تازه خبرونه
د هېواد لومړی درجه امنیتي چارواکي خبري رسنیو ته را ښکاره شول
د کابل د وروستیو بریدونو په اړه امنیتي بنسټونو ته معلومات رسیدلي وه؛ خو د چارواکو په باور بریدګرو پیچلی تکتیک کارولی او د مخنیوي هڅو یې کار نه دی ورکړی.
د ملي امنیت ريیس معصوم ستانکزی وايي، چې په انترکانتینیتال هوتل او د کورنیو چارو پخواني وزارت مخې ته د شویو بریدونو په اړه یې مخکې له مخکې معلومات درلودل.
نوموړی زیاتوي، چې بریدګرو پیچلی تکتیک کارولی؛ نو، ځکه دوی د بریدونو په مخنیوي کې پاتې راغلي دي.
د کورنیو چارو وزیر ویس احمد برمک وايي، چې د کابل هغه سیمې، چې ګواښ ترې رامنځته کیږي باید له امنیتي پلوه تر پوښښ لاندې راوستل شي.
هغه دا هم ویلي، چې په نږدې راتلونکي کې به تاسې په امنیتي نظام کې د سترو بدلونونو شاهد وئ.
ښاغلي برمک دغه راز په ډاګه کړې، چې د شنبې پر ورځ د کورنیو چارو د پخواني وزارت په دوه یمه دروازه کې چاودول شوی امبولانس د یودولتي روغتون و؛ خو د اړوند روغتون په اړه له څه ویلو ډډه شوې ده.
د ملي دفاع وزیرطارق شاه بهرامي وايي، چې په افغانستان کې له سخت دریځو وسلوالو ډلو سره د سیمې ځينې هېوادونه مرستې کوي.
نوموړي د یوې پوښتنې په ځواب کې په ډاګه کړه، چې استعفا د ستونزې حل نه دی؛ هرکله، چې د هېواد سیاسي مشرتابه له مونږ وړ خلک وموندل په همغه ورځ څه ، چې په همغه ساعت کې حاضر یو ، چې استعفا وکړو او ځای بل چا ته خوشې کړو.
دا څرګندونې په داسې حال کې راپورته شوي، چې د هېواد سیاسیونو او عامو وګړيو د اړوند امنیتي بنسټونو او سیاسي مشرانو د ګوښه کیدو غوښتنې کړي ؛ خو دغو چارواکو له خلکو بښنه غوښتې ده.
خبریال: نوید بهار
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ
-
سیمه ییز خبرونه3 days ago
د غزې په شمال کې د قحطۍ خطر ډېر دی