تازه خبرونه
د حکومت مشرانو او سیاسیونو د سولې په اړه له زلمي خلیلزاد سره خبرې کړي
د افغانستان ولسمشراشرف غني تېر ماښام د افغانستان د سولې لپاره د امریکا د بهرنیو چارو وزارت له ځانګړي استازي زلمي خلیلزاد، سره ولیدل.
دغه راز په دې کتنه کې، چې په دلګشا ماڼۍ کې تر سره شوې، د ولسمشر دوه یم مرستیال سرور دانش، اجرائیه رییس داکتر عبدالله عبدالله او یو شمېر نورو لوړپوړیو دولتي چارواکو برخه درلود.
دواړو لوریو د افغانانو په مشرۍ او مالکیت په افغانستان کې د سولې د تامین پر لارو چارو بحث او خبرې کړې دي.
ولسمشر غني په دې کتنه کې د سولې بهیر د بریالیتوب او په هېواد کې د سراسري امنیت د خوندیتوب په موخه د افغان دولت له هڅو ډاډ څرګند کړ.
د افغانستان لپاره د امریکا ځانکړی استازی ښاغلی خلیلزاد کابل ته راغلی او د ماموریت موخه يې د سولې لپاره له طالبانوسره خبري دي.
د افغانستان د سولې لپاره د امریکا د بهرنیو چارو وزارت ځانګړي استازي زلمي خلیلزاد، کابل او د سیمې هېوادونو ته د خپل سفر د موخې په اړه څرګندونې کړي او څرګنده کړې یې ده، چې: سوله یو سپیځلې بهیر دی، چې په کې د امریکا حکومت او خلک د افغانستان له حکومت او خلکو سره متحد دي.
د افغانستان د سولې لپاره د امریکا استازی له طالبانو او افغان حکومته وغوښتل، چې د سولې خبرو لپاره خپل واک لرونکي سړي غوره او ګډې خبرې ژر پیل کړي.
خلیلزاد دا هم ویلي، چې د سولې بهیر د چټکولو لپاره د امریکا بهرنیو چارو وزارت له پنتاګون او سپینې ماڼۍ سره ګډ کار کوي.
د ملي وحدت حکومت اجرائیه رییس عبدالله عبدالله ویلي، چې د سولې په اړه د امریکا هڅه او ټینګار نړیوال ملاتړ لري او اړوند بهیر غزولی شي.
زلمی خلیلزاد تېره ورځ ماښام مهال کابل ته رارسیدلی او غواړي د قطر په ګډون اسلام آباد، سعودي عربستان او عربي متحده اماراتو ته هم د سولې پر بهیر د خبرو اترو لپاره سفرونه تر سره کړي.
د یادونې وړده، چې زلمي خلیلزاد نن سهار د افغانستان د حراست شورا له مشر عبدرب رسول سیاف سره هم سولې ته د رسیدو په اړه خبرې اترې کړې دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ