Connect with us

تازه خبرونه

د امریکایي ځواکونو په بېړه وتل به په افغانستان کې کورنۍ جګړه رامنخته کړي

خپور شوی

د

(Last Updated On: سلواغه ۲۳, ۱۳۹۸)

د امریکا درې پخواني پوځي او سیاسي چاواکي خبرداری ورکوي؛ که امریکایي ځواکونه له افغانستان څخه په وتو کې بیړه وکړي، کورنۍ جګړې به رامنځته شي او د ترهګرو ډلو او القاعده شبکې د فعالیتونو پراختیا ته به زمینه برابره شي.

د امریکا د سنا د وسلوالو خدمتونو جرګه ګۍ په افغانستان کې د امریکا د تګلارې تر سرلیک لاندې ناسته تر سره کړې، چې د ناتو د پرېکنده ملاتړ پخوانی سلاکار، د امریکا د پوځ د لوی درستیز مرستیال او د بهرنیو چارو وزارت پخوانی سلاکار ورغلي دي.

د ناستې موضوع له طالبانو سره د سولې پر خبرو، له افغانستان څخه د امریکایي ځواکونو پر وتو  او د افغانستان په مسایلو کې د ګاونډ هېوادونو پر رول راڅرخیدلې ده.

دا جګپوړي امریکایي چارواکي په دې اند دي، چې له طالبانو سره له هوکړې وروسته افغان دولت باید د پراخ بنسټ سیاسي مشارکت زمینه برابره کړي؛ پرته له دې به هوکړې ته رسیدل ناوړه پایلې ولري.

د امریکا د پوځ د لوی درستیز پخوانی مرستیال جان کیني له واشنګتن غواړي، چې د افغانستان له راتلونکی حکومت جدي ملاتړ وکړي.

 له جان کیني پوښتنه کیږي، چې له افغانستان څخه د بهرنیو ځواکونو په وتو کې به بیړه څه عواقب ولري؟ داسې ځواب وایي: ناورین به رامنځته شي؛ ټولې لاسته راوړنې به پر اوبو لاهو شی، داعش او القاعده به له دې حالته ګټه پورته کړي او ځانونه به بېرته چمتو کړي. طالبان او نورې ترهګرې ډلې به د امریکا د وتو مسله په خپلې تبلیغاتي جګړه کې د بریا په توګه مطرح کړي او کورنۍ جګړه به پیل شي.

د امریکا د بهرنیو چارووزارت پخواني سلاکار کولین جکسن ویلي؛ که پاکستان له امریکا سره ښې اړیکې غواړي، باید د طالبانو له ملاتړ لاس واخلي او په افغانستان کې له حکومت او سیاسي مشارکت په رښتني توګه ملاتړ وکړي.

نوموړي زیاته کړې: د امریکا بهرني دښمنان به لاس په کار شي؛ ایران به خپلو نیابتي ځواکونو ته مخه کړې، پاکستان به خپل نفوس پراخه کړي او روسیه به هم ډګر ته  راودانګي.

د ناتو د پریکنده ملاتړ پخواني سلاکار کمبرلي فیلد هم له افغانستان څخه د امریکایي ځواکونو په ویستو کې بیړه خطرناکه ګني او وایي: اوسنی حکومت به راوپرځیږې؛ جنګ سالاران به واک ته ورسیږي او ډېر شیان به له لاسه ورکړو.

که څه هم د ولسمشریزو ټاکنو ګټونکی ندی معلوم؛ خو جان کیني ویلي؛ ولسمشر غني د افغانستان پوځي لګښتونه، چې امریکا یي ورکوي په راتلونکیو کلونو کې راکم کړي.

هغه دا راز د غني له خولي ویلي؛ هغه  له سعودي عربستان، عربي متحده اماراتو او نورو هېوادونو سره په اړیکه کې دی، چې د افغانستان د دفاعي لګښټونو د پوره کولو لپاره د هغوی مرسته ترلاسه کړي.

دا په داسې حال کې ده، چې نیویارک تیمز په ډاګه کړې؛ ترمپ له طالبانو سره د سولې د هوکړې لپاره د امریکایي ځواکونو تدریجي وتلو ته په دې شرط چمتووالی څرګند کړی، چې طالبان تاوتریخوالی راکم کړي.

تازه خبرونه

وروستیو سیلابونو په افغانستان کې ۱۵۰۰ کورنیو ته زیانونه رسولي

Published

on

(Last Updated On: غویی ۴, ۱۴۰۳)

د مرستو رسولو اسلامیک ریلیف ټولنې څرګنده کړې، چې د تېرې اوونۍ بارانونو او سېلابونو په افغانستان کې مالي او ځاني زیانونو اړولي دي.

د دې ټولنې په راپور کې راغلي، چې د وروستیو سېلابونو له کبله شاوخوا ۱۵۰۰ کورنۍ زیانمنې شوي او سلګونه څاروي هم له منځه تللي دي.

اسلامیک ریلیف ټولنې زیاته کړې، چې د وروستیو اورښتونو په پایله کې ۹۰۰ کورونه جزوي او یا بشپړ ویجاړ شوي او ۹۳ زره هکټاره کرنیزه ځمکه زیانمنه شوې ده.

په داسې حال کې، چې په دې وروستیو ورځو کې سختو بارانونو او سیلابونو د افغانستان خلکو ته ځاني او مالي زیانونه اړولي دي، د نړیوالو مرستندویه موسسو د راپورونو پر بنسټ افغانستان له بې‌سارې بې‌وزلۍ او اقتصادي بحران سره مخ دی.

دا په داسې حال کې ده، چې له دې مخکې له پېښو سره د مبارزې وزارت ویلي وه، چې په دغو پېښو کې ۹۹ کسان وژل شوي او ۶۴ نور ټپیان دي.

Continue Reading

تازه خبرونه

امریکا به افغانستان ته ورته په اوکراین کې هم له شرمېدلې ماتې سره مخ شي – روسیه

Published

on

(Last Updated On: غویی ۳, ۱۴۰۳)

د روسیې بهرنیو چارو وزارت ویلي، چې امریکا به افغانستان او ویټنام ته ورته په اوکراین کې هم له شرمېدلې ماتې سره مخ شي.

د رویټرز د څرګندونو له مخې؛ د روسیې بهرنیو چارو وزارت ویاندې ماریا زاخارووا د یکشنبې پر ورځ ویلي: د روسیې پر وړاندې په ګډه جګړه کې ورځ تر بلې د واشنګټن ډوبېدا به ویټنام او افغانستان ته ورته د امریکا لپاره پر یوه لویه او شرمېدلې ماتې بدله شي.

هغې زیاته کړې، چې امریکا غواړي اوکرایین تر پایه وجنګېږي.

زاخارووا ویلي، چې روسیه به د اوکراین په جګړه کې د نورې ډېرې لاس‌وهنې لپاره د امریکا د کړنو پر وړاندې له قید او شرط پرته پرېکنده ځواب ورکړي.

امریکا د ۱۹۷۵ او ۱۹۹۵ کلونو ترمنځ د ویټنام په جګړه کې له ۵۸ زره څخه ډېر نظاميان له لاسه ورکړل، چې د کمونیسټ پلوه شمالي ویټنام پر بریا او په سویل کې د هغې د واکمنۍ له پای ته رسېدو سره پای ته ورسېده. په دې جګړه کې سلګونه زره ملکي وګړي ووژل شول.

په افغانستان کې هم امریکا د ۲۰۰۱ او۲۰۲۱ کلونو تر منځ ۲ زره ۴۵۹ سرتېري له لاسه ورکړل او له ۲۰ زره ډېر نور یې ټپیان شول.

Continue Reading

تازه خبرونه

اوبه له افغانستان سره د اړیکو پراخولو اړین عامل دی – ایران

Published

on

(Last Updated On: غویی ۳, ۱۴۰۳)

د افغانستان لپاره د ایران ځانګړي استازي حسن کاظمي قُمي اوبه د دوه اړخیزو اړیکو د پراختیا یو اړین عامل یاد کړی او هیله من شوی، چې د اوبو بهیر به روان وساتل شي.

حسن کاظمي قُمي دغه څرګندونې د یکشنبې پر ورځ (د غویی دوه‌یمه) په کابل کې د بهرنیو چارو وزارت له چارسمبالي امیرخان متقي سره په کتنه کې کړې دي.

د افغانستان بهرنیو چارو وزارت د خبرپاڼې له مخې؛ د ایران استازي د ایران سیستان ولایت ته د هلمند د سیند د اوبو په لاره کې د پرتو خنډونو د لرې کولو له کبله مننه کړې ده.

د بهرنیو چارو وزارت چارسمبالي دا هم ویلي؛ سږ کال په هېواد کې بارانونه شوي، چې په پایله کې یې له څو کلنې پرله‌پسې وچکالۍ وروسته د هلمند سیند اوبه د افغانستان نیمروز ولایت او د ایران سیستان ته روانې شوې.

امیر خان متقي د افغانستان او ایران اړیکې دوستانه او مثبتې وبللې او په ټولو اړوند برخو کې یې د امکان تر حده د اړیکو د پراختیا غوښتونکی شو.

په دې کتنه کې د ایران ځانګړي استازي پر غزه د اسرائیلو د بریدونو په اړه د اسلامي امارت له دریځ او په دمشق کې د ایران پر کونسلګرۍ د برید له غندنې مننه وکړه.

Continue Reading

Trending

Copyright © 2022 Ariana News. All rights reserved!