سوداگري
په قزاقستان او ازبکستان کې میشتو افغان سوداګرو راستنېدا ته چمتووالی څرګند کړ
د صنایعو او سوداګرۍ وزارت په ایکس پاڼه کې لیکلي، چې د چارشنبې پر ورځ ( د سلواغې یوولسمه) د د دې وزارت چارسمبالي نورالدین عزیزي له ملي سوداګر انجنیر عزیزالله روزي او مل پلاوي سره په کتنه کې د هغو شرکتونو نوملړ ترلاسه کړ، چې په قزاقستان او ازبکستان کې میشت دي؛ بېرته ستنېدا ته لیواله او افغانستان ته د خپلې پانګې د لېږدولو غوښتنه کوي.
په دې کتنه کې د سوداګرۍ او صنایعو وزارت چارسمبالي پر ورورولۍ او یووالي د ټینګار ترڅنګ ویلي: هېواد د ټولو قومونو ملکیت دی او که په ګډه حرکت ونهکړو؛ کار به ونهشي او ټول باید د هوساینې او د هېواد پرمختګ ته په ګډه کار وکړو.
په دې کتنه کې انجنير عزيزالله روزي د هېواد د سوداګرو پر استازيتوب، چې په قزاقستان او ازبکستان کې ميشت دي خبرې وکړې او د دې وزارت له مشرتابه سره يې د ٣٣ شرکتونو نوملړ شريک کړ او څرګندوي: د يادو شرکتونو مسوولين غواړي هېواد ته راستانه شي او خپله پانګه هم افغانستان ته راولېږدوي.
نورالدین عزیزي د دوی له هڅو د ستاینې تر څنګ ویلي: افغانستان د کانونو پر لرلو یو پانګوال هېواد دی، چې یوازې مدیریت ته اړتیا لري.
ویل کیږي، چې د افغانستان اسلامي امارت هېواد ته د خپلو هېوادوالو له راستنېدو هرکلی کوي او د صنعت او سوداګرۍ وزارت په ځانګړي توګه د خصوصي سکتور په خدمت کې دی او ترې هراړخیز ملاتړ کوي.
سوداگري
د صنایعو او سوداګرۍ وزارت چارسمبالي د تاتارستان له ولسمر سره وکتل
د صنایعو او سوداګرۍ وزارت چارسمبالي نورالدین عزیزي په کازان ښار کې د «روسیه – اسلامي نړۍ» د پېنځلسمې نړیوالې اقتصادي ناستې په څنډه کې د تاتارستان له ولسمشر رستم مینی خانوف، د روسیې فډراسیون له مرستیال دیمیتري ولواچ او د تاتارستان د صنایعو او سوداګرۍ وزیر اولیګ کوروبچینکو سره بحث او خبرې وکړې.
د صنایعو او سوداګرۍ وزارت د چارشنبې پر ورځ د غویی شپږویشتمه په ایکس پاڼه کې له دې غونډې خبر ورکړی دی.
د خبرپاڼې له مخې؛ په دې کتنه کې دواړو لوریو پر دوه اړخیزو سوداګریزو مسایلو، په افغانستان کې د روسیې سوداګرۍ خونې جوړېدو، کابل ته د تاتارستان د ولسمشر سفر، د برښنا تولید، د اوبو لېږد، کانونو، فرهنګي او اقتصادي همکاریو، د عملي ګامونو ، دې هېواد ته د روسيې د صادراتي توکو لېږد او جنوبي آسيا ته د ولګا ټرانزيټي لارې خبرې اترې وکړې.
سوداگري
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره
د احصائې او معلوماتو ملي ادارې د چارشنبې پر ورځ ( د غویي شپږویشتمه ) ویلي، چې تېر کال د صادراتو ارزښت ۱ میلیارډ ۷۷۷ میلیون او ۹۰۰ زره ډالرو او د وارداتو ارزښت ۸ میلیارډ او ۵۷۶ میلیون او ۳۰۰ زره ډالرو ته رسېدلی دی.
د دغه رياست د څرګندونو له مخې؛ تېر کال د هېواد په صادراتي توکو کې مېوو له ټولو ډېره ونډه درلوده او د صادراتو ارزښت يې ٦٤٥ ميليون او ٥٠٠ زره امريکايي ډالرو ته رسېده.
دغه راز د درملو بوټي، کاني او منرالي توکي او سابه دوهیم، درېیم او څلورم ځای لري.
تېر کال د هېواد په وارداتي توکو کې نفتي توکي او لبنيات له ټولو ډېره ونډه لرله، چې ټوليز ارزښت يې يو ميليارډ او ٣٧٧ میلیون او ٩٠٠ زره امريکايي ډالرو ته رسېده او په همدې توګه د ماشينرۍ، ټرانسپورټي وسايطو او پرزو يو ميليارډ او ١٥ ميليون او ۹۰۰ زره ډالر ته رسېده او په دوهیم ځای کې د ټوکر، فلزاتو او فلزي محصولات په درېیم او څلورم ځای کې دي.
سوداگري
د سوداګرۍ او صنایعو وزارت چارسمبالی د روسیې تاتارستان ته ولاړ
د صنايعو او سوداګرۍ وزارت چارسمبالی نورالدين عزيزي د یوه پلاوي پر مشرۍ د روسيې او اسلامي نړۍ په پېنځلسمه نړيواله اقتصادي غونډه کې د ګډون لپاره د تاتارستان جمهوريت ته ولاړ.
د صنایعو او سوداګرۍ وزارت څرګنده کړې: د دې وزارت چارسمبالی نورالدین عزیزي د تاتارستان د ولسمشر رستم مینی خانوف پر بلنه د اسلامي امارت د یوه لوړ پوړي پلاوي پر مشرۍ تاتارستان ته سفر وکړ.
ټاکل شوې د روسيې او اسلامي نړۍ پېنځلسمه نړيواله اقتصادي غونډه د روان کال د مې له څوارلسمې څخه تر نولسمې پورې د تاتارستان په پلازمېنه کازان کې جوړه شي.
د انادولي آژانس د څرګندونو له مخې؛ د کازان فورم موخه دا ده، چې په روسیه او ټوله نړۍ کې د اسلامي مالي موسسو پراختیا ته وده ورکړي او پر ګډو نړیوالو پروژو او پروګرامونو راوڅرخیږي.
تمه ده، چې په دې غونډه کې د متحده عربي اماراتو، بحرین، مالیزیا، ترکیې، ایران، لیبیا او د اسلامي همکاریو ټولنې د نورو غړیو هېوادونو د استازو په ګډون له ۸۰ ډېر هېوادونه ګډون وکړي.
-
تازه خبرونه5 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
لوبی3 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه3 days ago
د یوناما استازې د ایران له بهرنیو چارو وزیر سره وکتل
-
سوداگري5 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه2 days ago
په ننګرهار کې د ناکامورا کانال پروژه بشپړه شوه