Connect with us

تازه خبرونه

د دولت جوړوونکې ډلې پلوي ګوندونو د بې بایومتریکو رایو پر شمېرلو ټینګار کړی

خپور شوی

د

(Last Updated On: لړم ۳, ۱۴۰۱)

له دولت جوړونکې ټاکنیزې ډلې سره همغاړي ګوندونه او ډلې ټینګار کوي، چې بې بایومتریک شوې رایې دې هم وشمېرل شي.

بایومتریکي او بې بایومتریکي رایې په ولسمشریزو ټاکنو کې یوه جنجالي مساله ده، چې د ټاکنو خپلواک کمیسیون یې په اړه ویلي؛ یوازې دې د بایومتریکي دستګاوو رایې وشمېرل شي؛ خو له دولت جوړوونکې ټاکنیزې ډلې سره همغاړي ګوندونه د بې بایوومتریک رایو نه شمېرنه دسیسه بولي.

د حق او عدالت ګوند رییس معین گل څمکنی وايي: که دوی پر بایومتریک رایو بسنه وکړي؛ نو تر شاه به یې یوه لویه سیاسي دسیسه وي. لویه پکتیا به له دې پروسیجره وروسته پاتې نشي، ترې به پخپل ټول ځواک دفاع وکړي او ورته حاضر هم دي.

د افغانستان د ملت د اسلامي حرکت ګوند رییس سید حسین هادي ویلي: د ټاکنو خپلواک کمیسیون اړ دی، چې د هغو خلکو رایې د اعتبار وړ وګڼي، چې نومونه یې په نوملړ کې شته او ستیکر لري؛ خو بایو متریک شوي ندي.         

د کار تر دې ځایه، زیاترو ټاکنیزو ډلو او د ټاکنو خپلواک کمیسیون د هغو رایوو په باور ټینګار کړی، چې بایومتریک شوي وي.

د دولت جوړونکې ټاکنیزې ډلې غړی سید علي کاظمي  ویلي: زمونږ وړاندیز دادی، چې هر څنګه وي ؛ نوماندان باید د ټاکنو پایله ومني.          

د امریکا د بهرنیو چارو وزارت مرستیالې او د ملګرو ملتونو د سازمان سرمنشي د ټاکنو خپلواک کمیسیون  له دې پرېکړې ننګه کړې، چې د بایوومتریک دستګاوو رایو ته دې اعتبار ورکړشي.  

د ټاکنو خپلواک کمیسیون کمیشنر مولانا محمد عبدالله وایي؛ تر دې دمه نه کوم سفارت او نه هم کومې ډلې مونږ ته د بې بایو متریک رایو د شمېرلو سپارښتنه نده کړې. د ټاکنو قانون او د ټاکنو لیحو روښانه کړې، چې یوازې بایومتریک شوې رایې د اعتبار وړ دي.           

د تلې شپږمې په ټاکنو کې ټولو لوریو ټینګار کړی، چې بایومتریک شوې رایې دې وشمېرل شي؛ خو یو شمېر معلومات ښیي، چې ځینې رایې بې بایومتریکې هم وې.

تازه خبرونه

اروپايي ټولنې په افغانستان کې سېلاب ځپلیو ته ۴۰۰ زره یورو ځانګړې کړې

Published

on

(Last Updated On: غبرګولى ۱, ۱۴۰۳)

اروپايي ټولنې څرګنده کړې، چې په بغلان، بدخشان او تخار ولایتونو کې له سېلاب ځپلیو سره یې د بشري مرستو د رسولو لپاره ۴۰۰ زره یورو ( څه باندې ۳۰ میلیون افغانۍ) ځانګړې کړي دي.

د دې بنسټ د نننۍ (سې شنبه د غبرګولي لومړۍ ) خبرپاڼې له مخې؛ يادې مرستې به د اکتيډ او ډاکار موسسو له‌خوا وړاندې شي، چې په کې نغدو پيسو، پاکو اوبو او پاکوونکیو توکو ته لاسرسي شته دی.

اروپايي ټولنې دا يادونه هم کړې، چې له ۱۹۹۴ ز. کال راپدیخوا يې په افغانستان کې د بشري مرستو په برخه کې مالي مرستې کړي او تر اوسه يې نږدې یو اعشاریه اته ميليارډ يورو مرسته کړې ده.

دغه راز دې ټولنې یوازې تېر کال د بشري مرستو په برخه کې ۱۵۹ میلیون یورو مرسته کړې. سربېره پر دې اروپايي ټولنې له ۲۰۲۱ ز. کال راپدیخوا د ۳۵ الوتنو له لارې افغانستان ته ۱۶۰۰ ټنه مرسته رالېږلې ده.

Continue Reading

تازه خبرونه

سر له سبا د ترکيي هوايي شرکت افغانستان ته رسمي الوتنې پیلوي

Published

on

(Last Updated On: غویی ۳۱, ۱۴۰۳)

د ټرانسپورټ او هوايي چلند وزارت مسوولینو ويلي، چې د ایران او متحده عربي امارتو له هوايي شرکتونو ورسته د ترکيي هوايي شرکت به هم سر له سبا افغانستان ته رسمي الوتنې پیل کړي.

د ټرانسپورټ او هوايي چلند وزارت مسوولین څرګندوي، چې له دې سره به د افغان مسافرو او هغو سوداګرو، چې له ترکيي سره سوداګرۍ لري؛ ستونزې راکمې شي.

د ټرانسپورټ او هوايي چلند وزارت ویاند امام الدین احمدي وایي: په دې کې مسافرو تهه ښه زیری شته. په ځانګړي توګه هغه افغانان، چې اروپا ته سفرونه کوي د کورنیو شرکتونو ترڅنګ به دا ترکي شرکت هم فعالیت کوي. افغان هوايي ډګرونه د افغانانو له خوا ښه مدیریت کیږي او مونږ دا یو ښه پیلامه بولو.

د خصوصي سکتور ځیني غړي افغانستان ته د لویو هوايي شرکتونو پر راتلو خوښي ښیي او څرګندوي؛ د ترکیې، عربي اماراتو، دبۍ او هندوستان په ګډون هېوادونه دې افغانانو ته د ویزې د ورکړي په برخو کې اسانیتاوې برابرې کړي، چې د خلکو ستونزې اوارې شي.

د سوداګرۍ او پانګونې خونې غړی خان جان الکوزی وایي: مونږ خوښ یوو، چې په هېواد کې مو د نړۍ معتبرهوايي شرکتونه پروازونه کوي؛ خو هغه هېوادونه، چې افغانستان ته الوتنې کوي افغانانو ته باید ویزې ورکړي، چې د خلکو ستونزې اوارې شي.

ویل کیږي که د نړیوالو هوايي شرکتونو له‌خوا افغان صادارتو لپاره د کارګو خدمتونه پراخ شي؛ د هېواد وچه او تازه میوه به د نړۍ مارکیټونو ته په منظم ډول او پرټاکلې وخت ورسیږي.

Continue Reading

تازه خبرونه

د دوحې په درېیمه ناسته کې د ګډون لپاره مو باید دریځ ومنل شي – مولوي عبدالکبیر

Published

on

(Last Updated On: غویی ۳۱, ۱۴۰۳)

په کابل کې د ملګرو ملتونو د عمومي منشي له مرستیالې سره په لیدنه کې د ریاست الوزراء سیاسي  مرستیال ویلي؛ اسلامي امارت به د دوحې په درېیمه ناسته کې هغه وخت ګډون وکړي، چې دریځ مو ومنل شي.

د ملګرو ملتونو د عمومي منشي سیاسي مرستیاله کابل ته راغلې او اسلامي امارت ته یې د دوحې په غونډه کې د ګډون بلنه ورکړې.

اسلامي امارت له ملګرو ملتونو او نورو هېوادونو غوښتي، چې د افغانستان د مشروع حکومت په توګه باید پر رسمیت وپېژندل شي.

مولوي عبدالکبیر ویلي، چې افغانستان د اسلامي امارت تر بشپړ کنټرول لاندې دی او ” دا هېواد یو امیر لري او اطاعت ترې کیږي.”

د ارګ په خبرپاڼه کې راغلي، چې مولوي عبدالکبیر د یکشنبې پر ورځ ( د غوایی دېرشمه) د انټونیو ګوترش سیاسي مرستیالې روزمري ډیکارلو ته په ډاګه کړه؛ د دوحې تېره غونډه د ځینو تنظیموونکیو د نیمګړتیاوو له کبله نیمګړې وه. که د اسلامي امارت دریځ ومنل شي؛ نو په راتلونکې غونډه کې به د اسلامي امارت پلاوی ګډون وکړي.

مولوي کبیر څرګنده کړې، چې اسلامي امارت د افغانستان پر ټوله جغرافیه واکمن دی… په ټول افغانستان کې یو مرکزي حکومت دی، یو امیر لري او له هغه اطاعت کیږي.

په دوحه کې د ملګرو ملتونو درېیمه ناسته د افغانستان لپاره د هېوادونو د ځانګړيو استازو په ګډون پیلېږي؛ خو دقیقه نېټه یې ټاکل شوې نده.

د ارګ د خبرپاڼې له مخې، میرمن ډیکارلو مولوي کبیر ته د دوحې د غونډې په اړه معلومات ورکړل او ویې ویل، چې په دې غونډه کې د ګډون لپاره د اسلامي امارت شرایط ستونزمن ندي. هغې هیله څرګنده کړه، چې د دوحې په غونډه کې به د اسلامي امارت پلاوی ګډون وکړي.

نوموړي ویلي، د دوحې غونډې ته د نړیوال بانک په ګډون د یو شمېر نړیوالو ټولنو او هېوادونو استازي هم بلل شوي دي.

Continue Reading

Trending

Copyright © 2022 Ariana News. All rights reserved!