تازه خبرونه
جګړه د سولې لپاره له خبرو سره تړلې ده- وسلوال طالب
وسلوال طالبان په تاوتریخوالي او جګړه کې کموالی د سولې لپاره د سیاسي خبرو له پرمختګ سړه تړلې ګڼي.
آریانا نیوزخبریال د راپور جوړولو پر مهال د وسلوالو طالبانو په تر واکمنۍ لاندې سیمه کې له طالبانو سره مخ کیږي او پر سپارښتنه یې پوځي مرکز ته روانیږي؛ طالبان ترې د مرکې غوښتنه کوي او درې ساعته وروسته مرکې ته چمتو کیږي.
یو وسلوال طالب له آریانا نیوز سره په خبرو کې ویلي؛ د قطر سیاسي استازي دوی ته د منلو دي او که د دوی خبرې پایله ورکړي؛ چمتو دي، چې جګړه ودروي.
هغه د یوې پوښتنې په ځواب کې څرګنده کړې، چې سولې ته تر رسیدو پورې به دوی خپل عملیات او په ځانګړي توګه ځانمرګي بریدونه روان ساتي.
نوموړي دا هم ویلي، چې له پاکستان څخه يې امر نه دی تر لاسه کړی او د الله په رضا مبارزه کوي.
دی وايي، چې الله پاک مجبور کړی، چې وسلواله مبارزه وکړي.
هغه په جوماتونو کې د ځانمرګو بریدونو په اړه ویلي، چې بریدونه دوه بنې لري؛ یو په قصدي توګه د جومات ړنګول دي او بل هغه برید دی، چې هلته (فدایي ځوان) ځان ټوک ټوک کوي او د باروتو پر اور سوځوي که هغه په دې متیقین شي، چې دلته قرآن دی؛ هیڅکله به دا کار ونکړي.
تازه خبرونه
د اسلامي امارت او ملګرو ملتونو د ادارو د همغږۍ ناسته ترسره شوه
د اسلامي امارت د څرګندونو له مخې؛ په دې غونډه کې د بهرنیو چارو وزارت د چارسمبالي په ګډون د اسلامي امارت د ګڼو وزارتونو او همداراز د ملګرو ملتونو د ګڼو ادارو او د خصوصي سکتور لوړپوړو چارواکو ګډون کړې و.
د افغانستان د بهرنیو چارو وزارت د څرګندونو له مخې؛ په دې ناستې کې د بهرنيو چارو وزارت تر څنګ د کليو د بيا رغونې او پراختيا، اقتصاد، ماليې، کورنيو چارو، عامې روغتيا، مهاجرينو او راستنېدونکیو چارو، کرنې او مالدارۍ، اوبو او برښنا، صنعت او سوداګرۍ، اطلاعاتو او فرهنګ پېښو ته د رسېدو په چارو کې د دولت وزارت، پوهنې، شهداوو او معلولينو وزارتونو، د ښارواليو د چارو د انسجام رياست، کابل ښاروالۍ او چاپېريال ساتنې ملي ادارې لوړپوړیو استازو ګډون کړی و.
دغه راز د ملګرو ملتونو د بشري او پرمختيايي مرستو د مسوولينو تر څنګ په افغانستان کې میشتو د ملګرو ملتونو بېلابېلو ادارو (OCHA، WFP، UNDP، UNICEF، UN Habitat، FAO، UNHCR، UNESCO، ILO، UNFPA، WHO، UNODC ) مسؤولينو، نړيوالو بنسټونو (IRC، INTERSOS، NRC، ACBAR، DACAAR، ACF) او د خصوصي سکټور لوړپوړیو استازو ګډون کړی و.
په دې غونډه کې د افغانستان اسلامي امارت او د ملګرو ملتونو د ادارو استازو د لومړيتوبونو د شريکولو او همغږۍ د پياوړتيا په اړه خبرې وکړې.
د بهرنیو چارو وزارت چارسمبالي امیرخان متقي په دې غونډه کې ويلي، چې، له نړيوالو مرستو څخه د پوره ګټې پورته کولو لپاره اړينه ده، چې د مرستو او وېش بڼه د افغانستان د خلکو له اړتياوو او لومړيتوبونو سره سمه عياره شي.
د ملګرو ملتونو د بشري او پرمختيايي برخې مسوول او د يوناما مرستيال انډريکا رټواټي د ملګرو ملتونو فعاليتونو ته د کتنې تر څنګ ويلي، چې ملګري ملتونه پدې کار کوي، چې د مرستو نوعيت د بشري مرستو تر څنګ پرمختيايي مرستو ته راواړوي او هغه ساحې مشخصې کړې، چې د ملګرو ملتونو مرستې به پرې راڅرخي.
د ناستې په پای کې له طبيعي پېښو په ځانګړي توګه په هېواد کې له وروستيو سیلابونو څخه د اغېزمنو شويو هېوادوالو اړتياوو ته د چټکې رسېدنې، د همکارۍ او همغږۍ د روحيې پر ساتلو او زياتولو، له بشري مرستو څخه پراختیايي مرستو لور ته د حرکت او پر موضوعاتو د پراخ بحث لپاره د تخنيکي ميکانيزمونو پر رامنځته کولو هوکړه وشوه.
تازه خبرونه
چين مولوي عبدالکبیر ته په ټرانس – هیماليا ناسته کې د ګډون بلنه ورکړه
په کابل کې د چین سفیر ژاو شینګ د چارشنبې پر ورځ ( د غویی شپږویشتمه ) د ریاست الوزراء له سیاسي مرستیال مولوي عبدالکبید سره په کتنه کې هغه ته بلنه ورکړه، چې په ټرانس – هیمالیا فورم په غونډه کې ګډون وکړي.
په دې کتنه کې لومړی د چین سفیر له اسلامي امارت سره د خپل هېواد پر همکاریو ټینګار څرګند کړ او څرګندوي، چې د دواړو لوریو همکاري او متقابلې اړیکې د ستونزو په حل کې مرسته کولی شي.
ژاو شينګ ویلي؛ د چين ولسي جمهوريت په نړيوالو غونډو او په ځانګړي توګه د امنيت شورا په غونډو کې د اسلامي امارت د دريځ ملاتړ کوي او له اسلامي امارت سره خپلو همکاريو ته ژمن دی.
د افغانستان اسلامي امارت سیاسي مرستیال مولوي عبدالکبیر له افغانستان سره په بېلابېلو برخو کې د چین د خلکو جمهوریت له همکاریو مننه کړې او وایي، چې اسلامي امارت د یوه مسوول حکومت په توګه امنیت او ثبات ته ژمن دی او هڅه کوي، چې د سیمهییزو مسایلو، ثبات او پرمختګ په برخه کې فعال رول ولوبوي.
نوموړي د افغانستان په اړه په نړیوالو غونډو کې د چین همکاري او د اسلامي امارت له دریځ څخه د بیجینګ ملاتړ د افغانستان د خلکو په ګټه وباله او څرګندوي، چې د چین همکاري کولی شي په هېواد کې مثبت بدلونونه او اقتصادي وده رامنځته کړي.
تازه خبرونه
د تورخم لار لنډمهاله تړل کیږي
د تورخم کمیشنر عبدالجبار حکمت ويلي؛ د تورخم لار به د پاکستان له لوري د ۳ ورځو لپاره د ناروغانو او مسافرو د تګ راتګ پر مخ تړلې وي.
عبدالجبار حکمت ویلي، چې دغه لار به د جمعې له ورځې ( د غویی اتویشتمه) څخه تر یکشنبې ( د غویی دېرشمه ) پورې د ناروغانو او مسافرو پر مخ تړلې وي.
هغه زياته کړې، چې دغه سوداګريزه لار به ٢٤ ساعته پرانيستې وي او د باروړونکیو موټرو تګ راتګ او د سوداګريزو توکو لېږد رالېږد به روان وي.
حکمت زياته کړې، چې د ناروغانو او مسافرو پر مخ د دې لارې د بندېدو لامل له پخوانۍ ودانۍ څخه نوې ودانۍ ته د پاکستان د سرحدي دفترونو لېږدول دي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه