لوبی
د سریلانکا پر وړاندې شل اوریزو نړیوالو لوبو ته د افغان لوبغاړو نوملړ اعلان شو
د افغانستان کرکټ بورډ د سریلانکا پر وړاندې د درې شل اوریزو نړیوالو سیالیو لپاره، چې ټاکل شوې د راتلونکې اوونۍ د شنبې پر ورځ پیل شي؛ د هېواد د لوبغاړو نوملړ اعلان کړ.
لومړۍ لوبه به د سلواغې پر اتهویشتمه / د فبرورۍ پر اووهلسمه؛ دوهیمه د سلواغې پر۳۰ / د فبرورۍ پر نولسمه او درېیمه هغه د کب پر دوهیمه / د فبرورۍ پر یوویشتمه ترسره شي.
راشد خان اوس هم د ملا د جراحي له کبله تر څارنې لاندې دی او پر ځای به یې ابراهیم ځدراڼ لوبډلمشر وي.
په ياد شوي نوملړ کې ابراهيم ځدراڼ (لوبډلمشر)، رحمان الله ګربز (ويکټ کيپر)، محمد اسحاق رحيمي (ويکټ کيپر)، حضرت الله ځاځی، ګلبدين نايب، محمد نبي، نجيب ځدراڼ، عظمت الله عمرزی، کريم جنت، شرف الدين اشرف، فضل الحق فاروقي، فرید احمد، نوین الحق، نور احمد، وفادار مومند او قیس احمد شامل دي.
د افغانستان کرکټ بورډ د غوراوي کمیټې مشر احمدشاه سلیمانخېل وايي؛ د دغو سیالیو اهمیت ته پر پاملرنه زمونږ یوه موخه دا هم ده، چې ځوانو لوبغاړو ته د سږني ۲۰ اوریز نړیوال جام لپاره د ښې لوبې فرصت برابر او تجربه لرونکي لوبغاړو ترڅنګ ځوانان هم په پام کې ونیسو او وروزو
د افغانستان کرکټ بورډ اجرائیوي رییس نصیب خان هم ویلي؛ تل مو ټینګار کړی، چې ټولو بڼو ته باید پياوړي لوبغاړي په پام کې ونیول شي. دغه راز لوبډلو ته د ځوانانو ورتګ هم زمونږ له مسوولیتونو ګڼل کیږي او تر دې دمه دغه چاره ښه روانه ده او دغه راز پر ملاتړې لوبډلې غور کوو، چې باید هیڅکله دغه کار له پامه ونه غورځول شي.
ټاکل شوې د افغانستان ملي لوبډله د ۲۰ اوریزو سیالیو د لړۍ تر پیل مخکې د سې شنبې پر ورځ درېیمه او وروستۍ یوه ورځنۍ نړیواله لوبه وکړي.
سریلانکا د یو ورځني لوبلړ لومړۍ دوه لوبې ګټلې دي.
آریانا نړیوال ټلویزیون دغه سیالۍ پر ژوندۍ بڼه خپروي.
لوبی
اټک انرژی جوانان واحدي لوبډله او عینو مېنې خدیم ماټ کړل
د دوشنبې پر ورځ د افغانستان اتلانو لیګ په درېدېرشمه لوبه کې اټک انرژي جوانان واحدي ته ۷- ۰ او په څلوردېشمه لوبه کې عینو مېنې خدیم افسي ۳ پر ۱ مات کړل.
د جوانان پر وړاندې د اټک عبدالصبور رحیمي (۲)، یارمحمد ذاکرخېل (۲)، اکپو افنجا ګوډون (۱) او جواد الکوزي (۱) ګولونه ووهل. د دوی لومړی ګول عصمت الله غیاشي پخپله هڅه وواهه.
دغه راز د عینو مېنې لپاره احمد نبي مقصود (۲) او خلیل احمد بادشاه (۱) ګولونه ووهل او خدیم ته یې ۳- ۱ ماتې ورکړه.
د خادیم لوبډلې لخوا یوازنی ګول مجیب الله کریمي وواهه.
د سې شنبې په سیالیو کې خراسان فاریاب له استقلال کابل سره او سرسبز یاشلر له سورخ پوشان خوافي سره لوبه کوي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
د یکشنبې پر ورځ په کابل کې د افغانستان اتلانولیګ په درېیم پړه کې د ابو مسلم فراه لوبډلې میوند ته ۹ پر ۱ ماتې ورکړه او محمد سهراب افغان پېنځه ګولونه ورکړل.
د ابو مسلم څلور نور ګولونه معین کمالي، عبیدالله عمري، رؤف عظیمي او نجیب الله هاشمي ووهل.
دا د دې سیالیو په لړ کې تر اوسه د یوې لوبډلې لخوا تر ټولو ډېر ګولونه دي.
میوند لوبډلې خپل یوازنی ګول د لوبې له پای ته رسېدو لږ مخکې د سید جاوید حسني پر مټ وواهه.
د همدې ورځې په بله لوبه کې عدالت فراه ۳ د صفر پر توپیر موجل ساحل ته ماتې ورکړه. عبدالعلي واحدي دوه او فرهاد کریمي یو ګول ترسره کړ.
د افغانستان تلانو لیګ د دوشنبې ورځې په سیالیو کې به اټک انرژی لوبډله د جوانان واحدي له لوبډلې سره د غرمې پر ۱:۰۰ او عینو مېنه به ۳:۳۰ له خدیم لوبډلې سره ولوبیږي.
دا سیالۍ له آریانا تلویزیون څخه پر ژوندۍ بڼه خپریږي.
لوبی
سرخ پوشان خوافي او خدیم د خپلو اړوند سیالیو ګټونکي شول
د چارشنبې پر ورځ په کابل کې د افغانستان اتلانو لیګ په درویشتمه سیالۍ کې سرخ پوشان خوافي د جوانان واحدي لوبډلې ته ۳- ۰ ماتې ورکړه او د همدې ورځې په څلیریشتمه لوبه کې خدیم افسي استقلال کابل ته ۲ د ۱ پر توپیر ماتې ورکړه.
سرخ پوشان خوافي جوانان واحدي ته درې ګولونه ورکړ شول، چې حامد امیري، مسعود آزاداني او فرهاد علیزاده یوـ یو ګول ترسره کړ.
حمید امیري د لوبې غوره لوبغاړی هم اعلان شو.
د نن ورځې په دوهیمه لوبه کې د خدیم افسي لوبډلې لوبغاړي شهزاد سنچارکي دوه ګولونه ووهل.
د استقلال کابل لوبډلې یوازنی ګول حمید غلامي وواهه.
سنچارکي د لوبې غوره لوبغاړی ونومول شو.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري4 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
تازه خبرونه17 hours ago
د پاکستان خاوره د افغانستان پر ضد کارول کیږي
-
لوبی3 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه