تازه خبرونه
د امریکا ولسمشر دونالد ترمپ له طالبانو سره د سولې خبرې ودرولې
د امریکا ولسمشر ویلي؛ ټاکل شوې وه، چې د یکشنبې پر ورځ( د وږي ۱۷/ د سپتمبر ۸) له طالب مشرانو او ولسمشر غني سره په کمپ دیود کې وویني؛ خو د طالبانو وروستیو بریدونو او په کې د یو امریکایي او ۱۱ ملکي وګړیو د وژل کیدو له کبله ورسره د سولې خبرې لغو شوې.
امریکا له طالبانو سره د هوکړې په درشل کې وه؛ تر دې حده، چي د هوکړه لیک د لاسلیک لپاره پوره چمتوالي نیول شوی و، خو د ترمپ درې پرلپسي تیوتونو هر څه ګډوډ کړل.
دونالد ترمپ اعلام کړه: په پام کې وه، چي د طالبانو رهبران او د افغانستان ولسمشر د یکشنبي پر ورځ په جلا جلا توګه په کمپ دیود کې له ما سره وګوري او نن شپه امریکا ته راورسیږي؛ خو متاسفانه طالبانو د فشار په توګه ومنله، چي په کابل کي برید دوی کړی. په دغه برید کي زمونږ یو سرتېری او یوولس کسان نور ووژل شول. ما په بیړه له طالبانو سره مذاکرات لغوه کړل. د طالبانو دریځ غښتلی شوی ندی، بلکې حالت یي ترینګلی کړی. که دوی د خبرو په لړ کي ۱۲ بیګناه کسان وژني؛ نو معلومیږي، چي د خبرو د توافق صلاحیت نلري او غواړي څو لسیزې جنګ وکړي.
د ترامپ لخوا له طالبانو سره د سولې د مذاکراتو له لغوه کیدو سره، افغان حکومت هم په غبرګون کې وایي، طالبان د مذاکراتو د لغوه کیدو ستر لامل و؛ هغه مهال به سوله وشي، چې په افغانستان کې جګړه او تاوتریخوالی بند شي.
د ولسمشر دوه یم مرستیال سروردانش ویلي؛ مونږ په تېرو څو میاشتو کې خپل غږ پورته کړی، چې طالبان یوې ژمنې ته هم د ټینګې ندي او خبرې خپل بری بولي. له همدې کبله څومره یې، چې له امریکایانو سره خبرې اوږدیدې هومره یې تاوتریخوالی او په ولایتونو کې جګړه پراخیده.
اوس حکومت اعلام کوي، چې د یو مشروع حکومت د جوړولو لپاره باید ولسمشریزي ټاکني ترسره شی.
د ولسمشر ویاند صدیق صدیقي څرګنده کړې؛ رښتینې سوله به هغه مهال خوندي شي، چې طالبان د افغانانو وژنه پای ته ورسوي او د افغانستان له حکومت سره خبرو ته راودانګي.
وسلوالو طالبانو د یوې اعلاميې له خپرولو سره د ترمپ پرېکړې ته داسې غبرګون ښودلی:
(اوس، چې د امریکا جمهور رئيس ټرمپ له اسلامي امارت سره د مذاکراتو د بهیر درول اعلان کړل، دا به ترهر چا ډیر تاوان په خپله امریکا ته ورسوي؛ اعتبار به یې زیانمن، د سولې ضد دریځ به یې نور هم نړۍ ته ښکاره، د سر او مال زیان به یې زیات او په سیاسي تعامل کې به یې کردار متزلزل معرفي کړي. د مذاکراتو په جاري ساتلو سره اسلامي امارت نړۍ ته ثابته کړه چې جګړه د نورو لخوا پرموږ تپل شوې او که د جګړې پرځای د تفاهم لاره خپله شي، موږ تر پایه ورته ژمن یو.)
د ترمپ د وروستۍ پرېکړې په اړه اجرائیه ریاست په ډاګه کړې، چې تلپاتې او باعزته سوله د افغانستان د ټولو خلکو اړینه غوښتنه ده.
اجرائیه رییس ویلي، چې مونږ په کمپ دیوید کې د ګډې ناستې زمینې ته، چې رامنځته شوې وه؛ د یو فرصت په توګه لیدل، خو په خواشینۍ، چې د افغانستان د خلکو د هیلو خلاف د تاوتریخوالي او ترهګریزو بریدونو د ډېریدو له کبله د سولې بهیر د طالبانو او نورو عواملو له کبله سبوتاژ شو.
دغه راز پخواني ولسمشر حامد کرزي ویلي، له طالبانو سره د مذاکراتو لغوه کیدل په دي معنا ندي، چي بین الافغاني خبري تر اغېزي لاندې راولي او دغه هڅې باید ګړندې شي.
اوس روښانه نده، چې د افغانستان برخلیک به څه ډول کیږي؟ آیا دغه مذاکرات به له سره پيل شي او کنه وخت به ونیسي.
خبریال: خالد نیک زاد
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ