تازه خبرونه
د پکتیا په ګردیز ښار کې ۱۳ زره کورنۍ له برښنا بې برخې پاتې دي
د پکتیا اوسیدونکي وايي، لدې ولایت سره د نښلول شوې برښنا کال پوره شو؛ خو د ګردیز ښار او د اړوند کلیو اوسیدونکي ترې بې برخې پاتې دي.
یو کال وړاندې ولسمشر محمد اشرف غني په پکتیا کې د یو شمېر نورو مهمو پروژو د پرانستې ترڅنګ له پکتیا سره نښلول شوې برښنا پرانیسته او ژمنه یې وکړه، چې په درې میاستو کې به د ګردیز ښار او اړوند کلیو دیارلس زره کورنۍ له برښنا برخمنې شي؛ خو د سیمې د اوسیدونکیو په خبره تر اوسه خلک له برښنا بې برخې دي.
د پکتیا د ولایتي شورا غړی محمدالرحمان قادري وایي، د پکتیا د برښنا ریاست او ولایتي اداره دې د برښنا د ستنو د وېش لړۍ چټکه کړي.
مدني مخکښ جمعه ګل افغان ويلي، که غوښتنې يې ونه منل شي پر پراخو لاریونونو به لاس پورې شي.
د پکتیا برښنا شرکت رییس محمد آصف نیازي ويلي، د تخنیکي وسایلو د کمښت له کبله يې چارې دریدلې؛ خو ژر به پیل شي.
قومي مشر ظفر مقبل وايي؛ په ګردیز ښار کې ډېری فابریکې فعالیت کوي، چې د برښنا د نشتوالي له کبله يې کارونه له خنډ او خنډ سره مخ دي.
قومي مشر رحمت الله وايي، که د برښنا چارې همداسې سستې روانې وي؛ پانګوال زړه نه ښه کوي، چې په پکتیا ولایت کې پانګونه وکړي.
د پکتیا اوسیدونکي نه یوازې د انتقالي برښنا د وېش چارې سستې بولي، بلکې د مرکز اړوند کلیو ته د ستنو د نصبولو له کاره هم ناراضه دي او وايي، د کار د کیفیت په اړه باید جدي څارنه وشي.
خبریال: فریدالله احمدزی
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه5 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ5 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی5 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه