ۷۷۷ میلیون او ۹۰۰ زره ډالرو او د وارداتو ارزښت ۸ میلیارډ او ۵۷۶ میلیون او ۳۰۰ زره ډالرو ته رسېدلی دی.
د دغه رياست د څرګندونو له مخې؛ تېر کال د هېواد په صادراتي توکو کې مېوو له ټولو ډېره ونډه درلوده او د صادراتو ارزښت يې ٦٤٥ ميليون او ٥٠٠ زره امريکايي ډالرو ته رسېده.
دغه راز د درملو بوټي، کاني او منرالي توکي او سابه دوهیم، درېیم او څلورم ځای لري.
تېر کال د هېواد په وارداتي توکو کې نفتي توکي او لبنيات له ټولو ډېره ونډه لرله، چې ټوليز ارزښت يې يو ميليارډ او ٣٧٧ میلیون او ٩٠٠ زره امريکايي ډالرو ته رسېده او په همدې توګه د ماشينرۍ، ټرانسپورټي وسايطو او پرزو يو ميليارډ او ١٥ ميليون او ۹۰۰ زره ډالر ته رسېده او په دوهیم ځای کې د ټوکر، فلزاتو او فلزي محصولات په درېیم او څلورم ځای کې دي.
سوداگري
د سوداګرۍ او صنایعو وزارت چارسمبالی د روسیې تاتارستان ته ولاړ
د صنايعو او سوداګرۍ وزارت چارسمبالی نورالدين عزيزي د یوه پلاوي پر مشرۍ د روسيې او اسلامي نړۍ په پېنځلسمه نړيواله اقتصادي غونډه کې د ګډون لپاره د تاتارستان جمهوريت ته ولاړ.
د صنایعو او سوداګرۍ وزارت څرګنده کړې: د دې وزارت چارسمبالی نورالدین عزیزي د تاتارستان د ولسمشر رستم مینی خانوف پر بلنه د اسلامي امارت د یوه لوړ پوړي پلاوي پر مشرۍ تاتارستان ته سفر وکړ.
ټاکل شوې د روسيې او اسلامي نړۍ پېنځلسمه نړيواله اقتصادي غونډه د روان کال د مې له څوارلسمې څخه تر نولسمې پورې د تاتارستان په پلازمېنه کازان کې جوړه شي.
د انادولي آژانس د څرګندونو له مخې؛ د کازان فورم موخه دا ده، چې په روسیه او ټوله نړۍ کې د اسلامي مالي موسسو پراختیا ته وده ورکړي او پر ګډو نړیوالو پروژو او پروګرامونو راوڅرخیږي.
تمه ده، چې په دې غونډه کې د متحده عربي اماراتو، بحرین، مالیزیا، ترکیې، ایران، لیبیا او د اسلامي همکاریو ټولنې د نورو غړیو هېوادونو د استازو په ګډون له ۸۰ ډېر هېوادونه ګډون وکړي.
سوداگري
افغانستان په سیمه کې پر یو مهم صنعتي مرکز بدلېدلی شي – عبدالسلام حنفي
د ریاست الوزراء اداري مرستیال ويلي؛ افغانستان د صنعتي تولید لپاره د اړینو توکو لرونکی هېواد دی او کولی شي، چې په سیمه کې یو مهم صنعتي مرکز شي.
عبدالسلام حنفي د صنعت اوونۍ په مناسبت د ملي او نړیوال نندارتون د پرانیستې په مراسمو کې ویلي، چې د صنعتي وده نورو اقتصادي سکټورونو د ودې او پراختیا زمینه برابروي او اسلامي امارت د هېواد له صنعت او کورنیو تولیداتو بشپړ ملاتړ کوي.
نوموړي زیاته کړې: افغانستان د صنعتي تولید لپاره اړین او بډایه فاکتورونه لري، چې په سیمه کې پر یو مهم صنعتي مرکز بدلېدلی شي. د صنعت وده به د نورو اقتصادي سکټورونو په ځانګړي توګه د کرنې د ودې زمینه برابره کړي.
په دې مراسمو کې د صنایعو او سوداګرۍ وزارت چارسمبالی ویلي؛ اسلامي امارت د صنعت د ودې او د خصوصي سکتور د ملاتړ په برخه کې داسې پروګرامونه لري، چې افغانستان به پر ځانبسیا کړي.
د صنایعو او سوداګرۍ وزارت چارسمبالی نورالدین عزیزي وایي، چې اوسمهال د افغانستان صنعت د پرمختګ په حال کې دی او د صادراتي توکو کیفیت هم لوړ شوی دی.
یو شمېر پانګوالو هم په دې مراسمو کې ویلي، چې د اسلامي امارت له راتګ وروسته د هېواد صادرات زیات شوي او د تولیدي شرکتونو شمېر هم ډېر شوی دی.
دغه نندارتون د اووه ورځو لپاره د لیدونکیو پر مخ پرانيستی دی او په ٤٥٠ غرفو کې صنعتي توليدات نندارې ته ايښودل شوي، چې سوداګرو ښځو هم په کې ګډون کړی دی.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه3 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري3 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د یوناما استازې د ایران له بهرنیو چارو وزیر سره وکتل
-
لوبی1 day ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه21 hours ago
په ننګرهار کې د ناکامورا کانال پروژه بشپړه شوه