تازه خبرونه
د جګړې په ډګر کې بې پروایي د منلو نه ده
د وسلوالو ځواکونو اعلی سرقومندان ولسمشر غني د ملي، امنیتي او دفاعي سرتېرو ملي ورځ نمانځغونډې ته وویل: په داسې حال کې، چې سولې ته هیله من یو؛ خو د جګړې په ډګر کې بې پروایي د منلو نه ده او باید له دښمنانو سره د مبارزې لپاره لازم چمتوالی ولرو.
د افغانستان ولسمشر او د وسلوالو ځواکونو اعلی سرقومندان ټینګار کوي، چې سوله او جګړه دواړه د سیمې له امنیت سره مستقیمه اړیکه لري او وایي: ګډ خطرونه افغانستان او بیا تاسې ګواښي؛ داخلي سوله به راشي، خو دا مو د مبارزې پای نه دی.
اجرائیه رییس په دې باور دی، چې طالبانو ته د سولې پیغام د مسوولیتونو د کمیدو معنا نلري.
د ملي وحدت حکومت اجرائیه رییس عبدالله عبدالله وایي، د سولې پیام د خلکو غوښتنه وه او هغه ورکړ شو، چې مونږ سوله غواړو او حاضر یو، چې د سولې خبرې وکړو. دا پیام ستاسو چمتوالی د افغانستان په ساتنه کې نه راکموي.
د ملي دفاع وزیر د امنیتي ځواکونو په لیکو کې د اصلاحاتو تر څنګ د جګړې پر دوام ټینګار کوي.
د ملي دفاع وزیر طارق شاه بهرامي وایي، د اصلاحاتو مشري او د جګړې مدیریت زمونږ غوره پروګرامونه دي؛ خو مونږ له وسلوالو مخالفانو سره د جګړې پر هڅو ډېر ټینګار کوو.
د کورنیو چارو وزیر ویس احمد برمک وایي، زمونږ جګړه مشروع او شرعي ده او له خپلې خاورې ساتنه کوو.
د ملي امنیت لوی رییس محمد معصوم ستانکزی وایي، مونږ په افغانستان کې جګړې ته اړ شوي یو. مونږ د جنګ لپاره جنګ نکوو، مونږ د سولې لپاره جنګیږو او یوه ورځ به دې سولې ته ورسیږو.
په دغو مراسمو کې د ملي دفاع وزارت په وړاندیز او د ولسمشر په منظورۍ د ملي دفاع وزارت لوی درستیز شریف یفتلي ته د ډګر جنرالۍ له رتبې څخه ستر جنرالۍ ته ترفیع ورکړ شوه او همدارنګه د کب د نهمې په مناسبت د ملي، امنیتي او دفاعي ځواکونو یو شمېر منسوبینو ته د امنیت په ټینګښت کې د هغوی د هڅو د درناوي په خاطر دولتي مدالونه، نښانونه، ستاینلیکونه او نقدي مرستې ډالۍ شوې.
تازه خبرونه
په کابل کې د نجونو کافي خونه او کتابتون پرانستل شو
د نجونو یوې څلورکسیزې ډلې د چارشنبې پر ورځ د غبرګولي نهمه په کابل کې د نجونو او ښځو د مطالعې لپاره یوه کافي خونه او کتابتون جوړ کړی او له ښځو او نجونو غواړي، چې ګټه ترې پورته او خپله پوهنیزه کچه لوړه کړي.
د هغو ښځو لپاره، چې په دې مراسمو کې یې برخه اخیستې وه؛ دا یو ښه نوښت و، په ځانګړي توګه د هغو لپاره، چې د ښوونځي او پوهنتون زدهکړې یې ځنډېدلي دي.
له څه نا څه درې کلونو راپدیخوا په افغانستان کې له شپږم ټولګي څخه پورته د نجونو او ښځو د ښوونځيو او پوهنتونونو زدهکړې ځنډېدلي او له ورتګه بې برخې پاتې دي.
د نجونو دې څلورکسیزې ډلې؛ نجونو او میرمنو ته نه یوازې د زدهکړې لپاره کتابتون او قهوه خونه جوړ کړې، بلکې غواړي هغو میرمنو او نجونو ته، چې د علم او پوهې د ترلاسه کولو په لټه کې دي هم د لوست زمینه برابره کړي.
د کافي خونې مسووله زهرا وایي: هغه نجونې او میرمنې، چې دلته د لوست او مطالعې لپاره راځي؛ یو شمېر نورې نجونې ورته کافي له خواږو توکو سره برابروي، چې ذهنې ستړیا یې راکمه شي.
داسې انګیرل کیږي، چې د ښځو او نجونو د ښوونیزو محدودیتونو له کبله د داسې چاپېریال رامنځته کول یوه اړتیا ګڼل کیږي.
په ټولیزه توګه غوښتنه دا ده، چې د ښوونځیو او پوهنتونونو دروازې د نجونو او ښځو پر مخ پرانیستل شي.
تازه خبرونه
د اروپايي ټولنې او قطر استازو د افغانستان په اړه خبرې وکړې
د افغانستان لپاره د اروپايي ټولنې ځانګړي استازي توماس نیکولسون او د قطر بهرنیو چارو وزارت سفیر او ځانګړي استازي فیصل بن عبدالله الحنزاب د افغانستان پر روان وضعیت بحث او خبرې وکړې.
د هغې خبرپاڼې له مخې، چې تېره ورځ د غبرګولي نهمه ناوخته د قطر بهرنيو چارو وزارت په ایکس پاڼه کې خپره کړې؛ راغلي، چې دغه ليدنه د قطر په پلازمېنه دوحه کې ترسره شوې او دواړو چارواکو په کې د افغانستان پر روانو حالاتو او سولې او ثبات ته د رسېدو لپاره د ګډو نړیوالو هڅو په اړه خبرې وکړې.
دا غونډه په داسې حال کې ترسره شوې، چې قطر به په نږدې یوه میاشت کې د افغانستان په اړه د درېیمې غونډې کوربه وي.
په دې غونډه کې د افغانستان د چارسمبالي حکومت استازي هم بلل شوي دي.
د افغانستان د چارسمبالي حکومت استازو د دوحې په دوهیمه ناسته کې د افغانستان لپاره د ملګرو ملتونو د ځانګړي استازي له ټاکل کېدو سره د مخالفت له کبله ګډون ونکړ؛ خو په درېیمه ناسته کې د ګډون لپاره د اندونو پر وړاندې کولو غور روان دی.
تازه خبرونه
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
د خوړو نړيوال پروګرام (WFP) څرګنده کړې، چې اروپايي ټولنه به د افغان زدهکوونکیو د خوړو د خونديتوب پياوړتيا لپاره له دې پروګرام سره ۱۰ ميليون يورو ځانګړې کړي.
د خوړو نړيوال پروګرام د چارشنبې پر ورځ (د غبرګولي نهمه) په يوه خبرپاڼه کې څرګنده کړې، چې دغه مرسته د فراه، غور، جوزجان، ننګرهار، نورستان، پکتيکا، روزګان او زابل ولايتونو له ۱۰ زره څخه زيات د ښوونځيو زدهکوونکي تر پوښښ لاندې راولي.
دغې ادارې زیاته کړې، چې د اروپايي ټولنې د اضافي مالي مرستو په لړ کې به د لس زره ښوونځیو پر زدهکوونکیو غني خوراکي بسکیټ یا ځواکمن تولید شوي غذايي خوراکونه ووېشل شي.
د یادې خبرپاڼې له مخې؛ د څلورم او شپږم ټولګیو نجونو زدهکوونکیو ته به هم د نباتي غوړیو او نغدو پیسو مرسته ورکړ شي.
په افغانستان کې د خوراکي توکو د نړیوال پروګرام مشرې هسیائو ویلی وايي؛ دې بنسټ څه باندې دوه لسیزې وړاندې د ښوونځیو د تغذیې پروګرام پیل کړ، چې د خوړو خوندیتوب او ښه تغذیه له پوهنې سره ونښلول شي.
د نوموړې د څرګندونو پر بنسټ، د خوړو نړيوال پروګرام تېر کال په ښوونځيو کې له یو اعشاریه پېنځه ميليون ماشومانو سره مرسته کړې او اروپايي ټولنه د دې مرستې مهم ونډوال شمېرل شوى دى.
دا په داسې حال کې ده، چې اروپايي ټولنې له دې مخکې هم د افغانستان د ښوونځیو د ښوونیز چاپېریال په ښه کولو کې مرسته کړې ده.
-
تازه خبرونه2 days ago
آریانا نړیوال ټلویزیون “د ویډیو په ثبتولو کې د مرستې غوښتنې” یو نوی پروګرام پیل کړ
-
لوبی3 days ago
د ۲۰۲۴ شل اوریز نړیوال جام سیالیو ټولې لوبډلې په ډاګه شوې
-
سیمه ییز خبرونه2 days ago
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
-
تازه خبرونه4 days ago
له ناقانونه مهاجرینو سره به جګړې ته ورته چلند وشي- د تهران والي مرستیال
-
لوبی3 days ago
افغانستان د ۲۰۲۴ فوټسال نړیوال جام په C ګروپ کې راغی
-
تازه خبرونه4 days ago
د خواف – هرات د اوسپنېپټلۍ د وروستۍ برخې د جوړولو کار پیل شو
-
سیمه ییز خبرونه4 days ago
د هند د لویدیځ په یوه تفریحي مرکز کې اور لګېدنې لږ تر لږه ۲۴ کسان مړه شوي
-
نړۍ1 day ago
په رفح کې پر اسرائيلي بريدونو لسګونه فلسطينيانو ووژل شول