لوبی
افغانستان د هندوستان پر وړاندې د درې نړیوالو شل اوریزو سیالیو د لوبډلې نوملړ اعلان کړ
د افغانستان کرکټ بورډ غوراوي کمیټې نن د هندوستان پر وړاندې راتلونکیو درې نړیوالو شل اوریزو سیالیو ته د ملي لوبډلې د پیاوړي لوبغاړي ابراهیم ځدراڼ په لوبډلمشرۍ کې خپله لوبډله وټاکله.
د افغانستان کرکټ بورډ څرګنده کړې، چې په هندوستان کې به افغان ملي لوبډله له هند سره د نړیوالو شل اوریزو سیالیو د لومړنۍ دوه اړخیزې لوبلړۍ لومړۍ لوبه د روانې جنوري میاشتې پر یوولسمه (راتلونکې پنجشنبې پر ورځ) پیل او له مهالوېش سره سم به دوهیمه لوبه د جنورۍ پر څوارلسمه او درېیمه لوبه پر اووه لسمه نېټه ترسره کړي.
د غوراوي کمیټې د مسوولینو د څرګندونو له مخې؛ یادو لوبو ته یې د لومړي ځل لپاره ۱۹ لوبغاړي ټاکلي او موخه ترې نړیوال جام سیالیو ته د غوره لوبغاړو ټاکل دي.
د ابراهیم ځدراڼ تر لوبډلمشرۍ لاندې د لوبډلې نوملړ:
لوبډلمشر ابراهیم ځدراڼ، رحمن الله ګربز (ویکټ ساتونکی)، حضرت الله ځاځی، اکرام علیخېل (ویکټ ساتونکی)، رحمت شاه زرمتی، محمد نبي، نجیب الله ځدراڼ، کریم جنت، عظمت الله عمرزی، شرف الدین اشرف، مجیب الرحمن، فضل الحق فاروقي، فرید احمد ملک، نوین الحق، نوراحمد لکڼوال، قیس احمد، سلیم ساپی، ګلبدین نایب او راشدخان.
کرکټ بورډ زیاته کړې: که څه هم راشدخان د لوبډلې په نوملړ کې شتون لري؛ خو دا، چې په دې وروستیو کې یې عملیات شوی، شاید د کومې لوبې لپاره د سیالۍ ډګر ته ونه دانګي.
دا، چې افغان کرکټ ملي لوبډله په لومړي ځل له هندوستان سره د نړیوالو شل اوریزو سیالیو لوبلړۍ کوي؛ نو په اړه یې د افغانستان کرکټ بورډ عمومي مشر میرویس اشرف وایي: مونږ خوشاله یوو، چې د لومړي ځل لپاره افغان اتلان د دوه اړخیزې لوبلړۍ لپاره هند ته سفر کوي. له شک پرته، چې هند د کرکټ په نړۍ کې یو لوی نوم دی او افغان اتلان اوس هغه حد ته رسېدلي، چې له پیاوړو لوبډلو سره سیالي وکړي او د تل په څېر د خپلې پیاوړتیا ثبوت نندارې ته وړاندې کړې.
افغان او هند لوبډلې به لومړۍ لوبه د هند په موهالي، دوهیمه په انډور او درېیمه هغه د هند په بنګلور لوبغالو کې ترسره کړي.
د یادولو وړ ده، چې دا سیالۍ د آریانا تلویزیون څخه په ژوندۍ بڼه خپریږي.
لوبی
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
د افغانستان فوټبال اتلانو لیګ اووهدېرشمه لوبه د چارشنبې پر ورځ ( د غویی نولسمه ) د ابو مسلم فراه او عدالت فراه لوبډلو ترمنځ مساوي پای ته ورسېده.
په دې لوبه کې یوه لوبډله پر ګول وهنه بریالۍ نشوه.
له بلې خوا د نن ورځې په دوهیمه یا اتهدېرشمه لوبه کې میوند فوټبال لوبډلې د جوانان واحدي ته ۲ د صفر پر توپیر ماتې ورکړه.
د دغو لوبو په لړ کې به د پنجشنبې پر ورځ ( د غویی شلمه) موج ساحل او خدیم سرپل به د کابل پر وخت یوه بجه او اټک انرژي به له استقلال کابل له لوبډلې سره ۳:۳۰ بجې ولبیږي.
دا سیالۍ له آریانا ټلویزیون څخه پر ژوندۍ بڼه خپرې شي.
لوبی
اټک انرژی جوانان واحدي لوبډله او عینو مېنې خدیم ماټ کړل
د دوشنبې پر ورځ د افغانستان اتلانو لیګ په درېدېرشمه لوبه کې اټک انرژي جوانان واحدي ته ۷- ۰ او په څلوردېشمه لوبه کې عینو مېنې خدیم افسي ۳ پر ۱ مات کړل.
د جوانان پر وړاندې د اټک عبدالصبور رحیمي (۲)، یارمحمد ذاکرخېل (۲)، اکپو افنجا ګوډون (۱) او جواد الکوزي (۱) ګولونه ووهل. د دوی لومړی ګول عصمت الله غیاشي پخپله هڅه وواهه.
دغه راز د عینو مېنې لپاره احمد نبي مقصود (۲) او خلیل احمد بادشاه (۱) ګولونه ووهل او خدیم ته یې ۳- ۱ ماتې ورکړه.
د خادیم لوبډلې لخوا یوازنی ګول مجیب الله کریمي وواهه.
د سې شنبې په سیالیو کې خراسان فاریاب له استقلال کابل سره او سرسبز یاشلر له سورخ پوشان خوافي سره لوبه کوي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
د یکشنبې پر ورځ په کابل کې د افغانستان اتلانولیګ په درېیم پړه کې د ابو مسلم فراه لوبډلې میوند ته ۹ پر ۱ ماتې ورکړه او محمد سهراب افغان پېنځه ګولونه ورکړل.
د ابو مسلم څلور نور ګولونه معین کمالي، عبیدالله عمري، رؤف عظیمي او نجیب الله هاشمي ووهل.
دا د دې سیالیو په لړ کې تر اوسه د یوې لوبډلې لخوا تر ټولو ډېر ګولونه دي.
میوند لوبډلې خپل یوازنی ګول د لوبې له پای ته رسېدو لږ مخکې د سید جاوید حسني پر مټ وواهه.
د همدې ورځې په بله لوبه کې عدالت فراه ۳ د صفر پر توپیر موجل ساحل ته ماتې ورکړه. عبدالعلي واحدي دوه او فرهاد کریمي یو ګول ترسره کړ.
د افغانستان تلانو لیګ د دوشنبې ورځې په سیالیو کې به اټک انرژی لوبډله د جوانان واحدي له لوبډلې سره د غرمې پر ۱:۰۰ او عینو مېنه به ۳:۳۰ له خدیم لوبډلې سره ولوبیږي.
دا سیالۍ له آریانا تلویزیون څخه پر ژوندۍ بڼه خپریږي.
-
تازه خبرونه4 days ago
د پاکستان خاوره د افغانستان پر ضد کارول کیږي
-
نړۍ4 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه4 days ago
د سې شنبې پر ورځ خراسان او سرخ پوشان لوبډلو لوبه وګټله
-
سوداگري2 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
تازه خبرونه4 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
لوبی3 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه3 days ago
په بدخشان ولایت کې ماین چاودنې ۸ کسانو ته مرګ او ژوبله اړولې
-
لوبی4 days ago
اټک انرژی جوانان واحدي لوبډله او عینو مېنې خدیم ماټ کړل