تازه خبرونه
د کابل د لومړنیو پایلو له اعلام وروسته، پاتې نوماندانو اعتراض کړی
د کابل د ولسي جرګې د ټاکنو د لومړنیو پایلو له اعلام وروسته، څه نا څه څلور سوه نوماندانو اعتراض کړی او اړوند اعلام شوې لومړنۍ پایلې نه مني.
د کابل د ولسي جرګې د ټاکنو لومړنۍ پایله له پېنځه شپیته ورځني ځنډ وروسته اعلام شوه او د ځینو نوماندانو اعتراضونه یې را وپارول.
هغه نوماندان، چې د ولسي جرګې د ټاکنو په لومړني نوملړ کې نه لیدل کیږي؛ ادعا کوي، چې د درغلیو سندونه لري او د ټاکنو خپلواک کمیسیون پر پراخ فساد تورن کړی دی.
متعرض نوماند شیرآب الدین سیار وایي؛ هغو کسانو، چې پارلمان ته لار موندلې یا شتمن دي او یا د جنګسالارانو له ملاتړ برخمن دي.
د کابل یو بل معترض نوماند سید علي وایي؛ په دې ټاکنو کې د مالي فساد، سیاسي فساد او اخلاقي فساد بېلابېلې بڼې وکارول شوې، چې نه یوازې دغه کمیسیون ته د شرم وړ کار نومل شوی، بلکې ملامت هم دی.
دوی د دغو ټاکنو د لومړنیو پایلو د لغوه کیدو غوښتنه لري او وایي، د ټاکنیزو شکایتونو خپلواک کمیسیون د دې ستونزې چاره کولی شي.
معترض نوماند فضل من الله ممتاز وایي، چې داد دیموکراسۍ د نظام پایله ده! ښه به دا وي، چې( د ملا عمر نظام یې وبولو).
متعرضه نومانده شکیبا توسلي څرګنده کړې؛ د ټاکنو کمیسیون پخپله ژبه راته وویل، چې پیسې ولګوه ښه پایله به درته اعلام کړم. نور؛ نو شرم دی دوی ته.
د ټاکنو خپلواک کمیسیون د ویاند مرستیال ذبیح الله سادات وایي، چې د تاکنو خپلواک کمیسیون د لومړنیو پایلو له اعلام ورسته له معترضو نوماندانو وغوښتل، چې که کوم شکایت لري؛ نو په اته څلویښت ساعتونو کې دې خپل شکایتونه د ټاکنیزو شکایتونو خپلواک کمیسیون کې ثبت کړي.
سیاسي ګوندونه تر ولسمشریزو ټاکنو پورې د ټاکنو خپلواک کمیسیون په ترکیب کې د بدلون غوښتنه لري او د ولسي جرګې د تاکنو لومړنۍ پایلې هم مشروع نه بولي.
د حزب اسلامي جګپوړی غړی همایون جریر وایي، چې دا پایله ټاکنو ته د شرم وړ ده. سیاسي ګوندونه دا پایلې نه مني او مشروع هم نده؛ باید لغو شي.
د کابل د ولسي جرګې د ټاکنو د لومړنیو پایلو اعلام ډېر وخت واخیست؛ خو د تاکنو څاروونکي بنسټونه وایي، چې په دې موده کې هم کمیسیون ونه توانیده، چې سمه او حسابي پایله اعلام کړي.
د آزادو او عادلانه ټاکنو د څار بنسټ غړې مریم آروین بارکزۍ وایي، چې ټاکنې د منلو وړ نه وې؛ نو پایلې یې هم نه منل کیږي؛ ځکه، چې په ګرو شوي وخت کې یې هم ونشو کولی، چې رڼې او له تمې سره سمې ټاکنې اعلام کړي.
کومو نوماندانو، چې د کابل د ولسي جرګې د تاکنو د لومړنیو پایلو له اعلام وروسته اعتراض کړی وایي؛ که یې غوښتنې ونه منل شوې، د اعتراضونو لمن به یې پراخه شي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه
-
تازه خبرونه6 hours ago
ترکمنستان د ټاپي پروژې بشپړولو ته ژمن دی – امانوف
-
تازه خبرونه3 days ago
د ازبکستان بشري مرستې بلخ ته راورسېدې