تازه خبرونه
مونږ له یو شمېر اډو وتل پیل کړي – جنرال میلر
په افغانستان کې د بهرنیو ځواکونو عمومي قومندان جنرال سکاټ میلر د یکشنبې پر ورځ( د غویی ۵) په کابل کې خبریالانو ته ویلي: مونږ له یو شمېر پوځي اډو وتل پیل کړي او د بهرنیو ځواکونو له وتلو سره سم به خپلې ټولې اډې افغان ځواکونو ته وسپارو.
جنرال میلر زیاته کړې، چې که افغانستان د سولې هوکړې ته ورسیږي؛ بیا هم مونږ ته امر شوی، چې له افغانستان څخه ووځو.
هغه ویلي، چې طالبان اوس هم له القاعده سره اړیکې لري.
نوموړي د طالبانو لخوا د تاوتریخوالي د زیاتېدو په اړه هم اندېښنه څرګنده کړې ده.
جنرال سکاټ میلر څرګنده کړې: د طالبانو د تاوتریخوالی کچه اوس هم لوړه ده او دا د سولې پر بهیر بده اغېزه کوي او که له وتلو وروسته تاوتریخوالی پراخه شي؛ نو دا به د ټولې سیمې لپاره خطرناک وي.
د جنرال میلر دغه څرګندونې په داسې وخت کې راپورته شوي، چې ټاکل شوې تر ۱۵ ورځو د هلمند د شورابک ولسوالۍ له باسشن، د کابل د اګریز او د میدان وردګ د کوپ له اډو بهرني ځواکونه ووځي او دا مرکزونه به افغان ځواکونو ته وسپارل شي.
د امریکا مشرانو جرګې ویلي، چې په دوحه کې د امریکا او طالبانو تر منځ د سولې له هوکړې وروسته تر دا مهاله لس پوځي اډې امریکایي ځواکونو خوشې کړي دي او ټاکل شوې، چې د همدې بهیر په لړ کې څلور نورې پوځي اډې په پېنځلس ورځو کې تخلیه شي.
په افغان پوځ کې یوې امنیتي سرچینې ویلي، چې ټاکل شوې امریکایي پوځیان له درې پوځي اډو او یوه هوایي ډګره ووځي او مسوولیت یې افغان ځواکونو ته وسپاري.
ویل کیږي، چې د دې اډو د سپارلو بهیر به د درې امنیتي بنسټونو د ۱۰ کمېټو په ګډ کمیسیون کې د ملي امنیت شورا د سلاکار په مشرۍ پلی شي.
جنرال میلر ویلي؛ مونږ دا وړتیاوې لرو، چې له لرې د افغان ځواکونو ملاتړ وکړو.
دا په داسې حال کې ده، چې د اسوشیټیډ پریس د تېرې ورځې د راپور له مخې؛ د سي آی ای مشر ولیم برنز کابل ته سفر کړی و، چې له ترهګرۍ سره د مبارزې لپاره د افغانستان وړتیا و ارزوي.
تازه خبرونه
د تورخم لار لنډمهاله تړل کیږي
د تورخم کمیشنر عبدالجبار حکمت ويلي؛ د تورخم لار به د پاکستان له لوري د ۳ ورځو لپاره د ناروغانو او مسافرو د تګ راتګ پر مخ تړلې وي.
عبدالجبار حکمت ویلي، چې دغه لار به د جمعې له ورځې ( د غویی اتویشتمه) څخه تر یکشنبې ( د غویی دېرشمه ) پورې د ناروغانو او مسافرو پر مخ تړلې وي.
هغه زياته کړې، چې دغه سوداګريزه لار به ٢٤ ساعته پرانيستې وي او د باروړونکیو موټرو تګ راتګ او د سوداګريزو توکو لېږد رالېږد به روان وي.
حکمت زياته کړې، چې د ناروغانو او مسافرو پر مخ د دې لارې د بندېدو لامل له پخوانۍ ودانۍ څخه نوې ودانۍ ته د پاکستان د سرحدي دفترونو لېږدول دي.
تازه خبرونه
د سولې په چارو کې د ملګرو ملتونو د عمومي منشي مرستیال کابل ته راغلی
د سولې په چارو کې د ملګرو ملتونو د عمومي منشي مرستیال ژان پیر لاکروا به د دوه ورځني سفر په بهیر کې له جګړې څخه د پاتې چاودیدونکیو توکو د خطرونو په اړه د پوهاوي پر لوړولو راوڅرخیږي.
د سولې په چارو کې د ملګرو ملتونو د عمومي منشي مرستیال ژان پیر لاکروا له یوه پلاوي سره کابل ته راغلی دی.
د ملګرو ملتونو د ویاند مرستیال فرحان له دې مخکې په یوه خبري غونډه کې ویلي وه، چې ین پییر لاکروا به افغانستان ته په خپل سفر کې د چاودېدونکیو توکو د اغېزو په اړه د اسلامي امارت له چارواکو سره خبرې وکړي.
په دغه سفر کې له نوموړي سره د ملګرو ملتونو د ماین پاکۍ د څانګې مشره هم مل ده.
هغه زیاته کړې، چې لاکروا به د مې تر اووهلسمې پورې په کابل کې وي او په دې سفر کې به د ملګرو ملتونو د ماین پاکۍ د څانګې مشره ایلین کوهن هم ورسره مل وي.
د ملګرو ملتونو دغه چارواکي ویلي، چې د افغانستان خلک د ماینونو له خطر سره مخ دي او د ۲۰۲۳ کال له جنورۍ څخه د ۲۰۲۴ کال تر مارچ پورې په افغانستان کې د ۸۲۱ چاودېدونکیو توکو د وژل شویو ۸۱ سلنه ماشومان ول.
تر اوسه اسلامي امارت په دې اړه جزئیات ندي ورکړي.
د سولې په چارو کې د ملګرو ملتونو د عمومي منشي مرستیال په داسې حال کې افغانستان ته سفر کوي، چې ټاکل شوې د روان کال په جون میاشت کې د افغانستان په اړه په دوحه کې درېیمه غونډه جوړه شي.
دا په داسې حال کې ده، چې د ملګرو ملتونو د څرګندونو پر بنسټ، له دې مخکې د سولې په چارو کې د ملګرو ملتونو د عمومي منشي مرستیال قطر ته د سفر پر مهال د دغه هېواد له چارواکو سره د سولې د ټینګښت او د ستونزو په اړه خبرې کړې وې.
تازه خبرونه
په غور ولايت کې د ژغورنې د عملیاتو پر مهال يوه پوځي چورلکه رالوېدلې
نن سهار (چارشنبه د غویی شپږویشتمه ) د غور ولایت په مرکز فیروزکوه ښار کې د ملي اردو یوه چورلکه راغورځېدلې، چې په کې ۱ کس مړ او ۱۲ نور ټپیان دي.
د ملي دفاع وزارت ویاند عنایت الله خوارزمي زیاته کړې؛ د هوايي ځواک «MI 17» ډوله چورلکه غور ولایت د یوه فلانکوچ موټر د هغو کسانو د جسدونو د راایستلو لپاره لېږل شوې وه، چې د هریرود سیند ته لوېدلی و. د ژغورنې له عملیاتو وروسته دغه چورلکه له تخنیکي ستونزې سره مخ او په فیروزکوه ښار کې د بېړنۍ ناستې پر مهال له یوه دیوال سره ولګېده او راوغورځېده.
آریانانیوز ته د دې چورلکې د رارسېدلې ویډیو له مخې؛ په اوبو کې د چورلکې د راغورځېدو پر مهال یو شمېر کسان هم لیدل کیږي.
ویل کیږي، چې یوه ورځ مخکې د فیروزکوه په غازي دره سیمه کې فلانکوچ موټر له سړکه واوښت او په هریرود سیند کې ډوب شو، چې له کبله یې دوه کسان مړه او یو بل ټپي شوی و.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه