سیمه ییز خبرونه
د مخ پر زیاتېدونکې جګړې د پراخېدو د وېرې له کبله پر اسرائیلو برید ودرول شو – ایران
د ایران بهرنیو چارو وزیر عباس عراقچي د چارشنبې پر سهار په ایکس پاڼه کې لیکلي: زمونږ کړنه پایلې ته رسیږي؛ خو که اسرائیلي رژیم د غچ اخیستلو برید ونکړي. په دې حالت کې به زمونږ غبرګون خورا پیاوړی او ځواکمن وي.
ایران د چارشنبې پر سهار ویلي، چې پر اسرائیلو یې توغندیز برید د نورې پارونې د مخنیوي لپاره درولی. په داسې حال کې، چې د رویټرز د راپور له مخې اسرائیلو او امریکا د تهران پر وړاندې د غچ اخیستنې ژمنه کړې ده.
د ایران بهرنیو چارو وزیر عباس عراقچي د چارشنبې پر سهار په ایکس پاڼه کې لیکلي: زمونږ کړنه پایلې ته رسیږي؛ خو که اسرائیلي رژیم د غچ اخیستلو برید ونکړي. په دې حالت کې به زمونږ غبرګون خورا پیاوړی او ځواکمن وي.
واشنګټن ویلي؛ له اسرائیلو سره به خپله همکاري تر هغې روانه ساتي، چې ایران د سې شنبې د ورځې د برید، چې د اسرائیلو د څرګندونو له مخې له ۱۸۰ ډېر بالستیک توغندي پرې توغول شوي؛ له “جدي پایلو” سره مخ شوی نهوي.
د ملګرو ملتونو امنیت شورا د چارشنبې پر ورځ د منځني ختیځ په اړه غونډه کوي او اروپايي ټولنه د بېړني اوربند غوښتنه وکړه.
د ایران دا برید د اسرائیلو پر وړاندې تر ټولو لوی پوځي ګوزار بلل کیږي.
په ټول هېواد کې د خطر زنګ وهل شوی او چاودنو بیت المقدس او د اردن سیند دره ولړزوله؛ ځکه، نو خلکو ته وویل شول، چې د بمونو پناه ځایونو ته ولاړ شي.
د اسرائیلي چارواکو د څرګندونو له مخې؛ په اسرائیلو کې د کوم ځاني زیان راپور ندی ورکړ شوی؛ خو یو سړی په اشغال شوې لویدیځه غاړه کې وژل شوی دی.
ایران دا کړنه دفاعي بولي او یوازې د اسرائیلو پوځي تاسیسات یې هدف ګرځولي دي.
د ایران دولتي خبري سرچینې ويلي، د اسرائیلو درې پوځي اډې یې پر نښه کړې دي.
تهران ویلي، چې دا برید یې په لبنان کې د حزب الله او غزې د مشرانو د وژنې او د اسرائیلو د وسلهوال تېري په ځواب کې کړی دی.
د اسرائیلو لومړي وزیر بنیامین نتنیاهو د ځوابي برید ژمنه کړې ده.
هغه د سې شنبې پر ورځې ناوخته د سیاسي امنیت د کابینې د بېړنۍ غونډې په پیل کې ویلي، ایران نن شپه یوه لویه تېروتنه وکړه او بیه به یې پرې کړي.
د ایران د وسلهوالو ځواکونو ستر درستیز د خبرپاڼې له مخې، چې د دولتي رسنیو لخوا وړاندې شوې ویلي، چې د اسرائیلو هر ډول ځواب به د اسرائیلو بېخبناوې له ویجاړۍ سره مخ کړي.
دغه راز ویل شوي، چې دوی به د هر هغه اسرائیلي متحد سیمهییز شتمنۍ هم پر نښه کړي، چې په کې ځان ښکېل کړي.
د ایران سپاه پاسداران وايي، د ایران ځواکونو د سې شنبې پر ورځ د لومړي ځل لپاره هایپرسونیک الفتح توغندی وکاراول او ۹۰ سلنه توغندي یې پر اسرائیلي اهدافو بریالي لګېدلي دي.
د اسرائیلو هاګاري ویلي، چې پر مرکزي او جنوبي اسرائیلو محدود بریدونه شوي. هغه ویډیو، د پوځ لخوا وړاندې شوې ښیي، چې د ګادره په مرکزي ښار کې یو ښوونځی پر ایراني توغندي سخت زیانمن شوی دی.
پنټاګون ویلي، سمندري جنګي بېړیو د اسرائیلو پر لور د شاوخوا ۱۰ ایراني توغندیو مخه نیولې. بریټانیا پرته له دې، چې توضیحات ورکړي ویلي، چې د دوی ځواکونو “په منځني ختیځ کې د مخ پر زیاتېدونکي کړکیچ د مخنیوي په هڅو کې ونډه درلودلې.
د ملګرو ملتونو عمومي منشي انټونیو ګوټرش روان بریدونه وغندل او وایي، چې جګړه باید ودرول شي. مونږ په کلکه اوربند ته اړتیا لرو.
سیمه ییز خبرونه
سعودي ائتلاف د توغول شويو بالسټیک توغنديو او بېپیلوټه الوتکو مخه ونیوله
حوثیانو، چې د یمن ګڼ مېشتې سیمې تر خپل واک لاندې لري؛ په وروستیو ورځو کې د سعودي پر پلازمېنه خپل بریدونه زیات کړي دي.
د سعودي عربستان پر مشرۍ ائتلاف، چې په یمن کې د ایران پلوه حوثيانو پر وړاندې جګړه کوي؛ وايي، چې د یکشنبې پر ورځ یې د سعودي پلازمېنې ریاض پر لور د توغول شويو دوه بالسټیک توغنديو او د دې هېواد په ختیځه نفتلرونکې سیمه کې د درې بېپیلوټه الوتکو مخنیوی کړی دی.
حوثیانو، چې د یمن ګڼ مېشتې سیمې تر خپل واک لاندې لري؛ په وروستیو ورځو کې د سعودي پر پلازمېنه خپل بریدونه زیات کړي دي.
د رویټرز د راپور له مخې، تېره اوونۍ پر ریاض د حوثیانو په یوه برید کې د سعودي د تېلو دولتي شرکت آرامکو یوه اداري ودانۍ زیانمنه شوې وه.
د سعودي عربستان ختیځه سیمه، چې د دغه هېواد د اقتصاد مهمه سرچینه ده؛ په تېرو څو اوونیو کې د حوثیانو د څو بریدونو موخه ګرځېدلې ده.
په دې سیمه کې د سعودي عربستان د تېلو او ګازو ډېری زېرمې پرتې دي او د آرامکو شرکت مرکزي دفتر هم په کې دی.
دغه دفتر هم د اوکټوبر د میاشتې په یوه برید کې سخت زیانمن شوی و.
دا په داسې حال کې ده، چې حوثیانو پر سعودي هوايي ډګرونو، بندرونو او د تېلو پر تاسیساتو بریدونه زیات کړي او سعودي عربستان هم په ځواب کې د یمن د حوثیانو پر مورچلو هوايي بریدونه ډېر کړي دي.
سیمه ییز خبرونه
د سعودي عربستان په مکه کې د دوه توغندیو د شنډولو پاتې شوني لوېدلي
د سعودي دولتي ټلویزیون راپور ورکړی، چې د توغندیو پاتې شوني په« سبوحه» نومي کلي کې، چې د مسجدالحرام شمال ختیځ لوري ته شاوخوا ۳۵ کیلومټره واټن لري او د« وادي المغمس» په سیمه کې، چې د دې جومات ختیځ ته شاوخوا ۲۱ کیلومټره لرې پرته ده؛ لوېدلي دي.
د سعودي عربستان چارواکو ویلي؛ د چارشنبې پر ورځ د دغه هېواد د مکې په اړوند سیمه کې د هوايي دفاعي سیسټمونو لهخوا د شنډ شويودوه بالسټیک توغندیو پاتې شونيراغورځېدلي دي.
د سعودي دولتي ټلویزیون راپور ورکړی، چې د توغندیو پاتې شوني په« سبوحه» نومي کلي کې، چې د مسجدالحرام شمال ختیځ لوري ته شاوخوا ۳۵ کیلومټره واټن لري او د« وادي المغمس» په سیمه کې، چې د دې جومات ختیځ ته شاوخوا ۲۱ کیلومټره لرې پرته ده؛ لوېدلي دي.
د سعودي عربستان د ملکي دفاع ادارې په خبرپاڼه کې راغلي، توغندي د دې سیمې پر لوري توغول شوي وه؛ خو د دې هېواد هوايي دفاعي ځواکونو شنډ او له منځه وړي دي.
حوثیانو څو ځله د سعودي عربستان هغه تورونه رد کړي، چې ګواکې د مسلمانانو دوه سپېڅلي ښارونه مکه او مدینه یې پر نښه کړي دي. هغوی وايي، پوځي عملیات یې د سعودي عربستان په نورو سیمو کې پر پوځي تاسیساتو او سټراټیژیکو موخو متمرکز دي.
د سعودي عربستان ملکي دفاع ادارې د پنجشنبې په لومړیو ساعتونو کې څرګنده کړې:« پر ملکي سیمو دښمنانه بریدونه له نړیوالو بشري قوانینو ښکاره سرغړونه ده او د حوثي ملېشو هغه خطرناکه دښمنانه تګلاره څرګندوي، چې دوی یې تعقیبوي.»
حوثیانو په ۲۰۱۴ز.کال کې د یمن پلازمېنه صنعا ونیوله، چې له کبله یې سعودي عربستان په راتلونکي کال کې د یمن د نړیوالې ټولنې لهخوا په رسمیت پېژندل شوي حکومت پر ملاتړ پوځي مداخله وکړه.
په ۲۰۲۲ز.کال کې د ملګرو ملتونو پر منځګړیتوب د اوربند هوکړې تر ډېره جګړې ودرولې؛ خو د روان میلادي کال په لومړیو کې کړکېچونه بېرته پیل شول. حوثیانو د توغندیو او بېپیلوټه الوتکو پر مټ د سعودي عربستان پر خاوره بریدونه وکړل او ریاض هم په یمن کې هوايي بریدونه پیل کړل.
د جګړو زیاتېدا د بابالمندب سټراټیژیکه اوبلاره هم له ګواښ سره مخ کړې ده. دا اوبلاره د بېړیو د تګ راتګ یوه مهمه لاره ده، چې سره بحیره د عدن له خلیج سره نښلوي.
سیمه ییز خبرونه
د ایران په سویلي سیمو کې د چاودنو غږونه واورېدل شول – ایراني رسنۍ
د ایران دولتي ټلویزیون احتمال ښودلی، چې دغه چاودنې ښايي په سټراټیژیک هرمز تنګي کې د ایران له پوځي فعالیتونو سره تړاو ولري.
د ایران دولتي ټلویزیون راپور ورکړی، چې د شنبې پر ماښام د دې هېواد په څو سویلي سیمو او د هرمز تنګي قشم ټاپو کې د چاودنو غږونه اورېدل شوي دي.
د ایران دولتي ټلویزیون احتمال ښودلی، چې دغه چاودنې ښايي په سټراټیژیک هرمز تنګي کې د ایران له پوځي فعالیتونو سره تړاو ولري.
له هغه وخت راپدېخوا، چې د فبرورۍ په میاشت کې د امریکا او ایران ترمنځ جګړه پیل شوې؛ په دې اوبلاره کې سوداګریزې بېړۍ څو ځله تر بریدونو لاندې راغلي دي.
د راپور له مخې، ایراني چارواکو په دې سیمو کې د توغندیزو بریدونو په اړه څه نهدي ویلي؛ خو نیمه دولتي تسنیم خبري آژانس د یوې سرچینې له قوله ویلي، چې د قشم ټاپو د چاودنو غږونه له توغندیزو بریدونو سره تړاو نهلري.
د ایران سپاه پاسداران سمندري ځواکونو د یکشنبې پر سهار ویلي، چې دوه د تېلو لېږدوونکې بېړۍ د هرمز تنګي له یوې« نااجازې لارې» څخه د تېرېدا پر مهال له ماینونو سره د لګېدو له کبله اور اخیستی دی.
اوس هم څرګنده نهده، چې د سپاه پاسداران لهخوا یادې شوې پېښې د ایران په سویلي سیمو کې د اورېدل شویو چاودنو له غږونو سره تړاو لري او که نه.
ایران هغه بېړۍ پر نښه کړي، چې د چارواکو پر وینا؛ د هرمز تنګي له لارې د تګ راتګ له محدودیتونو سرغړونه کوي.
دا هېواد هڅه کوي، پدې تنګي خپل کنټرول ټینګ او پر واشنګټن فشار زیات کړي.
له دې مخکې د شنبې پر ورځ تسنیم خبري آژانس راپور ورکړی و، چې دوه توغندي پر قشم ټاپو لګېدلي؛ خو د احتمالي زیانونو په اړه یې رسمي معلومات خپاره کړي نهوه.
دا چاودنې له هغې څو ورځې وروسته اورېدل کېږي، چې امریکا پر دغه ټاپو بریدونه وکړل.
یوه امریکايي چارواکي ویلي، چې دغه بریدونه محدود ول او د پراخو پوځي عملیاتو د بیا پیل پر معنا نهول.
د امریکا پوځ د شنبې پر ماښام ویلي وه؛ ځواکونو یې یوه سوداګریزه بېړۍ له کاره غورځولې، چې غوښتل یې د ایران پر وړاندې د امریکا له سمندري کلابندۍ تېره شي.
د امریکا مرکزي قومندانۍ ویلي، چې د دوی یوې الوتکې د دغې بېړۍ پر شا برخه ډزې کړي او وروسته یې هغه له کاره غورځولې ده.
د سیمې هېوادونه تمه لرله، چې د امریکا ولسمشر ډونالډ ټرمپ به د منځمهاله ټاکنو له پای ته رسېدا وروسته پر ایران بریدونه بېرته پیل کړي. نوموړي له دې ټاکنو مخکې پر ایران د بریدونو له بیا پیلولو ډډه کړې وه. ایران هم څو ځله خبرداری ورکړی، چې د نویو بریدونو په صورت کې به د ګاونډ هېوادونو په خاوره کې د امریکا او اسرائیلو پر موخو بریدونه وکړي.
-
لوبی3 days agoپه آی ال ټي ۲۰ لیګ کې د افغان او اماراتي لوبغاړو ګډون اړین شو
-
تازه خبرونه3 days agoترکیې یونان ته د اوښتو په هڅه کې ۳۵ افغان کډوال ونیول
-
لوبی2 days agoسرخپوشان خوافي د افغانستان فوټبال اتلانو لیګ نه ماتېدونکی اتل شو
-
لوبی4 days agoزیمبابوې له افغانستان څخه د دوهیمې ټسټ لوبې پر دوهیمه ورځ ۱۸۰ منډې مخکې شو
-
لوبی2 days agoارمان افسي استقلال کابل ته پنځه پر صفر ماتې ورکړه
-
تازه خبرونه3 days agoپه جوزجان کې د بیات پاور ۴۰ میګاواټه ګازي برښنا تولیدي توربین بېرته فعال شو
-
تازه خبرونه3 days agoپه تېرو دوه اوونیو کې له ایران او پاکستان څخه څه باندې ۹۵ زره افغانان افغانستان ته راغلي
-
لوبی2 days agoپه آی ال ټي ۲۰ سیالیو کې ۲۵ افغان لوبغاړو قراردادونه ترلاسه کړل
