تازه خبرونه
د خلیل الرحمن حقاني د جنازې لمونځ ادا او په پلرنۍ ادیره کې خاورو ته وسپارل شوه
د چاودنې پړه د (داعش) ډلې منلې ده.
د پنجشنبې پر ورځ( د ۱۴۰۳ غمریز لېودیر کال د لیندۍ دوهویشتمه ) د پکتیا په ګرده څېړۍ کلۍ کې د کډوالو او راستنېدونکیو چارو وزارت د چارسمبالي خلیل الرحمن حقاني د جنازې مراسمو ترسره او په پلرنۍ ادیره کې خاورو ته وسپارل شو.
خلیل الرحمن حقاني، چې په ۱۹۶۶ ز. کا زېږېدلی و؛ د چارشنبې پر ورځ په کابل کې د اړوند وزارت دننه په یوه چاودنه کې شهید شو.
د چاودنې پړه د (داعش) ډلې منلې ده.
نوموړی د افغانستان د کورنیو چارو وزارت د چارسمبالي سراج الدین حقاني تره او د (حقاني شبکې) د بنسټوال جلال الدین حقاني ورور و.
د جنازې په دې مراسمو کې د لوړ پوړیو چارواکو په ګډون د هېواد له ګوټ ګوټ څخه زرګونه کسانو ګډون کړی و. په دغو کسانو کې سراج الدین حقاني او امیرخان متفي او نورو چارواکو حاضرینو ته ویناوې وکړې.
سراج الدین حقاني ویلي؛ شهید خلیل الرحمن حقاني شخصي دښمني نلري او الله به یې غچ واخلي.
همدارنګه د پنجشنبې پر ورځ د نړۍ له ګوټ ګوټ څخه د خواخوږۍ او غندنې پیغامونه خپاره شوۍ دي.
په افغانستان کې د ملګرو ملتونو استازولۍ پرنوموړي د برید وغانده او په ایکس پاڼه کې یې لیکلي: ” مونږ د ثبات په لټه کې یو اود ترهګرۍ لپاره په دې هېواد کې هیڅ ځای ننشته.”
د ایران د بهرنیو چارو وزارت ویاند اسماعیل بغايي هم د چارشنبې د ورځې په چاودنه کې د وژل شویو کسانو له کورنیو سره خواخوږي څرګنده کړهې او ټپیانو ته یې د بېړنۍ روغتیا هیله وکړه.
متحده عربي اماراتو هم د افغانستان د کډوالو چارو وزارت پر جارسمبالي برید غندلی دی.
متحده عربي اماراتو د بهرنیو چارو وزارت (MoFA) په یوه خبرپاڼه کې تایید کړه، چې “متحده عربي امارات د دې جنایتکارانه عملونو کلکه غندنه کوي او له نړیوال قانون څخه یې سرغړونه ګڼيې او د امنیت او ثبات د زیانمنولو په هدف هر ډول تاوتریخوالی او تروریزم د تل لپاره ردوي.
په دې خبرپاڼه کې راغلي: « د دې ترڅنګ دغه وزارت د افغانستان خلکو او د دغه برید د قربانیانو کورنیو ته د خپلې ژورې خواخوږۍ او ډاډګیرنې مراتب څرګندوي او ټولو ټپیانو ته د بېړنۍ روغتیا هیله کوي.»
د افغانستان پخواني ولسمشر حامد کرزي هم د خلیل حقاني پر شهادت خواشیني څرګنده کړه او ویې ویل: په ډېرې خواشینۍ سره مې خبر ترلاسه کړ، چې د کډوالو او راستنېدونکو چارو وزارت سرپرست خلیل الرحمن حقاني له یو شمېر هېوادوالو سره په کابل کې په شهادت رسېدلی دی. په دې وزارت کې چاودنه شوې ده.”
د افغانستان پخواني اجرائیه رییس عبدالله عبدالله هم دا برید غندلی او په ایکس پاڼه کې یې لیکلي: مونږ پر خلیل الرحمن حقاني د ترهګریز برید کلکه غندنه کوو. هغه په افغانستان کې د یوې با نفوذه جهادي کورنۍ غړی و. د پخواني شوروي د یرغل پر وړاندې په جهاد کې یې مهم رول درلود.
تازه خبرونه
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دوحه کې د افغانستان اسلامي امارت د سفارت چارسمبالي(سرپرست) په قطر کې د ګامبیا له سفیر او ځانګړي استازي عمر جاح سره پر دوه اړخیزو اړیکو خبرې کړې دي.
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دې لیدنه کې دواړو لوریو د افغانستان او ګامبیا ترمنځ پر دوهاړخیزو اړیکو، په افغانستان کې امنیتي وضعیت، د پانګونې فرصتونو، اقتصادي همکاریو او نورو ګډو موضوعاتو اندونه وړاندې کړي دي.
تازه خبرونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
د پاکستان په ملي شورا کې د اپوزیسیون مشر او د پښتونخوا د عوامي ملي ګوند مشر محمود خان اڅکزي ویلي، چې که ښه مشران په واک کې وای: نو د ډیورنډ کرښې په اوږدو کې به خلکو آزاد تګ راتګ کولی شو.
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
اڅکزي زیاته کړې، کېدی شو؛ په سیمه کې ورته وضعیعت رامنځته شوی وای.
هغه ټینګار کړی: «دلته ستونزه څه ده؟ پنجابي په کندهار کې نڅا کوله او پښتانه دلته راتلل. که څه هم مونږ په ښکاره یو هېواد نهیوو، خو کولی مو شو په عمل کې یو هېواد واوسو.»
هغه د شوروي اتحاد او امریکا لهخوا پر افغانستان د یرغل یادونه وکړه او څرګندوي؛ افغانستان حق لري، چې له دې هېوادونو د جګړې د زیانونو او بیارغونې لپاره د تاوان غوښتنه وکړي.
دې پاکستاني سیاستوال له پښتنو سره د پاکستان د حکومت پر چلند نیوکه کړې او ادعا کوي، چې په ځینو ښارونو لکه لاهور او کراچۍ کې هغوی نیسي او جبري ایستل کیږي.
تازه خبرونه
د کونړ زلزلهځپلو ته په ننګرهار کې نمرې وویشل شوې
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
د کور او ښار جوړولو وزارت د کونړ ولایت هغو زلزلهځپلو کورنیو ته، چې د وروستۍ زلزلې له کبله یې کورونه ویجاړ شوي وه؛ د ننګرهار ولایت د ښېوې ولسوالۍ د ګمبیري د اړوند سیمې په ۱۰۰۰ جریبه ځمکه کې د نوي جوړ شوي ښارګوټي استوګنیزې نمرې وېشلي دي.
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
دغه راز په دې ښارګوټي کې د ښوونځي، مدرسې، جوماتونو، روغتیایي کلینیک او هدیرې لپاره ځانګړې ځمکې پر نښه شوې دي، چې اوسېدونکو ته د یو منظم او باعزته ژوند بشپړ چاپېریال برابر شي.
خبرپاڼه زیاتوي؛ په همدې مناسبت جوړه شوې غونډه کې د کور او ښار جوړولو وزارت وزیر نجیبالله حیات حقاني د ننګرهار ولایت د والي مرستیال مولوي غلام الرحمن حیدري، د علماوو شورا رییس او د زلزلهځپلو د مرکزي کمیسیون مشر شیخ خیر محمد فاروقي، د کونړ د جهادي مدرسې مشر شیخ عبدالقهار صدیقي، د ننګرهار ولایت د مقام استازی شمس العارفین او یو شمېر نورو مسوولانو ګډون کړی و.
د کور او ښار جوړولو وزارت وزیر نجیبالله حیات حقاني دغو مراسمو ته په وینا کې ویلي؛ اسلامي امارت هڅه کوي، چې زلزلهځپلې کورنۍ پیاوړې کړي او د ټولنې د فعالو غړو په توګه یې وروزي، چې د مرستې له اخیستونکو څخه د مرستې کوونکو کچې ته ورسېږي.
نوموړي د دې پلان پر ارزښت ټینګار وکړ او وایي: دا «پلان هغه ګټوره نسخه ده، چې خړه دښته د سرو زرو پر ارزښت بدلوي او د انساني ټولنې د پرمختګ لپاره عملي کېږي.»
ویل کیږي، چې د ننګرهار ولایت د مقام استازي شمس العارفین څرګنده کړې، چې د ننګرهار ولایت مقام د زلزلهځپلو د ملاتړ او د یاد ښارګوټي د ښه مدیریت لپاره د هر راز همکاریو ډاډ ور کړ.
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
امریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
د کونړ زلزلهځپلو ته په ننګرهار کې نمرې وویشل شوې
امریکا به له ایران څخه غني شوي یورانیم ترلاسه کړي – ټرمپ
له برید درولو وروسته ایران له امریکا سره پر لنډمهالي اوربند هوکړه وکړه
د افغانستان، ازبکستان او قرغزستان د استازو سوداګریزه ناسته ترسره شوه
د هائیټي په تاریخي کلا کې د ګڼې ګوڼې له کبله مرګ او ژوبله رامنځته شوې
آیا ایران په هرمز تنګي کې پر بېړیو پیسې وضع کولی شي؟
د جګړې له پایلو د اماراتو اندېښنه؛ د تېلو په راکړه ورکړه کې د ډالرو دډې ته کولو احتمال
تحول: د ایران او امریکا په شخړه کې ډیپلوماټیک بدلون
څار: له اسلامي امارت سره د هېوادونو د تعامل زیاتوالی
تحول: له جرمني څخه د افغان کډوالو د ایستلو روان بهیر
څار: د پاکستان پر پالیسۍ نیوکې
تحول:د افغانستان پر وړاندې د پاکستان دوه ګونی سیاست
-
سوداگري4 days agoله قزاقستان څخه افغانستان ته د غنمو په صادراتو کې د پام وړ زیاتوالی راغلی دی
-
تازه خبرونه5 days agoد ملګرو ملتونو خبرداری: د مرستو کمښت په افغانستان کې د ماین پاکۍ بهیر ځنډولی
-
سیمه ییز خبرونه4 days agoامریکا په هرمز تنګي کې د بندو کښتیو د خوندي لېږد چارې پیل کړې
-
سوداگري2 days agoد منځنۍ آسیا له لارې د چین– افغانستان نوې ټرانزیټي لاره پرانیستل شوه
-
سوداگري5 days agoد ۱۲ پراختیایي پروژو تائید؛ د بنسټیزو برښنایي، ټرانسپورټي او ودانیزو چارو پر پراختیا ټینګار
-
سیمه ییز خبرونه2 days agoپه بېجینګ کې لوړپوړې خبرې؛ په هرمز تنګي کې د امریکا او ایران پر کړکېچ ټینګار
-
تازه خبرونه5 days agoپه کابل کې د کتاب نندارتون؛ د لوست کلتور پیاوړتیا او د کورنیو لیکوالانو ملاتړ
-
نړۍ3 days agoسپینې ماڼۍ ته نږدې نښته؛ یو وسلهوال ټپي او روغتون ته ولېږدول شو