تازه خبرونه
د افغانستان بانک د یوه ایراني بانک جواز لغوه کړ
د بانکدارۍ په نظام کې د بانکدارۍ له مقرراتو سرغړو نه او د افغانستان په اقتصادي وده کې برخه نه اخیستل هغه څه دي، چې په افغانستان کې د آرین نومی ایراني بانک د جواز د لغوه کیدو لامل شوي دي.
د افغانستان بانک مسوولین وايي، له پاکستاني بانک څخه د جواز د لغوه کولو وروسته دا دی د آرین نومی ایراني بانک جواز هم لغوه شو. دغه بانک د افغانستان په اقتصادي برخه کې هیڅ ونډه نه درلوده؛ نو، ځکه د افغانستان بانک بانکي قوانینو ته په کتو پرېکړه وکړه، چې د دغه بانک فعالیت جواز هم وځنډوي.
د افغانستان بانک ویاند ایمل عاشور وایي: آرین بانک د افغانستان بانک په نامه ثبت دی؛ خو سهم لرونکي یې ایرانیان دي. یو څه برخې لامل شوې، چې د افغانستان بانک عالي شورا د دغه بانک جواز لغوه کړي. آرین بانک په افغانستان کې هیڅ پانګوال یا سوداګر ته پور نه ورکاوه او په دې برخه کې یې ناڅیزه ونډه لرله، لدې کبله مرکزي بانک پرېکړه وکړه، چې د دغه بانک جواز فسخه کړي.
د افغانستان د سوداګرۍ مرستیال نظام الدین تاج زاده وايي، آرین بانک د افغانستان په سوداګریزو برخو کې هیڅ رول نه درلود. د افغانستان بانک باید د ټولو هغو بانکونو جوازونه لغوه کړي، چې د هېواد په اقتصادي کې فعال رول نلري.
سوداګرۍ خونې مرستیال نظام الدین تاج زاده وایي: دغه بانک یو سوداګر ته هم سوداګریز، ساختماني او صادراتي پورونه نه ورکول او له خلکو سره یې هیڅ راز راکړه ورکړه نه لرله. یعنې په اقتصاد او سوداګرۍ کې يې هیڅ نقش نه درلود؛ نو هر بنسټ، چې د بانکدارۍ له قوانینو سرغړونه کوي، باید په اړه یې همدا شان پرېکړه وشي.
د اقتصادي چارو پوهان وايي، ټول کورني او بهرني بانکونه باید د هېواد د بانکدارۍ له قوانینو سره سم د هېواد د اقتصادي ودې لپاره هڅې وکړي او پانګې یې هم خوندي وي او هغه بانکونه، چې د هیواد په اقتصادي پرمختګ کې رغنده رول نلري؛ باید جوازو نه يي وځنډول شي.
د یادونې ده، چې آرین نومي ایراني بانک په کابل او هرات کې بانکي څانګې پرانستې وې.
خبریال: اسلم حجاب
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
تازه خبرونه5 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ5 days ago
انټوني بلینکن اوکراین ته رسېدلی
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي