تازه خبرونه
د سولې مشورتي جرګه هیڅ نوې لاسته راوړنه نلري- عبدالله عبدالله
اجرائیه رییس د سولې مشورتي لویې جرګې پرېکړه لیک ته په غبرګون کې څرګنده کړې، چې مشورتي لویې جرګې هیڅ تازه غوښتنه او لاسته راوړنه نلرله.
د سولې مشورتي لویه جرګه د ۲۳ ماده ییز پرېکړه لیک په صادریدو پای ته ورسیده؛ خو له مثبت او منفي غبرګونونو سره مخ شوه.
په منفي غبرګون کې اجرائیه رییس د مشورتي لویې جرګې پرېکړه لیک ګټور نه بولي او له یوې ترکي رسنۍ سره یې په خبرو کې څرګنده کړې، چې پر لویه جرګه ډېر مالي لګښت وشو او څو ورځي ځانګړي اقتصادي او دولتي فعالیتونه دریدلي وه؛ خو هیڅ نوې خبره او لاسته راوړنه یې نلرله.
هغه زیاته کړې؛ په کار وه، چې جرګه له طالبانو سره د سولې له هوکړې وروسته جوړه شوې وای.
د نوموړي د څرګندونو له مخې؛ مونږ بې له قید او شرط خبرو ته تیار یو. کله، چې د سولې خبرې پیل شي، هر لوری خپل شرایط وړاندې کوي او دا خبرې اترې باید د افغانستان اکثریت وګړیو ته د منلو وي. په یقین، چې مونږ د سولې پر یوې ټولګې هوکړه کوو او د واک شریکوال یوه اړتیاده!
ځینې سیاسي ګوندونه او د ولسمشرۍ نوماندان د مشورتي لویې جرګې له پایلو سره مخالفت ښیي.
د دوی په وینا، د جرګې پایله د سولې بهیر لپاره هیڅ ګټه نلري.
د ولسمشریزو ټاکنو نوماند محمد حکیم تورسن وایي، چې دا جرګه هیڅ ګټه نلري؛ مونږ په تمه وو، چې ولسمشر به یو اړخیز اوربند اعلام کړي، خو دا کار ونشو.
د (افغانستان د اسلامي جمهوريت نظام) او د اساسي قانون ساتنه، بېړنی اوربند، د نوي مرکچي پلاوي ټاکل، د بهرنیو ځواکونو د وتلو لپاره مهالوېش او افغانستان ته د طالبانو د سیاسي دفتر رالیږدول د مشورتي لویې جرګې مهمې پرېکړې وې.
د ولسي جرګې پخوانۍ غړې فوزیه کوفي وایي؛ په پرېکړه لیک کې څه نوي وه؟ د اساسي قانون ساتنه یې راوړې وه؛ دا ښکاره خبره ده، چې هیڅوک پرته له اساسي قانون څخه خبرې نکوي.
د یادونې ده، چې اجرائیه رییس د مشورتي لویې جرګې پرېکړه تازه لاسته راوړنه نه ګڼي؛ خو ولسمشر وایي، لدې وروسته به دغه پرېکړه لیک د سولې لپاره د افغان دولت د عمل پروګرام او سیاست وي. د واک د شریکانو تر منځ دې بېلابېلو دریځونو ته په کتو به آیا د سولې مشورتې لویې جرګې پرېکړه لیک سولې ته د رسیدو له نقشې سره مرسته وکړي او که نه؟
تازه خبرونه
جاپان د افغانستان له سیلاب ځپلیو سره د بېړنیو مرستو ژمنه وکړه
په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.
د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.
دا مرست خیمې، کمبلې او نور اړین توکي رانغاړي.
په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.
دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.
روسیې هم د اړتیا په صورت کې د مرستې ژمنه کړې ده.
دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.
تازه خبرونه
د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ
په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.
د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.
هغه دا ډاډ هم ورکړی، چې افغانستان ته به دا مرستې د اوسپنېپټلۍ له لارې د هرات تورغنډۍ بندر ته رادننه شي.
په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
-
لوبی4 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه4 days ago
په ننګرهار کې د ناکامورا کانال پروژه بشپړه شوه
-
تازه خبرونه4 days ago
د یوناما استازې د ایران له بهرنیو چارو وزیر سره وکتل
-
تازه خبرونه4 days ago
ملګرو ملتونو د دې ټولنې په عمومي ناسته کې د افغانستان د رایې حق وځنډاوه
-
سوداگري2 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه3 days ago
په تېرو ۲ زره کلونو کې د تېر کال اوړی له ټولو تود و – څېړنه
-
نړۍ5 days ago
انټوني بلینکن اوکراین ته رسېدلی
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي