تازه خبرونه
د عدالت نړیواله محکمه غواړي د بریتانوي ځواکونو افغان وژنه وڅېړي
د بریتانیا د دولت او پوځ یوه نوې څېړنه ښيي، چې په افغانستان کې بریتانوي ځواکونو د افغانانو د وژنې موارد پټ کړي دي.
بي بي سي یو راپور خپور کړی، چې ښیي بریتانوي ځواکونو د افغانانو د وژنې موارد پټ ساتلي او د عدالت نړیواله محکمه اوس غواړي دا راپور او تورونه وڅېړي.
د بریتانیا دفاع وزارت که څه هم دا خبرې ردوي؛ خو وایي، چې دولت ټول تورونه د اسنادو له مخې څېړلي دي.
افغان پوځي مخکښان وایي، دا پټونې به د جګړې پر دوام مستقیم اغېز وکړي.
په ولسي جرګه کې د کاپیسا استازی اقبال ساپی وایي، چې په افغانستان کې د بریتانیوي او امریکایي ځواکونو جنګي جنایتونو تر سره شوي او هغو غواغړي پر دوسیو یې پرده واچوي. په رښتیا، چې دا موضوع لړزوونکې ده او دا د یو ملت په حق کې ښکاره جفا او جنایت دی.
دوی ټینګار کړی، چې پر جنګي جرمونو پرده اچول له مجرمانو سره مرسته ده او د جرمونو زیاتیدو ته لار اواروي.
د هېواد یو بل پوځي مخکښ ظاهر عظیمي ویلي، چې د افغانستان جنګ ځپلي خلک غواړي، چې دوی بیاید پر ځان قانون پلی کړي او هغه کسان، چې د افغانستان او یا په نورو جګړو کې پر جنګي جنایت او وژنو تورن دي باید محاکمو ته وسپارل شي او د نړیوالو قوانیو له مخې جزا وویني.
دغه پخواني پوځیان د دا راز تورونو د څېړلو غوښتنه لري.
پخوانی پوځي اسدالله ندیم ویلي، چې دا له مجریمانو سره مرسته او په حقیقت کې یو جرمي عمل او دغه راز له طالبانو او نورو مخالفو شبکو سره لاس یو کول او د جګړې پراخولو ته زمینه جوړول دي.
مخکې له دې د امریکا ولسمشر دونالد ترمپ دوه امریکایي سرتېري، چې په افغانستان کې پر جنګي جرمونو تورن ول، وبښل، چې دا اقدام یې سخت وغندل شو.
تازه خبرونه
د دفاع وزارت چارسمبالي د قطر د بهرنیو چارو وزارت له مرستیال سره وکتل
د ملي دفاع وزارت وياند ويلي، چې د دفاع وزارت چارسمبالي محمد يعقوب مجاهد نن (پنجشنبه د غبرکولي درېیمه ) په کابل کې د قطر د بهرنيو چارو وزارت له مرستيال محمد بن عبدالعزيز الخليفي سره وکتل.
د دفاع وزارت ویاند عنايت الله خوارزمي څرګنده کړې، چې په دې کتنه کې محمد یعقوب مجاهد په هېواد کې د وروستۍ زلزلې او سېلاب له زیانمنو کسانو سره د قطر له بشري مرستو مننه وکړه.
د خبرپاڼې له مخې؛ مجاهد دغه راز له قطر سره د اړیکو پر پیاوړتیا او د همکاریو پر دوام ټینګار کړی دی.
ویل کیږي، چې د قطر د بهرنیو چارو وزارت مرستیال د افغانستان خلکو ته د دوستانه اړیکو د ټینګښت او په بېلابېلو برخو کې د ډېرو نورو همکاریو د دوام ډاډ ورکړ.
تازه خبرونه
اسلامي امارت دې د دوحې په غونډه کې ګډون وکړي – قطر
د قطر بهرنیو چارو وزارت مرستیال کابل ته راغلی او اسلامي امارت ته یې د دوحې په درېیمه ناسته کې د ګډون بلنه ورکړې ده.
محمد بن عبدالعزیز الخلیفي د پنجشنبې پر ورځ ( د غبرګولي درېیمه ) د ریاست الوزراء له اقتصادي مرستیال سره په لیدنه کې ویلي، چې دغه غونډه به د اسلامي امارت د استازي په شتون کې بې پایلې نهوي. نوموړي زیاته کړې، چې د اسلامي امارت له استازي پرته به دا ډول غونډې بې پالې وي او په دې اړه یې ملګرو ملتونو ته هم خپل دریځ روښانه کړی دی.
دې قطري چارواکي دا هم ویلي؛ هېواد یې له نړیوالو هوايي شرکتونو سره کار کوي، چې د قطر او کابل ترمنځ د سوداګریزو اړیکو د پراخولو لپاره د یوه ځانګړي میکانیزم له مخې په افغانستان کې خپلې الوتنې پیل کړي. له همدې کبله به په نږدې راتلونکي کې یو شمېر قطري سوداګر کابل ته سفر وکړي.
د ریاست الوزراء اقتصادي مرستیال ملا عبدالغني برادر په دوحه کې درېيمې ناستې ته په نغوته کې څرګنده کړې: د افغانستان په اړه جوړې شوې غونډې او نړيوال کنفرانسونه د اسلامي امارت له استازي پرته کومې پايلې ته نه رسېږي؛ نو لازمه ده، چې په داسې غونډو کې د اسلامي امارت دریځ ته درناوی وشي.
د ریاست الوزراء اقتصادي مرستيال هم له افغانستان سره د قطر له مرستو مننه وکړه او زياتوي، چې اوسمهال په افغانستان کې د پانګونې زمينه برابره شوې او قطري پانګهوال کولى شي په دې هېواد کې پانګونه وکړي.
تازه خبرونه
د افغانستان اسلامي امارت د سیاسي کمیسیون غونډه ترسره شوه
د پنجشنبې پر ورځ (د غبرګولي درېیمه) په سپیدار ماڼۍ کې د افغانستان اسلامي امارت د ریاست الوزراء د سیاسي مرستیال موموي عبدالکبیر پر مشرۍ د سیاسي کمیسیون غونډه ترسره شوه.
په دې غونډه کې د هېواد او سیمې د وروستیو حالاتو، د دوحې د راتلونکې ناستې او اړمنو ته د بشري مرستو د رسولو په اړه هراړخیزې خبرې وشوې.
دغه راز د سیاسي کمیسیون په دې غونډه کې له یو شمېر هېوادونو سره د اړیکو پر پراختیا او تعامل بحث وشو او د اجنډا پر اساس لازم تصمیمونه ونیول شول.
تېره ورځ ملګرو ملتونو اعلان وکړ، چې د افغانستان په اړه به د دوحې درېیمه غونډه د چنګاښ پر لسمه او یوولسمه ( د جون پر دېرشمه او د جولای پر لومړۍ ) جوړه شي.
دغه نړیوال بنسټ د سې شنبې پر ورځ (د غبرګولي لومړۍ ) د اسلامي امارت له چارواکو او یو شمېر افغان شخصیتونو سره د ملګرو ملتونو د عمومي منشي د مرستیالې وروستۍ ناستې په اړه په یوه خبرپاڼه کې لیکلي، چې د دوحې په راتلونکې غونډه کې به د مدني ټولنې فعالان هم حضور ولري.
دغه راز یې په دې غونډه کې د ګډون لپاره امیر خان متقي ته رسمي بلنه ورکړې ده.
د اسلامي امارت ویاند ويلي، چې د دوحې په راتلونکې غونډه کې د افغانستان د ګډون په اړه بحثونه روان دي.
یو شمېر کارپوهانو د نړۍ وضعیت ته په نغوته کې د دې غونډې جوړېدل مهم بولي؛ ځکه د دوی په باور افغانستان د نړیوالې ټولنې رسمي غړیتوب ته اړتیا لري.
-
سیمه ییز خبرونه4 days ago
د ایران ولسمشر ابراهیم رییسي د چورلکې د راغورځېدو په پېښه کې مړ شو
-
نړۍ5 days ago
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
-
تازه خبرونه4 days ago
په افغانستان کې د وروستیو سیلابونو له کبله ۵۴۰ کسان مړه شوي – م.م
-
تازه خبرونه3 days ago
سر له سبا د ترکيي هوايي شرکت افغانستان ته رسمي الوتنې پیلوي
-
تازه خبرونه5 days ago
له سوالګرۍ څخه د مخنیوي قانون په رسمي جریده کې خپور شو
-
روغتيا5 days ago
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ
-
سیمه ییز خبرونه4 days ago
د ایران د ولسمشر ابراهیم رییسي راغورځېدلې چورلکه وموندل شوه – د ایران سره صلیب اداره
-
تازه خبرونه2 days ago
د شانګهای همکاریو ټولنې د بهرنیو چارو وزیرانو په افغانستان کې د ثبات پر ټینګښت خبرې وکړې