Connect with us

تازه خبرونه

د ټاکنیزو شکایتونو کمیسیون د ۱۷۴ محلونو رايې باطلې کړې

خپور شوی

د

(Last Updated On: لړم ۲, ۱۴۰۱)

د ټاکنیزو شکایتونو کمیسیون ته د ولسي جرګې په ټاکنو کې د درغلیو او نیمګړیتاوو په اړه دولس زره شکایتونه لاسته ورغلي، چې لس زره شکایتونه څېړل شوي او د یو سل و څلور اویا محلونو رایې یې باطلې کړې دي.

د ټاکنیزو شکایتونو کمیسیون منشي علي رضا روحاني وایي: داسې هیڅ ډاډ نشته، چې مونږ وکولی شو پخپل وخت سل په سلو کې ټولو شکایتونو ته لاسرسی ومومو.

د ټاکنیزو شکایتونو خپلواک کمیسیون د ټاکنو څوارلس کارکوونکي، چې زیاتره یې د ټاکنو خپلواک کمیسیون کارکوونکي دي؛ له دندو ګوښه کړي او یو سل و نولس دوسیې یې عدلي او قضايي ارګانونو ته استولي دي.

ښاغلي علي رضا روحاني زیاته کړې، چې د شکایتونو په کمیسیون کې، چې تر دې دمه کوم کارونه تر سره شوي د لومړني لاس دي. یعنې دا هغه پرېکړې دي، چې په ولایتي کمیسیونونو کې نیول شوي او د هغو پرېکړې قانوني او د پلي کیدو وړ دي. په دې معنا، چې پرېکړې یې قانوني الزامیت لري.

د ټاکنیزو شکایتونو کمیسیون مسوولین وايي؛ دوی ته یوازې هغه رایې د منلو وړ دي، چې په بایو متریک کارول شوي وي.

د ټاکنو خپلواک کمیسیون بیا د شکایتونو کمیسیون دغه پرېکړې له وخت مخکې او ناقانونه ګڼي.

د ټاکنو خپلواک کمیسیون کشمشنر حفیظ الله هاشمي وایي:  د ټاکنیزو شکایاتو کمیسیون په ولایتونو کې د دندو له لایحې پورته لاسوهنه کوي، چې په همدې دلیل د ټاکنو کمیسیون هغو ته د ندې له لایحې پورته د لاسوهنې اجازه نه ورکوي.  

د ټاکنو خپلواک کمیسیون او د شکایتونو کمیسیون د رایو د باطلولو په اړه د نظر اختلاف لري؛ نو ولیدل شي، چې د رایو د پایلو اعلان به د خلکو او نوماندانو قناعت تر لاسه کړي او که نه؛ دا به وخت ښیي.

خبریال: شاهپور فرهمند

تازه خبرونه

د ازبکستان بشري مرستې بلخ ته راورسېدې

Published

on

(Last Updated On: غویی ۶, ۱۴۰۳)

نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.

د سیمه‌ییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخان‌دریا د والي له‌خوا د بلخ  چارسمبالي والي ته سپارل شوې ده.

د سرخان‌دریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.

په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.

کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.

Continue Reading

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

Trending

Copyright © 2022 Ariana News. All rights reserved!