تازه خبرونه
د ټاکنو خپلواک کمیسیون د شنبې پر ورځ په ولایتونو کې د نوملیکنې بهیر پیلوي
د ټاکنو خپلواک کمیسیون د راتلونکې شنبې پر ورځ د رایه ورکوونکیو د نوملیکنې بهیر پیلوي؛ خو ناامنۍ د دغه بهیر ستره ستونزه ګڼي.
د ټاکنو خپلواک کمیسیون مسوولین له امنیتي ارګانونو غواړي، چې د رای مرکزونو امنیت خوندي کړي؛ ځکه، چې د راتلونکې شنبې پر ورځ د رایه ورکوونکیو نوملیکنه پیل کیږي.
د ټاکنو خپلواک کمیسیون کمیشنره ملیحه حسن وایي: د شنبې پر ورځ د رای ورکوونکیو د نوملیکنې بهیر د ښارونو په ۱۵۰۰ مرکزونو کې پیلیږي. مونږ لومړي پړاو ته یوولس زره کارکوونکي استخدام کړي او دوه یم پړاو به یې د غویي پر ۲۵ د ولسوالیو په مرکزونو کې پیل شي.
آغلې ملیحه حسن زیاته کړې، چې ناامني اوس هم پخپل حال پاتې ده؛ خو له وسلوالو طالبانو غواړو، چې د ټاکنو بهیر ته ستونزه جوړه نه کړي.
امنیتي مسوولین مني، چې د هېواد په بېلا بېلو سیمو کې لس ولسوالۍ له وسلوالو طالبانو سره دي؛ خو د ټاکنو لپاره به مناسب شرایط برابر کړي.
د کورنیو چارو وزارت ویاند نجیب دانش وایي: مونږ ژمنه کوو، چې د ټاکنو د تر سره کولو امنیت خوندي کړو. د ټاکنو امنیت زمونږ د پروګرام په لومړیتوبونو کې راغلی دی.
د ټاکنو خپلواک کمیسیون یوې سرچینې ویلي؛ که په روان کال کې د ولسي جرګې او ولسوالیو شوراګانو ټاکنې ونه شي، نو نړیواله ټولنه به له ټاکنیزو بنسټونو سره خپلې مرستې بندې کړي.
خبریال: فواد ناصري
تازه خبرونه
د تېرو څلورو ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه16 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل